ചങ്ങനാശേരി: "അരുത് ലഹരി' എന്ന ലഹരിക്കെതിരേയുള്ള ബോധവത്കരണത്തിന്‍റെ ഭാഗമായി വാഴപ്പള്ളി സെന്‍റ് തെരേസാസ് ഹയര്‍ സെക്കന്‍ഡറി സ്‌കൂളില്‍ സംഘടിപ്പിച്ച ബോധവത്കരണ പരിപാടി എക്സൈസ് ഇന്‍സ്പക്ടര്‍ പ്രദീപ് കുമാര്‍ ഉദ്ഘാടനം ചെയ്തു.
എന്‍സിസി, എന്‍എസ്എസ്, സ്‌കൗട്ട് ആന്‍ഡ് ഗൈഡ്‌സ്, സൗഹൃദ, സര്‍ഗക്ഷേത്രയുടെ കാവല്‍ എന്നിവയുടെ നേതൃത്വത്തിലാണ് പരിപാടി സംഘടിപ്പിച്ചത്. പ്രിന്‍സിപ്പല്‍ ഷിജി വര്‍ഗീസ്, സര്‍ഗ ക്ഷേത്ര ഡയറക്ടര്‍ ഫാ. അലക്‌സ് പ്രായിക്കളം, സിസ്റ്റര്‍ എലൈസ് കുന്നത്ത് തുടങ്ങിയവര്‍ പ്രസംഗിച്ചു.