ആ​ർ​ക്കും വേ​ണ്ടാ​ത്ത ബു​ധ​നൂ​ർ ശ്മ​ശാ​നം
Wednesday, August 28, 2024 12:03 AM IST
മാ​ന്നാ​ർ: ബു​ധ​നൂ​രി​ൽ ഒ​രു പൊ​തുശ്മ​ശാ​ന​മു​ണ്ട്. മൃ​ത​ദേ​ഹ​ങ്ങ​ൾ സം​സ്ക​രി​ക്ക​ണ​മെ​ങ്കി​ൽ വേ​റെ സ്ഥ​ലം നോ​ക്ക​ണം. ബു​ധ​നൂ​ർ പ​ഞ്ചാ​യ​ത്തി​ലെ പെ​രി​ങ്ങി​ലി​പ്പു​റം മ​ഠ​ത്തി​ക്കു​റ്റി​യി​ലാ​ണ് പ​ഞ്ചാ​യ​ത്തി​ന്‍റെ പൊ​തു​ശ്മ​ശാ​നം ഉ​ള്ള​ത്. ‌ശ്മ​ശാ​ന​ത്തി​നാ​യി ക​ണ്ടെ​ത്തി​യ​ത് എ​ട്ട് സെ​ന്‍റ് ച​ത​പ്പു​നി​ല​മാ​ണ്.

ഈ ​സ്ഥ​ലം കാ​ടുക​യ​റി കി​ട​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. അ​തി​നാ​ൽ മൃ​ത​ശ​രീ​രം സം​സ്ക​രി​ക്കാ​ൻ ക​ഴി​യാ​ത്ത സ്ഥി​തി​യി​ലാ​ണ് സ്ഥ​ല​ത്തി​ന്‍റെ ഇ​പ്പോ​ഴ​ത്തെ അ​വ​സ്ഥ.

മാ​റി മാ​റി വ​ന്ന പ​ഞ്ചാ​യ​ത്ത് ഭ​ര​ണ​സ​മി​തി​ക​ൾ ശ്മ​ശാ​ന​ത്തി​ന്‍റെ ഇ​പ്പോ​ഴ​ത്തെ ദുഃസ്ഥി​തി​ക്കു പ​രി​ഹാ​രം കാ​ണാ​ൻ താ​ത്പര്യം കാ​ട്ടു​ന്നി​ല്ല​ത്രേ. ജ​ന​പ്ര​തി​നി​ധി​ക​ൾ തെ​ര​ഞ്ഞെ​ടു​പ്പ്‌ വാ​ഗ്ദാ​ന​മാ​യി ഈ ​വി​ഷ​യ​ത്തെ ഉ​പ​യോ​ഗി​ക്കാ​റു​ണ്ട​ങ്കി​ലും ഇ​ത് ക​ഴി​യു​മ്പോ​ൾ മ​റ​ക്കു​ന്ന സ്ഥി​തി​യാ​ണുള്ള​ത്.


താ​മ​സ​സ്ഥ​ല​ത്ത് അ​ട​ക്കം ചെ​യ്യാ​ൻ സ്ഥ​ല​മി​ല്ലാ​തെ ഇ​വി​ടേ​ക്കെ​ത്തി​ച്ച മൃ​ത​ശ​രീ​രം ഇ​വി​ടെ സം​സ്ക​രി​ക്കാ​ൻ ക​ഴി​യാ​തെ തി​രി​കെ കൊ​ണ്ടുപോ​കേ​ണ്ടി വ​ന്ന സം​ഭ​വ​ങ്ങ​ളുണ്ടാ​യി​ട്ടു​ണ്ട്. അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​ത്ത​തി​നാ​ലും കാ​ടുക​യ​റിക്കിട​ക്കു​ന്ന​തി​നാ​ൽ ശ്മ​ശാ​ന​ത്തി​ലേ​ക്കു ക​യ​റാ​ൻ പോ​ലും ക​ഴി​യാ​ത്ത​തി​നാ​ലുമാണ് തി​രി​കെ കൊ​ണ്ടു പോ​കേ​ണ്ടിവ​രു​ന്ന​ത്.

പൊ​തു​ശ്മ​ശാ​നം ഉ​പ​യോ​ഗ​പ്ര​ഥ​മാ​ക്ക​ണ​മെ​ന്ന ജ​ന​ങ്ങ​ളു​ടെ ചി​ര​കാ​ല​മാ​യ ആ​വ​ശ്യം പ​രി​ഗ​ണി​ക്കാ​ത്ത ജ​ന​പ്ര​തി​നി​ധി​ക​ളു​ടെ​യും പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ​യും നി​ല​പാ​ടി​ൽ നാ​ട്ടു​കാ​ർ ക​ടു​ത്ത പ്ര​തി​ഷേ​ധ​ത്തി​ലാ​ണ്. സ്ഥ​ല​ത്തി​ന് ചു​റ്റും ക​രി​ങ്ക​ൽ ഭി​ത്തികെ​ട്ടി മ​ണ്ണി​ട്ടുയ​ർ​ത്തി പൊ​തു​ശ്മ​ശാ​നം ഉ​പ​യോ​ഗ​പ്ര​ദ​മാ​ക്ക​ണ​മെ​ന്ന​താ​ണ് പൊ​തു ആ​വ​ശ്യം.