പെരുമ്പനച്ചി: റോഡരികില്‍ കൂട്ടിയിട്ടിരുന്ന പൈപ്പില്‍ ബൈക്ക് നിയന്ത്രണംവിട്ട് ഇടിച്ചുകയറി രണ്ട് യുവാക്കള്‍ക്ക് ഗുരുതരപരിക്ക്. ഇന്നലെ വൈകിട്ട് ആറിന് പെരുമ്പനച്ചി തോട്ടയ്ക്കാട് റോഡില്‍ കലയങ്കണ്ടംപടിക്കു സമീപമാണ് അപകടം. കുറുമ്പനാടം വെള്ളുക്കുന്ന് സ്വദേശി സിന്ധുവിനും (23) കൂടെയുണ്ടായിരുന്ന സുഹൃത്തിനുമാണ് പരുക്കേറ്റത്.
റോഡരികില്‍ അലക്ഷ്യമായി കൂട്ടിയിട്ടിരുന്ന പൈപ്പിലേക്ക് ബൈക്ക് ഇടിച്ചു കയറിയാണ് അപകടമെന്ന് പോലീസ് പറഞ്ഞു. സിന്ധുവിന്‍റെ നില ഗുരുതരമാണ്. പരുക്കേറ്റവരെ ചങ്ങനാശേരി ജനറല്‍ ആശുപത്രിയിലും പിന്നീട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. റോഡരികില്‍ അലക്ഷ്യമായി കൂട്ടിയിട്ടിരിക്കുന്ന പൈപ്പുകള്‍ അപകടക്കെണിയാകുന്നതായി വ്യാപക ആക്ഷേപമുണ്ട്.