പാലാ ന​ഗ​ര​സ​ഭാ പാ​ർ​ക്കി​ൽ കു​ട്ടി​ക​ൾ​ക്ക് ക​ളി​ക്കാ​ൻ ഇ​ട​മി​ല്ല
Monday, August 26, 2024 11:48 PM IST
പാ​ലാ: ന​ഗ​ര​സ​ഭാ ഉ​ട​മ​സ്ഥ​ത​യി​ലു​ള്ള പ​ന്ത്ര​ണ്ടാം​മൈ​ലി​ലെ കു​മാ​ര​നാ​ശാ​ന്‍ പാ​ര്‍​ക്ക് പു​ല്ലും കു​റ്റി​ച്ചെ​ടി​ക​ളും വ​ള​ര്‍​ന്ന് ഇ​ഴ​ജ​ന്തു​ക്ക​ള്‍​ക്കു താ​വ​ള​മാ​കു​ന്നു.

തു​ട​ര്‍​ച്ച​യാ​യ അ​വ​ധി ദി​വ​സ​ങ്ങ​ളെ​ത്തി​യ​തോ​ടെ വൈ​കു​ന്നേ​ര​ങ്ങ​ളി​ല്‍ നി​ര​വ​ധി ര​ക്ഷി​താ​ക്ക​ളാ​ണ് കു​ട്ടി​ക​ളു​മാ​യി പാ​ര്‍​ക്കി​ലെ​ത്തു​ന്ന​ത്. എ​ന്നാ​ല്‍ ക​ളി​യു​പ​ക​ര​ണ​ങ്ങ​ളു​ടെ അ​പ​ക​ടാ​വ​സ്ഥ​യും പാ​ര്‍​ക്കി​നു​ള്ളി​ല്‍ വ​ള​ര്‍​ന്ന പു​ല്ലും കു​ട്ടി​ക​ള്‍​ക്ക് അ​പ​ക​ടാ​വ​സ്ഥ സൃ​ഷ്ടി​ക്കു​ന്ന​താ​ണ്. കാ​ല​ങ്ങ​ളാ​യു​ള്ള മ​ഴ​യും വെ​യി​ലു​മേ​റ്റു ക​ളി​യു​പ​ക​ര​ണങ്ങ​ള്‍ ത​ക​ര്‍​ന്ന അ​വ​സ്ഥ​യി​ലാ​ണ്. കു​ട്ടി​ക​ളു​ടെ ഇ​ഷ്ട ക​ളി​യു​പ​ക​ര​ണ​മാ​യ നാ​ല് ഊ​ഞ്ഞാ​ലു​ക​ളും ചെ​യി​ന്‍ പൊ​ട്ടി​യ നി​ല​യി​ലാ​ണ്.

ഊ​ഞ്ഞാ​ലാ​ടാ​ന്‍ ആ​ളി​ല്ലാ​താ​യ​തോ​ടെ ഈ ​ഭാ​ഗ​ത്ത് കാ​ട് വ​ള​ര്‍​ന്നു​ക​ഴി​ഞ്ഞു. ക​യ​റി​ലൂ​ടെ പി​ടി​ച്ചു​നീ​ങ്ങു​ന്ന സാ​ഹ​സി​ക വി​നോ​ദ​ത്തി​നു ത​യാ​റാ​ക്കി​യി​രു​ന്ന ഉ​പ​ക​ര​ണ​ത്തി​ന്‍റെ ക​യ​റു​ക​ള്‍ പ​ല സ്ഥ​ല​ങ്ങ​ളി​ലും പൊ​ട്ടി. കു​ട്ടി​ക​ള്‍​ക്കൊ​പ്പം ഈ ​ഭാ​ഗ​ത്ത് നി​ല്‍​ക്കു​ന്ന ര​ക്ഷി​താ​ക്ക​ളും പു​ല്ലി​നി​ട​യി​ല്‍ വേ​ണം നി​ല്‍​ക്കാ​ന്‍.

