വലവൂർ: എസ്എംവൈഎം വലവൂർ യൂണിറ്റിന്‍റെ നേതൃത്വത്തിൽ വയോജന സംഗമം "ബഥേൽ' നടത്തി. വലവൂർ സെന്‍റ് മേരീസ് ഇടവകാംഗങ്ങൾക്കായി സംഘടിപ്പിച്ച സംഗമം ഇന്നലെ രാവിലെ പത്തിന് വിശുദ്ധ കുർബാനയോടു കൂടിയാണ് ആരംഭിച്ചത്.
തുടർന്ന് പാരിഷ്ഹാളിൽ ചേർന്ന യോഗത്തിൽ വികാരി ഫാ. കുര്യാക്കോസ് പാത്തിക്കൽപുത്തൻപുര അധ്യക്ഷത വഹിച്ചു. ഫാ. ഇമ്മാനുവൽ പെരിയപ്പുറം വയോജനസംഗമം ഉദ്ഘാടനം ചെയ്തു. എംഎസ്എംഐ ജനറൽ സുപ്പീരിയർ സിസ്റ്റർ എൽസി വടക്കേമുറി, ജനറൽ ഓഡിറ്റർ സിസ്റ്റർ സെലിൻ പോൾ, സിസ്റ്റർ സ്റ്റാർലറ്റ്, എസ്എംവൈഎം യൂണിറ്റ് പ്രസിഡന്‍റ് അലക്സ് ബേബി, ട്രഷറർ നോബിൻ തോമസ് എന്നിവർ പ്രസംഗിച്ചു. വയോജനങ്ങൾ സംഗമത്തിൽ എൺപതോളം പേർ പങ്കെടുത്തു.