കാഞ്ഞങ്ങാട്: അഞ്ച് എച്ച്പിയില് താഴെയുള്ള മോട്ടോറുകള് ഉപയോഗിക്കുന്ന ചെറുകിട പ്രസുകളെ മലിനീകരണ സര്ട്ടിഫിക്കറ്റിന്റെ ആവശ്യകതയില് നിന്നൊഴിവാക്കണമെന്ന് കേരള പ്രിന്റേഴ്സ് അസോസിയേഷന് ജില്ലാ സമ്മേളനം ആവശ്യപ്പെട്ടു.
അച്ചടിയുടെ മുഖ്യ അസംസ്കൃത വസ്തുവായ കടലാസ് പുനരുപയോഗിക്കാവുന്നതും പ്രകൃതിക്ക് ഒരു ദോഷവും വരുത്താത്തതുമാണ്. ഉപയോഗിക്കുന്ന മെഷീനറികളും മലിനീകരണം ഉണ്ടാക്കാത്തതാണ്. ആയതിനാല് അച്ചടിയെ ഗ്രീന് കാറ്റഗറിയിലേക്ക് മാറ്റണമെന്ന് സമ്മേളനംആവശ്യപ്പെട്ടു.
വ്യാപാര ഭവനില് നടന്ന സമ്മേളനം സംസ്ഥാന ജനറല് സെക്രട്ടറി പി.എം. ഹസൈനാര് ഉദ്ഘാടനം ചെയ്തു. നഗരസഭാ ചെയര്പേഴ്സണ് കെ.വി. സുജാത മുഖ്യാതിഥിയായിരുന്നു. ജില്ലാ പ്രസിഡന്റ് ടി.പി. അശോക് കുമാര് അധ്യക്ഷത വഹിച്ചു. ടി.ടി. ഉമ്മര്, റെജി മാത്യു, മൊയ്നുദ്ദീന്, സിബി കൊടിയംകുന്നേല്, മുജീബ് അഹമ്മദ്, വി.ബി. അജയകുമാര്, പ്രഭാകരന് കാഞ്ഞങ്ങാട്, നൗഫല് കുമ്പഡാജെ, മുഹമ്മദ് സാലി, സി. സുധീഷ്, സിറാജുദ്ദീന് മുജാഹിദ്, ജിത്തു പനയാല് എന്നിവര് പ്രസംഗിച്ചു. എന്. കേളു നമ്പ്യാര് സ്വാഗതവും ഷംസീര് അതിഞ്ഞാല് നന്ദിയും പറഞ്ഞു.