ചേര്ത്തല: ദേശീയപാതയില് തിരുവിഴയ്ക്കു സമീപം മൂന്നു കാറുകള് കൂട്ടിയിടിച്ചുണ്ടായ അപകടത്തില് ഏഴു പേര്ക്കു പരിക്കേറ്റു. ചൊവ്വാഴ്ച രാവിലെ ആറോടെയായിരുന്നു അപകടം. ഇടിയുടെ ആഘാതത്തില് ഒരുകാര് നിയന്ത്രണം തെറ്റിമറിഞ്ഞു.
മൂന്നു കാറുകളിലെയും യാത്രക്കാരായ ഹരിപ്പാട് മണ്ണാറശാല വിജയഭവനില് വിജയന് (75), ആര്.എസ്. ഭവനില് ശ്രീധരന്പിള്ള (74), വിജിമോന് (44), ശ്രീറാം (11), പത്തനംതിട്ട പെരുംപള്ളിചിറത്തലയ്ക്കല് അജയ് വര്ഗീസ് (28), വളംപറമ്പില് അനൂപ് ഏബ്രഹാം (36), തലവടി പരുത്തിക്കല് പുത്തന്വീട് സുബിന് (28) എന്നിവര്ക്കാണ് പരിക്കേറ്റത്. പരിക്കേറ്റവരെ ചേര്ത്തല കെവിഎം ആശുപത്രിയില് പ്രവേശിപ്പിച്ചു. നാട്ടുകാരും ചേര്ത്തലയില് നിന്നെത്തിയ അഗ്നിശമനസേനയുമാണ് രക്ഷാപ്രവര്ത്തനം നടത്തിയത്.