ജോ​ലി വാ​ഗ്ദാ​നംചെ​യ്ത് ത​ട്ടി​പ്പ്: മു​ൻ സി​പി​എം നേ​താ​വി​നും ഭാര്യക്കുമെതിരേ കേ​സ്
Wednesday, August 28, 2024 12:03 AM IST
മ​ങ്കൊ​മ്പ്: ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യെ​ന്ന പ​രാ​തി​യി​ൽ സി​പി​എം മു​ൻ ബ്രാ​ഞ്ച് സെ​ക്ര​ട്ട​റി​ക്കും ഭാ​ര്യ​ക്കു​മെ​തി​രേ കേ​സ്. കാ​വാ​ലം പ​ഞ്ചാ​യ​ത്ത് വ​ട​ക്ക​ൻ വെ​ളി​യ​നാ​ട് മി​ഡി​ൽ ബ്രാ​ഞ്ച് മു​ൻ സെ​ക്ര​ട്ട​റി ഷ​ജി​ത്ത് ഭ​വ​നി​ൽ ഷ​ജി​ത്ത്, ഭാ​ര്യ ശാ​ന്തി​നി എ​ന്നി​വ​ർ​ക്കെ​തി​രേ​യാ​ണ് കൈ​ന​ടി പോ​ലീ​സ് കേ​സെ​ടു​ത്ത​ത്.

കാ​വാ​ലം കു​ന്നു​മ്മ സ്വ​ദേ​ശി​ക​ളാ​യ ര​ണ്ടു പേ​രി​ൽ​നി​ന്നു പു​ളി​ക്കീ​ഴി​ലെ വി​ദേ​ശ​മ​ദ്യ നി​ർ​മാ​ണശാ​ല​യി​ൽ ജോ​ലി ത​ര​പ്പെ​ടു​ത്തി​ക്കൊ​ടു​ക്കാ​മെ​ന്നു​പ​റ​ഞ്ഞു നാ​ല​രല​ക്ഷ​ത്തോ​ളം രൂ​പ ത​ട്ടി​യെ​ടു​ത്ത​താ​യാ​ണു പ​രാ​തി. ഇ​വ​ർ വ​ർ​ഷ​ങ്ങ​ളാ​യി സ​മാ​ന​മാ​യ രീ​തി​യി​ൽ ജി​ല്ല​യ്ക്കു പു​റ​ത്തു​നി​ന്നു​ള്ള​വ​രി​ൽ നി​ന്നു​വ​രെ നി​ര​വ​ധി ത​ട്ടി​പ്പു​ക​ൾ ന​ട​ത്തി​യി​ട്ടു​ണ്ടെ​ന്നാ​ണ് സൂ​ച​ന.

ആ​ല​പ്പു​ഴ ജി​ല്ല​യ്ക്കു പു​റ​മേ കോ​ട്ട​യം, പ​ത്ത​നം​തി​ട്ട ജി​ല്ല​ക​ളി​ൽനി​ന്നു​ള്ള​വ​രും ത​ട്ടി​പ്പി​നി​ര​യാ​യി. എ​ന്നാ​ൽ, ഇ​വ​രാ​രും ഇ​തു​വ​രെ പോ​ലീ​സി​നു പ​രാ​തി ന​ൽ​കി​യി​ട്ടി​ല്ല. സി​പി​എം നേ​താ​ക്ക​ളി​ൽ ചി​ല​ർ പ​ണം തി​രി​കെ വാ​ങ്ങി​ത്ത​രാ​മെ​ന്നു ഉ​റ​പ്പു​ന​ൽ​കി​യ​തി​നാ​ലാ​ണ് ഇ​തു​വ​രെ പ​രാ​തി​ക​ളൊ​ന്നും ന​ൽ​കാ​തി​രു​ന്ന​തെ​ന്നാ​ണ് ഇ​വ​ർ പ​റ​യു​ന്ന​ത്.

അ​തേ​സ​മ​യം ത​ട്ടി​പ്പി​ൽ പാ​ർ​ട്ടി നേ​താ​ക്ക​ൾ​ക്കും പ​ങ്കു​ണ്ടെ​ന്നു സി​പി​എ​മ്മി​ലെ ത​ന്നെ ഒ​രു​വി​ഭാ​ഗം പ​റ​യു​ന്നു. നേ​താ​ക്ക​ൾ​ക്കു ന​ൽ​കാ​നാ​ണ് പ​ണം വാ​ങ്ങു​ന്ന​തെ​ന്നാ​ണ് ഇ​വ​ർ ത​ട്ടി​പ്പി​നി​ര​യാ​യ​വ​രോ​ട് പ​റ​ഞ്ഞി​രു​ന്ന​ത്. പ​ല​വ​ട്ടം ബ​ന്ധ​പ്പെ​ട്ടി​ട്ടും ജോ​ലി​യോ, പ​ണ​മോ ല​ഭി​ക്കാ​താ​യ​തോ​ടെ ച​ങ്ങ​നാ​ശേ​രി​യി​ലു​ള്ള ഒ​രു കു​ടും​ബം ഷജി​ത്തി​ന്‍റെ വീട്ടി​ലെ​ത്തി കു​ത്തി​യി​രി​പ്പു സ​മ​രം ന​ട​ത്തി​യ​തോ​ടെ​യാ​ണ് ത​ട്ടി​പ്പ വി​വ​രം പു​റ​ത്താ​കു​ന്ന​ത്.


തു​ട​ർ​ന്ന് രാ​മ​ങ്ക​രി പോ​ലീ​സി​ൽ പ​രാ​തി ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ലെ​ന്നു ത​ട്ടി​പ്പി​നി​ര​യാ​യ​വ​ർ പ​റ​യു​ന്നു. ഇ​തേ​ത്തു​ട​ർ​ന്നാ​ണ് ഇ​വ​ർ കൈ​ന​ടി പോ​ലീ​സി​ൽ പ​രാ​തി ന​ൽ​കി​യ​ത്. നേ​ര​ത്തെ വ്യാ​ജ തി​രി​ച്ച​റി​യ​ൽ കാ​ർ​ഡ് നി​ർ​മി​ച്ചെ​ന്ന ആ​രോ​പ​ണ​മു​യ​ർ​ന്ന​തി​നെ​ത്തു​ട​ർ​ന്ന് പാ​ർ​ട്ടി അ​ന്വേ​ഷ​ണം ന​ട​ത്തു​ക​യും മൂ​ന്നു​മാ​സം മു​ൻ​പ് ഷജി​ത്തി​നെ പാ​ർട്ടിയി​ൽനി​ന്നു പു​റ​ത്താ​ക്കി​യി​രു​ന്ന​താ​യി സി​പി​എം നേ​തൃ​ത്വം പ​റ​യു​ന്നു.

തട്ടി​പ്പി​നി​ര​യാ​യ​വ​ർ പ​രാ​തി ന​ൽ​കി​യ​തി​നെ​ത്തു​ട​ർ​ന്ന് ഷ​ജി​ത്ത് മു​ങ്ങി​യ​താ​യാ​ണ് വി​വ​രം. ഷജി​ത്തി​നെ കാ​ണാ​നി​ല്ലെ​ന്നു കാ​ട്ടി ഭാ​ര്യ ശാ​ന്തി​നി നെ​ടു​മു​ടി പോ​ലീ​സി​ൽ പ​രാ​തി ന​ൽ​കി​യി​ട്ടു​ണ്ടെ​ന്നാ​ണ് വി​വ​രം.