ചെമ്പേരി: കുടിയാന്മല വൈസ്മെൻ ക്ലബിന്‍റെ ഭാരവാഹികളുടെ സ്ഥാനാരോഹണ ചടങ്ങ് വൈസ്മെൻ ക്ലബ് ഹാളിൽ നടന്നു. വൈസ്മെൻ ഇന്‍റർനാഷണൽ വെസ്റ്റ് ഇന്ത്യാ റീജണൽ ഡയറക്ടർ കെ.എം.ഷാജി ഉദ്ഘാടനം ചെയ്തു. റീജണൽ സെക്രട്ടറി മധു പണിക്കർ പുതിയ ഭാരവാഹികളുടെ സത്യപ്രതിജ്ഞ നടത്തി. പ്രസിഡന്‍റ് ജിമ്മി ആയിത്തമറ്റം അധ്യക്ഷത വഹിച്ചു. വൈസ്മെൻ ഡിസ്ട്രിക്ട് ഗവർണർ മലബാർ രമേശ് പുതുതായി അംഗത്വമെടുത്തവർക്ക് സത്യവാചകം ചൊല്ലിക്കൊടുത്തു.
റീജണൽ ട്രഷറർ സിജു പനച്ചിയ്ക്കൽ ഈ വർഷം ക്ലബ് നടത്തുന്ന സേവന പ്രവർത്തനങ്ങൾക്കുള്ള തുക പുതുതായി ചുമതലയേറ്റ പ്രസിഡന്‍റിന് കൈമാറി. ഡിസ്ട്രിക്ട് ഭാരവാഹികളായ ജോൺ പടിഞ്ഞാത്ത്, സണ്ണി മാനാടിയിൽ, സെബാസ്റ്റ്യൻ കുരിശുംമൂട്ടിൽ, സിജോ കണ്ണേഴത്ത്, ജോയ് വണ്ടർകുന്നേൽ, ജോസഫ് നെടുമ്പുറത്ത്, ഷിബു പനച്ചിക്കൽ, സുരേഷ് അയിക്കൽ, ജോർജ് കൊച്ചുകുടിയാത്ത് എന്നിവർ പ്രസംഗിച്ചു. ഭാരവാഹികളായി ജോയ് ജോൺ കുറിച്ചേൽ- പ്രസിഡന്‍റ്, സിജോ കണ്ണേഴത്ത്- സെക്രട്ടറി, ജോസഫ് നെടുംപുറത്ത്- ട്രഷറർ എന്നിവർ സ്ഥാനമേറ്റു.