ഇ​ന്ദി​രാ​ഗാ​ന്ധി ആ​ശു​പ​ത്രി​ക്കെ​തി​രേ സി​പി​എം പ്ര​വ​ർ​ത്ത​ക​നു​മാ​യി ഡി​സി​സി സെ​ക്ര​ട്ട​റി ഗൂ​ഢാ​ലോ​ച​ന ന​ട​ത്തി​യെ​ന്ന്
Tuesday, August 27, 2024 1:39 AM IST
ത​ല​ശേ​രി: ഡി​സി​സി സെ​ക്ര​ട്ട​റി​യും ഇ​ന്ദി​രാ​ഗാ​ന്ധി സ​ഹ​ക​ര​ണ ആ​ശു​പ​ത്രി പ്ര​സി​ഡ​ന്‍റു​മാ​യി​രു​ന്ന കെ.​പി. സാ​ജു​വി​നെ​തി​രെ ഹൈ​ക്കോ​ട​തി​യെ സ​മീ​പി​ച്ച സി​പി​എം പ്ര​വ​ർ​ത്ത​ക​ന് എ​ല്ലാ പി​ന്തു​ണ​യും ന​ൽ​കി​യ​ത് ഡി​സി​സി സെ​ക്ര​ട്ട​റി​യാ​​ണെ​ന്ന് റി​പ്പോ​ർ​ട്ട്. തെ​ളി​വു​ക​ളു​മാ​യി കോ​ൺ​ഗ്ര​സ് നേ​താ​ക്ക​ൾ നേ​തൃ​ത്വ​ത്തെ സ​മീ​പി​ച്ചു. കോ​ൺ​ഗ്ര​സി​ൽ​നി​ന്നു സി​പി​എ​മ്മി​ലേ​ക്ക് പോ​യ പ​രാ​തി​ക്കാ​ര​ൻ ഹൈ​ക്കോ​ട​തി​യെ സ​മീ​പി​ക്കു​ന്ന​തി​നു മു​മ്പ് ഡി​സി​സി സെ​ക്ര​ട്ട​റി​യു​ടെ വീ​ട്ടി​ൽ എ​ത്തു​ക​യും ഒ​ന്ന​ര​മ​ണി​ക്കൂ​ർ ച​ർ​ച്ച ന​ട​ത്തു​ക​യും ചെ​യ്തെ​ന്ന ഗു​രു​ത​ര​മാ​യ ആ​രോ​പ​ണ​മാ​ണ് ഇ​പ്പോ​ൾ പു​റ​ത്തുവ​ന്നി​ട്ടു​ള്ള​ത്.

സി​പി​എ​മ്മു​കാ​ര​നു​മാ​യ പ​രാ​തി​ക്കാ​ര​നും ഡി​സി​സി സെ​ക്ര​ട്ട​റി​യും ച​ർ​ച്ച ന​ട​ത്തു​ന്ന വി​വ​രം ഇ​ന്ദി​രാ​ഗാ​ന്ധി ആ​ശു​പ​ത്രി ജീ​വ​ന​ക്കാ​ർ കാ​ണു​ക​യും ഭ​ര​ണ​സ​മി​തി​യം​ഗ​ങ്ങ​ളെ സം​ഭ​വ​സ​മ​യ​ത്തു​ത​ന്നെ അ​റി​യി​ക്കു​ക​യും ചെ​യ്തു. ഭ​ര​ണ​സ​മി​തി​യം​ഗ​ങ്ങ​ൾ വി​വ​രം ഡി​സി​സി നേ​തൃ​ത്വ​ത്തി​ന്‍റെ ശ്ര​ദ്ധ​യി​ൽ​പെ​ടു​ത്തി​യ​താ​യും സി​പി​എം പ്ര​വ​ർ​ത്ത​ക​നു​മാ​യി ച​ർ​ച്ച ന​ട​ത്തി കൊ​ണ്ടി​രി​ക്കു​ന്ന​തി​നി​ട​യി​ൽ ഉ​ന്ന​ത കോ​ൺ​ഗ്ര​സ് നേ​താ​ക്ക​ൾ ഡിസി​സി സെ​ക്ര​ട്ട​റി​യെ ഫോ​ണി​ൽ വി​ളി​ച്ച് വി​ശ​ദീ​ക​ര​ണം തേ​ടി​യി​രു​ന്ന​താ​യും​ആ​ശു​പ​ത്രി ഭ​ര​ണ​സ​മി​തി​യം​ഗം പ​റ​ഞ്ഞു.


