ചേര്‍ത്തല: സെന്‍റ് മൈക്കിൾസ് കോളജിൽ സുവോളജി വിഭാഗം നിർമിച്ച മണ്ണിര കമ്പോസ്റ്റിന്‍റെ വിതരണ ഉദ്ഘാടനം മന്ത്രി ആർ. ബിന്ദുവും മന്ത്രി പി. പ്രസാദും ചേർന്ന് നിർവഹിച്ചു. സുവോളജി വിഭാഗത്തിലെ അധ്യാപകരും വിദ്യാർഥികളും കോളജ് മാനേജ്മെന്‍റിന്‍റെ പിന്തുണയോടെയാണ് സംരംഭം ആരംഭിച്ചത്. ഏകദേശം അഞ്ഞൂറ് കിലോ ജൈവ മണ്ണിര കമ്പോസ്റ്റാണ് ഉത്പാദിപ്പിച്ചിരിക്കുന്നത്. മാനേജർ റവ.ഡോ. സെലസ്റ്റിൻ പുത്തൻപുരയ്ക്കൽ, പ്രിൻസിപ്പല്‍ ഡോ. സിന്ധു എസ്. നായർ, വൈസ് പ്രിൻസിപ്പല്‍ ഡോ.ആന്‍റണി കുര്യാക്കോസ്, സുവോളജിവിഭാഗം മേധാവി ഡോ. പി.ജെ. ആന്‍റണി, തൃതല പഞ്ചായത്ത് പ്രതിനിധികൾ തുടങ്ങിയവർ പങ്കെടുത്തു.