എടത്വ: ആനപ്രമ്പാല്‍ സ്‌നേഹഭവനില്‍ വിശുദ്ധ മദര്‍ തെരേസയുടെ 114-ാം ജന്മദിനം അഗതിദിനമായി ആചരിച്ചു. ബ്ലോക്ക് പഞ്ചായത്ത് പ്രസിഡന്‍റ് ജിന്‍സി ജോളി ഉദ്ഘാടനം നിര്‍വഹിച്ചു. സ്‌നേഹഭവന്‍ രക്ഷാധികാരിയും എടത്വ സെന്‍റ് ജോര്‍ജ് ഫൊറോന പള്ളി വികാരിയുമായ ഫാ. ഫിലിപ്പ് വൈക്കത്തുകാരന്‍ അധ്യക്ഷത വഹിച്ചു. എടത്വ സര്‍ക്കിള്‍ ഇന്‍സ്‌പെക്ടര്‍ അന്‍വര്‍ എം. സ്‌നേഹഭവന്‍ അന്തേവാസികള്‍ക്കായി മധുരം വിതരണം ചെയ്തു. തലവടി പഞ്ചായത്ത് പ്രസിഡന്‍റ് ഗായത്രി ബി. നായര്‍, ആലപ്പുഴ ജില്ലാ പഞ്ചായത്ത് വികസന സ്ഥിരം സമിതി അധ്യക്ഷ ബിനു ഐസക് രാജു, ബ്ലോക്ക് അംഗങ്ങളായ ആനി ഈപ്പന്‍, അജിത്ത് പിഷാരത്ത്, സ്‌നേഹഭവന്‍ ട്രഷറര്‍ ഔസേപ്പ് വര്‍ഗീസ് എന്നിവര്‍ പ്രസംഗിച്ചു.