യു​വാ​വി​നെ ത​ട്ടി​ക്കൊണ്ടു​പോ​യ കേ​സ്: പി​ടി​യി​ലാ​യ മു​ഖ്യ​പ്ര​തി റി​മാ​ൻ​ഡി​ൽ
Wednesday, August 28, 2024 12:03 AM IST
ചാ​രും​മൂ​ട്: നൂ​റ​നാ​ട് ക​രി​മാ​ന്‍കാ​വ് ക്ഷേ​ത്ര​ത്തി​നു സ​മീ​പ​ത്തു​നി​ന്ന് അ​രു​ണ്‍ കൃ​ഷ്ണ​ന്‍ എ​ന്ന യു​വാ​വി​നെ ത​ട്ടി​ക്കൊ​ണ്ടുപോ​യി കാ​റി​ലും നി​ര​ണ​ത്തെ ആ​ളൊ​ഴി​ഞ്ഞ വീ​ട്ടി​ലും മ​ര്‍​ദി​ക്കു​ക​യും മൊ​ബൈ​ല്‍ഫോ​ണും മോ​ട്ടോ​ര്‍​സൈ​ക്കി​ളും ത​ട്ടി​യെ​ടു​ക്കു​ക​യും ചെ​യ്ത കേ​സി​ലെ മു​ഖ്യ പ്ര​തി​യെ കോ​ട​തി റി​മാ​ന്‍​ഡ് ചെ​യ്തു.

തി​രു​വ​ല്ല നി​ര​ണം സെ​ന്‍​ട്ര​ല്‍ ഭാ​ഗ​ത്ത് മു​ണ്ട​നാ​രി​ല്‍ എം.​എ. അ​നീ​ഷ് കു​മാ​റി​നെ(മു​ണ്ട​നാ​രി അ​നീ​ഷ്-39)യാ​ണ് റി​മാ​ന്‍​ഡ് ചെ​യ്ത​ത്. ക​ഴി​ഞ്ഞദി​വ​സം രാ​ത്രി എ​റ​ണാ​കു​ള​ത്തു​നി​ന്നു നൂ​റ​നാ​ട് പോ​ലീ​സ് ഇ​യാ​ളെ അ​റ​സ്റ്റ് ചെ​യ്യു​ക​യാ​യി​രു​ന്നു. മോ​ഷ​ണം, കൊ​ല​പാ​ത​ക​ശ്ര​മം, ക​ഞ്ചാ​വ് ക​ട​ത്ത​ല്‍, ഭ​വ​ന​ഭേ​ദ​നം തു​ട​ങ്ങി മു​പ്പ​തി​ല​ധി​കം കേ​സു​ക​ളി​ല്‍ പ്ര​തി​യാ​യ ഇ​യാ​ള്‍ നി​ര​ണം ഭാ​ഗ​ത്തെ റോ​ബി​ന്‍ ഹു​ഡ് എ​ന്നാ​ണ് അ​റി​യ​പ്പെ​ടു​ന്ന​തെ​ന്ന് പോ​ലീ​സ് പ​റ​ഞ്ഞു.