ഏ​ഴു മു​ത​ല്‍ 12 വ​യ​സു വ​രെ പ്രാ​യ​മു​ള്ള കു​ട്ടി​ക​ള്‍​ക്കാ​യി സ്ഥാ​പി​ച്ചി​രി​ക്കു​ന്ന ക​ളി​യു​പ​ക​ര​ണ​ങ്ങ​ളി​ല്‍ കൊ​ച്ചു​കു​ട്ടി​ക​ള്‍ ക​യ​റു​ന്ന​ത് നി​യ​ന്ത്രി​ക്കാ​ന്‍ ആ​ളി​ല്ലാ​ത്ത​തും അ​പ​ക​ടാ​വ​സ്ഥ സൃ​ഷ്ടി​ക്കു​ന്നു​ണ്ട്.


പാ​ര്‍​ക്കി​ന്‍റെ ഇ​ട​തു​ഭാ​ഗ​ത്ത് അ​ര​യാ​ള്‍ പൊ​ക്ക​ത്തോ​ളം പു​ല്ലും കാ​ട്ടു​ചേ​മ്പു​ക​ളും വ​ള​ര്‍​ന്നു​നി​ല്‍​ക്കു​ന്നു. വാ​ക്‌‌​വേ​യി​ലൂ​ടെ ഇ​ഴ​ജ​ന്തു​ക്ക​ളെ ഭ​യ​ന്ന് ന​ട​ക്കേ​ണ്ട അ​വ​സ്ഥ​യി​ലാ​ണ്. പാ​ര്‍​ക്കി​ല്‍ ക​ളി​യു​പ​ക​ര​ണ​ങ്ങ​ള്‍ സ്ഥാ​പി​ച്ച ഭാ​ഗം ടൈ​ല്‍ വി​രി​ച്ചി​രി​ക്കു​ന്നി​ട​ത്ത് മാ​ത്ര​മാ​ണ് പു​ല്ല് അ​ല്പം കു​റ​വു​ള്ള​ത്. എ​ങ്കി​ലും പ​ല ഭാ​ഗ​ങ്ങ​ളും പു​ല്ല് വ​ള​ര്‍​ന്ന നി​ല​യി​ലാ​ണ്. കു​ട്ടി​ക​ള്‍​ക്ക് ഓ​ടി​ക്ക​ളി​ക്കാ​ന്‍ പ​റ്റി​യ പാ​ര്‍​ക്കി​ലെ ഭാ​ഗം പൂ​ര്‍​ണ​മാ​യും പു​ല്ല് വ​ള​ര്‍​ന്നുക​ഴി​ഞ്ഞു.

മു​മ്പ് ശ​നി, ഞാ​യ​ര്‍ ദി​വ​സ​ങ്ങ​ളി​ല്‍ വൈ​കു​ന്നേ​രം പാ​ര്‍​ക്ക് നി​റ​യെ കു​ട്ടി​ക​ളു​ണ്ടാ​യി​രു​ന്നു. ഇ​വ​ര്‍​ക്കൊ​പ്പ​മെ​ത്തു​ന്ന ര​ക്ഷി​താ​ക്ക​ളും ചേ​രു​ന്പോ​ൾ നൂ​റു​ക​ണ​ക്കി​നാ​ളു​ക​ളാ​ണ് പാ​ര്‍​ക്കി​ലു​ണ്ടാ​യി​രു​ന്ന​ത്. മാ​താ​പി​താ​ക്ക​ളു​ടെ ക​രു​ത​ലി​ല്‍ കു​ട്ടി​ക​ള്‍ ക​യ​റു​ന്ന​തു​മൂ​ലം അ​പ​ക​ട​ങ്ങ​ള്‍ ഉ​ണ്ടാ​കു​ന്നി​ല്ല എ​ന്ന​തു മാ​ത്ര​മാ​ണ് ആ​ശ്വാ​സം. ഓ​ണാ​വ​ധി കൂ​ടി എ​ത്തു​ന്ന​ത് ക​ണ​ക്കി​ലെ​ടു​ത്ത് പാ​ര്‍​ക്കി​ലെ പു​ല്ല് വെ​ട്ടി​ത്തെ​ളി​ക്കാ​നും കു​ട്ടി​ക​ളു​ടെ ക​ളി​യു​പ​ക​ര​ണ​ങ്ങ​ള്‍ ന​വീ​ക​രി​ക്കാ​നും ന​ട​പ​ടി വേ​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.