പൂച്ചാക്കൽ: ക്ഷീരവികസനവകുപ്പ്, തൈക്കാട്ടുശേരി ബ്ലോക്ക് ക്ഷീരസംഘങ്ങൾ എന്നിവയുടെ ആഭിമുഖ്യത്തിൽ ക്ഷീരസംഗമം സംഘടിപ്പിച്ചു. പള്ളിപ്പുറം വെള്ളിമുറ്റം ക്ഷേത്ര ഓഡിറ്റോറിയത്തിൽ വിപുലമായ പരിപാടികളോടെ നടത്തിയ ക്ഷീരസംഗമം ദലീമ ജോജോ എംഎൽഎ, ബ്ലോക്കിലെ മുതിർന്ന ക്ഷീരകർഷകരായ ഭാർഗവി ഗോവിന്ദൻ, ഒ.പി. കരുണാകരൻ എന്നിവർ ചേർന്ന് സംഗമം ഉദ്ഘാടനം ചെയ്തു.
പരിപാടിയുടെ ഭാഗമായി ക്ഷീരോത്പന്ന നിർമാണപ്രദർശനം, ക്ഷീരകർഷകരെ ആദരിക്കൽ, ക്ഷീര വികസന സെമിനാർ, ഡയറി ക്വിസ്, സമ്മാദാനം എന്നിവ നടന്നു. ബ്ലോക്ക് പ്രസിഡന്‍റ് വി.ആർ. രജിത, പ്രസിഡന്‍റ് ദീപ സജീവ്, ക്ഷീരവികസന ഓഫീസർ എസ്. സിനിമോൾ, ശശികുമാർ എന്നിവർ പരിപാടികൾക്കു നേതൃത്വം നൽകി. ഓരോ പഞ്ചായത്തിലും ക്ഷീരസംഘങ്ങളിൽ ഏറ്റവും കൂടുതൽ പാൽ അളന്ന ക്ഷീര കർഷകരെ ആദരിച്ചു.