മട്ടന്നൂർ: ടൈൽസ് പണിക്കിടെ തൊഴിലാളി ഷോക്കേറ്റ് മരിച്ചു. കല്ലൂർ ചാല അമ്പലത്തിന് സമീപത്തെ എൻസിസി റോഡിലെ വിവഞ്ചികയിൽ മോർശേരി ബാലൻ നമ്പ്യാർ-സരോജിനി ദമ്പതികളുടെ മകൻ കെ.വിജേഷാണ് (48) മരിച്ചത്.
ഇന്നലെ രാവിലെ ഒമ്പതോടെ വീടിനു സമീപത്തെ ഒരു വീട്ടിൽ ടൈൽസ് ജോലി ചെയ്യുന്നതിനിടെയാണു ഷോക്കേറ്റത്. ഷോക്കേറ്റുവീണ വിജേഷിനെ നാട്ടുകാർ ഉടൻ മട്ടന്നൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം ഇന്ന് രാവിലെ 10 ന് പൊറോറ നിദ്രാലയത്തിൽ നടക്കും. ഭാര്യ: രേഷ്മ. സഹോദരങ്ങൾ: രാജേഷ്, സനീഷ്.