ആലപ്പുഴ: ചെറിയ പ്രായത്തില്‍ത്തന്നെ ചിത്രരചനയില്‍ പേരും പെരുമയും നേടിയെടുത്ത അനാമികയുടെ ചിത്രപ്രദര്‍ശനം വിസ്മയം 2024 ആലപ്പുഴ ലളിതകലാ അക്കാദമി ആര്‍ട്ട് ഗാലറിയില്‍ ആരംഭിച്ചു. ഓള്‍ഡ് ഈസ് ഗോള്‍ഡ് ഫെയിം കൂറ്റുവേലി ബാലചന്ദ്രന്‍ ചിത്രദര്‍ശനം ഉദ്ഘാടനം ചെയ്തു. ചടങ്ങില്‍ ശ്രീ പുഷ്പകബ്രാഹ്‌മണ സേവാ സംഘം കുറ്റുവേലി പ്രാദേശിക സഭാ പ്രസിഡന്‍റ് പരമേശ്വരനുണ്ണി അധ്യക്ഷനായി.
ആറു വയസു മുതല്‍ വരയുടെ ലോകത്ത് അനാമികയുണ്ട്. എട്ടാം വയസില്‍ 150 ചിത്രങ്ങള്‍ വരച്ച് ഇന്‍റര്‍നാഷണല്‍ ബുക്ക് ഓഫ് റിക്കാര്ഡ്സിലും ഇന്ത്യാ ബുക്ക് ഓഫ് റിക്കാര്ഡ്സിലും ഇടംപിടിച്ചു. പട്ടണക്കാട് സെന്‍റ് ജോസഫ് പബ്ലിക് സ്കൂളിലെ ആറാം ക്ലാസ് വിദ്യാര്‍ഥിനിയായ അനാമിക നിയമ സര്‍വകലാശാല അസിസ്റ്റന്‍റ് പ്രഫസര്‍ രവീന്ദ്രകുമാറിന്‍റെയും ചേര്‍ത്തല സെന്‍റ് ആന്‍സ് പബ്ലിക് സ്‌കൂള്‍ അധ്യാപിക വി. രഞ്ജിനിയുടെയും ഇളയ മകളാണ്. സഹോദരന്‍ അഭിനവ് പ്ലസ് ടു വിദ്യാര്‍ഥിയാണ്.