അ​തേ​സ​മ​യം ഇ​ന്ദി​രാ​ഗാ​ന്ധി സ​ഹ​ക​ര​ണ ആ​ശു​പ​ത്രി​ക്കെ​തി​രെ ആ​ശു​പ​ത്രി​യി​ലെ നാ​ലു ഡ​യ​റ​ക്ട​ർ​മാ​ർ ന​ൽ​കി​യ പ​രാ​തി​യി​ൽ ത​ല​ശേ​രി സ​ർ​ക്കി​ൾ പ​രി​ധി​യി​ലെ അ​സി​സ്റ്റ​ന്‍റ് ര​ജി​സ്ട്രാ​ർ അ​ന്വേ​ഷ​ണം ന​ട​ത്തും. സി.​ടി. സ​ജി​ത്തി​ന്‍റെ നേ​തൃ​ത്വ​ത്തി​ലു​ള്ള നാ​ലു ഡ​യ​റ​ക്ട​ർ​മാ​ർ ന​ൽ​കി​യ പ​രാ​തി ല​ഭി​ച്ച​താ​യും പ​രാ​തി കൈ​മാ​റി​യ​താ​യും ജോ​യി​ന്‍റ് ര​ജി​സ്ട്രാ​ർ രാ​മ​കൃ​ഷ്ണ​ൻ പ​റ​ഞ്ഞു. സ​ജി​ത്തി​നു പു​റ​മെ ധ​ർ​മ​ടം ബ്ലോ​ക്ക് കോ​ൺ​സ് സെ​ക്ര​ട്ട​റി സി.​കെ.​ദി​ലീ​പ് കു​മാ​ർ, മ​ഹി​ളാ കോ​ൺ​ഗ്ര​സ് നേ​താ​വ് വ​സ​ന്ത​കു​മാ​രി, മീ​റ സു​രേ​ന്ദ്ര​ൻ എ​ന്നി​വ​രാ​ണ് ക​ടു​ത്ത ആ​രോ​പ​ണ​ങ്ങ​ൾ ഉ​ന്ന​യി​ച്ചും പ്ര​സി​ഡ​ന്‍റി​നും ജ​ന​റ​ൽ മാ​നേ​ജ​ർ​ക്കു​മെ​തി​രേ ന​ട​പ​ടി ആ​വ​ശ്യ​പ്പെ​ട്ടും ര​ജി​സ്ട്രാ​ർ​ക്ക് പ​രാ​തി ന​ൽ​കി​യ​ത്. കോ​ൺ​ഗ്ര​സ് നേ​തൃ​ത്വം ന​ൽ​കു​ന്ന ആ​ശു​പ​ത്രി​ക്കെ​തി​രെ പ​രാ​തി ന​ൽ​കി​യ നാ​ലു നേ​താ​ക്ക​ളേ​യും ബ​ഹി​ഷ്ക​രി​ക്കാ​ൻ കോ​ൺ​ഗ്ര​സി​ന്‍റെ​യും പോ​ഷ​ക സം​ഘ​ട​ന​ക​ളു​ടേ​യും ക​മ്മി​റ്റി​ക​ൾ ആ​ഹ്വാ​നം ചെ​യ്തു. ധ​ർ​മ​ടം ബ്ലോ​ക്ക് കോ​ൺ​ഗ്ര​സ് ക​മ്മ​ിറ്റി, യൂ​ത്ത് കോ​ൺ​ഗ്ര​സ് നി​യോ​ജ​ക​മ​ണ്ഡ​ലം ക​മ്മ​റ്റി ഉ​ൾ​പ്പെ​ടെ വി​വി​ധ ക​മ്മ​ിറ്റി​ക​ളാ​ണ് സ​ജി​ത്ത് ഉ​ൾ​പ്പെ​ടെ​യു​ള്ള നേ​താ​ക്ക​ളെ ബ​ഹി​ഷ്ക​രി​ക്കാ​ൻ ആ​ഹ്വാ​നം ചെ​യ്തി​ട്ടു​ള്ള​ത്.