ക​ണ്ണാ​ടി​ത്തോ​ട്ടി​ൽ വീ​ണ്ടും കാ​ട്ടാ​ന​ക​ൾ കൃ​ഷി ന​ശി​പ്പി​ച്ചു
Tuesday, May 7, 2024 1:21 AM IST
ബ​ന്ത​ടു​ക്ക: വ​നാ​തി​ർ​ത്തി ഗ്രാ​മ​ങ്ങ​ളാ​യ ക​ണ്ണാ​ടി​ത്തോ​ട്, മാ​ണി​മൂ​ല, ചൂ​ള​ങ്ക​ല്ല് ഭാ​ഗ​ങ്ങ​ളി​ൽ കാ​ട്ടാ​ന​ക​ൾ വീ​ണ്ടും കൃ​ഷി ന​ശി​പ്പി​ച്ചു. ക​ണ്ണാ​ടി​ത്തോ​ട്ടി​ലെ അ​ഷ്റ​ഫി​ന്‍റെ കൃ​ഷി​യി​ട​ത്തി​ൽ തെ​ങ്ങു​ക​ൾ ചു​വ​ടോ​ടെ മ​റി​ച്ചി​ട്ടു. ക​മു​കു​ക​ളും വാ​ഴ​ക​ളും പി​ച്ചി​ച്ചീ​ന്തി. റ​ബ​ർ മ​ര​ങ്ങ​ൾ പോ​ലും ഒ​ടി​ച്ചി​ട്ടു. ജ​ല​സേ​ച​ന പൈ​പ്പു​ക​ളും ന​ശി​പ്പി​ച്ചു.

മൂ​ന്ന് ആ​ന​ക​ള​ട​ങ്ങി​യ കൂ​ട്ട​മാ​ണ് ജ​ന​വാ​സ​കേ​ന്ദ്ര​ങ്ങ​ളി​ലെ​ത്തി​യ​തെ​ന്ന് നാ​ട്ടു​കാ​ർ പ​റ​യു​ന്നു. തൊ​ട്ടു​കി​ട​ക്കു​ന്ന ക​ർ​ണാ​ട​ക വ​ന​ത്തി​ൽ നി​ന്നും ഇ​റ​ങ്ങി​വ​രു​ന്ന കാ​ട്ടാ​ന​ക​ൾ കൃ​ഷി​യി​ട​ങ്ങ​ളി​ൽ തേ​ർ​വാ​ഴ്ച ന​ട​ത്തി തി​രി​ച്ചു​പോ​വു​ക​യാ​ണ്.

ജ​ന​വാ​സ​കേ​ന്ദ്ര​ത്തി​നു സ​മീ​പ​ത്തെ വ​നാ​തി​ർ​ത്തി മേ​ഖ​ല​യി​ൽ മൃ​ഗ​ങ്ങ​ൾ​ക്ക് കു​ടി​വെ​ള്ളം ല​ഭ്യ​മാ​ക്കാ​നാ​യി ക​ർ​ണാ​ട​ക വ​നം​വ​കു​പ്പ് കു​ളം കു​ഴി​ച്ച​താ​ണ് വി​ന​യാ​യ​ത്. വെ​ള്ളം കി​ട്ടു​ന്ന സ്ഥ​ല​മാ​യ​തോ​ടെ ഇ​വി​ടെ ത​മ്പ​ടി​ച്ച കാ​ട്ടാ​ന​ക​ൾ ത​രം​കി​ട്ടു​മ്പോ​ഴെ​ല്ലാം ജ​ന​വാ​സ​കേ​ന്ദ്ര​ങ്ങ​ളി​ലേ​ക്കി​റ​ങ്ങു​ക​യാ​ണ്.

നേ​ര​ത്തേ അ​ത്ര​യൊ​ന്നും കാ​ട്ടാ​ന​ശ​ല്യ​മി​ല്ലാ​തി​രു​ന്ന മേ​ഖ​ല​യാ​യ​തി​നാ​ൽ ഇ​വി​ടെ വ​നാ​തി​ർ​ത്തി​യി​ൽ കാ​ര്യ​മാ​യ സു​ര​ക്ഷാ​വേ​ലി​ക​ളോ കി​ട​ങ്ങു​ക​ളോ നി​ർ​മി​ച്ചി​ട്ടി​ല്ല.

ഇ​പ്പോ​ൾ ആ​ന​യെ ഭ​യ​ന്ന് പ​ക​ൽ​സ​മ​യ​ത്തു​പോ​ലും വീ​ട്ടി​ൽ നി​ന്ന് പു​റ​ത്തി​റ​ങ്ങാ​നാ​കാ​ത്ത നി​ല​യാ​ണ്. വ​ന​ത്തോ​ടു ചേ​ർ​ന്നു കി​ട​ക്കു​ന്ന ചൂ​ള​ങ്ക​ല്ല് പ​ട്ടി​ക​വ​ർ​ഗ കോ​ള​നി​യി​ലെ ജ​ന​ങ്ങ​ൾ ഭീ​തി​യോ​ടെ​യാ​ണ് ഓ​രോ രാ​ത്രി​യും ത​ള്ളി​നീ​ക്കു​ന്ന​ത്.

വ​ന​ത്തി​ലെ കു​ള​ത്തി​നു സ​മീ​പ​ത്തു​നി​ന്ന് ആ​ന​ക​ളു​ടെ ചി​ന്നം​വി​ളി മി​ക്ക സ​മ​യ​ങ്ങ​ളി​ലും കേ​ൾ​ക്കാം. പ​ന്ത​ങ്ങ​ൾ ക​ത്തി​ച്ചു​വ​ച്ചും ത​ക​ര​പ്പാ​ട്ട​ക​ൾ കൊ​ട്ടി ശ​ബ്ദ​മു​ണ്ടാ​ക്കി​യു​മാ​ണ് കോ​ള​നി നി​വാ​സി​ക​ൾ പി​ടി​ച്ചു​നി​ല്ക്കു​ന്ന​ത്.

Copyright @ 2022 , Rashtra Deepika Ltd.