സം​ഘാം​ഗ​മാ​യ റെ​നു രാ​ജ​നെ ക​രി​മാ​ന്‍​കാ​വ് ക്ഷേ​ത്ര​ത്തി​ലെ ഉ​ത്സ​വം അ​ല​ങ്കോ​ല​പ്പെ​ടു​ത്തി​യ​തി​ന് കൈ​കാ​ര്യം ചെ​യ്ത കൂ​ട്ട​ത്തി​ലു​ള്ള ആ​ളാ​ണെ​ന്ന് തെ​റ്റി​ദ്ധ​രി​ച്ചാ​ണ് അ​രു​ണ്‍ കൃ​ഷ്ണ​നെ ആ​ളു​മാ​റി ത​ട്ടി​ക്കൊ​ണ്ടു​പോ​യ​ത്. സം​ഘ​ത്തി​ല്‍​പ്പെട്ട റെ​നു രാ​ജ​ന്‍ (26), ആ​ദ​ര്‍​ശ് (19), ദീ​പ​ക്ക് (19), മു​ഹ​മ്മ​ദ് സെ​യ്ദ​ലി (23), ത​രു​ണ്‍ തി​ല​ക​ന്‍ (19), അ​ഖി​ല്‍.​ടി.​ആ​ര്‍ (23), ഫൈ​സ​ല്‍ (30), ഉ​ണ്ണി​ക്കു​ട്ട​ന്‍ (30) എ​ന്നീ പ്ര​തി​ക​ളെ നേ​ര​ത്തേ പോ​ലീ​സ് അ​റ​സ്റ്റ് ചെ​യ്ത് റി​മാ​ന്‍​ഡ് ചെ​യ്തി​രു​ന്നു. എ​ന്നാ​ല്‍, അ​നീ​ഷ് ഒ​ളി​വി​ലാ​യി​രു​ന്നു. ഇ​യാ​ളെ അ​റ​സ്റ്റ് ചെ​യ്യു​ന്ന​തി​ന് ജി​ല്ലാ പോ​ലീ​സ് മേ​ധാ​വി എം.​പി.​മോ​ഹ​ന​ച​ന്ദ്ര​ന്‍ നാ​യ​ര്‍ ചു​മ​ത​ല​യേ​റ്റ ശേ​ഷം ചെ​ങ്ങ​ന്നൂ​ര്‍ ഡി​വൈ​എ​സ്പി എം.കെ. ബി​നു കു​മാ​റി​ന്‍റെ നേ​തൃ​ത്വ​ത്തി​ല്‍ പ്ര​ത്യേ​ക അ​ന്വേ​ഷ​ണ​സം​ഘം രൂ​പീ​ക​രി​ച്ചി​രു​ന്നു.


നി​ര​ണം പ്ര​ദേ​ശ​ത്തെ പാ​ട​ശേ​ഖ​ര​ങ്ങ​ളി​ലും ആ​ളൊ​ഴി​ഞ്ഞ വീ​ടു​ക​ളി​ലും നി​ര​ന്ത​രം തെര​ച്ചി​ല്‍ ന​ട​ത്തി​യ അ​ന്വേ​ഷ​ണ സം​ഘ​ത്തി​ന് ഇ​യാ​ളെ ക​ണ്ടെ​ത്താ​നാ​യി​ല്ല. ഇ​തി​നി​ട​യി​ല്‍ ഇ​യാ​ളു​ടെ ബംഗളൂരു, എ​റ​ണാ​കു​ളം യാ​ത്ര​ക​ള്‍ പോ​ലീ​സി​ന്‍റെ ശ്ര​ദ്ധ​യി​ല്‍​പ്പെ​ട്ടി​രു​ന്നു.

ഇ​യാ​ളു​ടെ സ​ഹോ​ദ​ര​ന്‍ അ​ഖി​ലി​നെ 4.5 കി​ലോ ക​ഞ്ചാ​വ് സ​ഹി​തം അ​റ​സ്റ്റ് ചെ​യ്തി​രു​ന്നു. ക​ഴി​ഞ്ഞദി​വ​സം രാ​ത്രി എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് സ്റ്റേ​ഷ​ന്‍ പ​രി​ധി​യി​ലെ ഒ​ളി​ത്താ​വ​ള​ത്തി​ല്‍​നി​ന്ന് നൂ​റ​നാ​ട് സി​ഐ എ​സ്. ​ശ്രീ​കു​മാ​ര്‍, എ​സ്‌​ഐ എ​സ്. നി​തീ​ഷ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് അ​റ​സ്റ്റ് ചെ​യ്ത​ത്.

തി​രു​വ​ല്ല, ആ​റ​ന്മു​ള, ഹ​രി​പ്പാ​ട്, വീ​യ​പു​രം, നൂ​റ​നാ​ട്, മാ​ന്നാ​ര്‍, എ​ട​ത്വ എ​ന്നീ സ്റ്റേ​ഷ​ന്‍ പ​രി​ധി​ക​ളി​ല്‍ 2007 മു​ത​ല്‍ 33 കേ​സു​ക​ള്‍ ഇ​യാ​ള്‍​ക്കെ​തി​രേ ര​ജി​സ്റ്റ​ര്‍ ചെ​യ്തിട്ടുണ്ട്.