വീ​ടി​നും അ​മ്പ​ല​ത്തി​നും ഭീ​ഷ​ണി​യാ​യി മാ​ഞ്ചു​വ​ടി​ൽ പു​റ​മ്പോ​ക്ക് വി​വാ​ദം
Tuesday, August 27, 2024 1:39 AM IST
ഇ​രി​ട്ടി: വി​വാ​ദ​ത്തി​ൽ കു​രു​ങ്ങി ക​രി​ക്കോ​ട്ട​ക്ക​രി വി​ല്ലേ​ജി​ലെ റീ​സ​ർ​വേ. എ​ടൂ​ർ വെ​മ്പു​ഴ​യു​ടെ പു​ഴ പു​റ​മ്പോ​ക്കു​മാ​യി ബ​ന്ധ​പ്പെ​ട്ട് വെ​മ്പു​ഴ​ച്ചാ​ലി​ലും എ​ട​പ്പു​ഴ​യി​ലും തു​ട​രു​ന്ന വി​വാ​ദം മാ​ഞ്ചോ​ടി​ലേ​ക്കും വ്യാ​പി​ക്കു​ക​യാ​ണ്. വ​ർ​ഷ​ങ്ങ​ളാ​യി പ​ട്ട​യം ഉ​ൾ​പ്പെ​ടെ നി​കു​തി അ​ട​ച്ച് അ​നു​ഭ​വി​ച്ചു വ​രു​ന്ന സ്ഥ​ല​ങ്ങ​ൾ, വീ​ട്, അ​മ്പ​ലം, സാം​സ്‌​കാ​രി​ക നി​ല​യം ഉ​ൾ​പ്പെ​ടെ പു​റ​മ്പോ​ക്കാ​യി അ​ട​യാ​ള​പ്പെ​ടു​ത്തി​യ​താ​ണ് പു​തി​യ വി​വാ​ദ​ത്തി​ന് ഇ​ട​യാ​ക്കി​യ​ത്. സ്ഥ​ലം ഉ​ട​മ​യെ പോ​ലും അ​റി​യാ​ക്ക​തെ​യാ​ണ് ഇ​വി​ട​ങ്ങ​ളി​ൽ റീ​സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കി​യ​തെ​ന്ന് പ​രാ​തി ഉ​യ​രു​ന്നു​ണ്ട്. സു​താ​ര്യ​മ​ല്ലാ​ത്ത സ​ർ​വേ ന​ട​പ​ടി​ക​ളാ​ണ് ക​രി​ക്കോ​ട്ട​ക്ക​രി വി​ല്ലേ​ജി​ൽ ന​ട​ക്കു​ന്ന​ത് എ​ന്നാ​ണ് ആ​രോ​പ​ണം.

16.5 സെ​ന്‍റ് സ്ഥ​ല​വും
വീ​ടും പു​റ​മ്പോ​ക്കി​ൽ

സ​ർ​വേ ന​മ്പ​ർ 279 പ്ര​കാ​രം 16.5 സെ​ന്‍റ് ഭൂ​മി​യി​ൽ വീ​ടു​വ​ച്ച് 13 വ​ർ​ഷ​മാ​യി താ​മ​സി​ക്കു​ന്ന മാ​ഞ്ചോ​ടി​ലെ താ​മ​സ​ക്കാ​ര​നാ​യ കൊ​ല്ലി​യെ​പു​ല​ത്ത് സ​ജീ​വ​ന്‍റെ ആ​കെ​യു​ള്ള സ്ഥ​ല​വും പു​ര​യി​ട​വും പൂ​ർ​ണ​മാ​യും പു​റ​മ്പോ​ക്കി​ൽ വ​രു​മെ​ന്നാ​ണ് റീ​സ​ർ​വേ വി​ഭാ​ഗം പ​റ​യു​ന്ന​ത്. ഭാ​ര്യ ദീ​പ​യു​ടെ പേ​രി​ലു​ള്ള സ്ഥ​ല​ത്തി​ന് ക​ഴി​ഞ്ഞ 15 വ​ർ​ഷ​മാ​യി സ​ജീ​വ​ൻ നി​കു​തി​യ​ട​ച്ചു വ​രു​ന്നു.

പ​ട്ട​യം ഉ​ൾ​പ്പെ​ടെ എ​ല്ലാ രേ​ഖ​ക​ളു​മു​ള്ള സ്ഥ​ല​ത്തി​ന്‍റെ പു​ഴ​യു​ടെ ഭാ​ഗം വി​ല്ലേ​ജ് അ​ധി​കാ​രി​ക​ൾ അ​ള​ന്ന് ക​ല്ലി​ടു​ക​യും വാ​ട്ട​ർ അ​ഥോ​റി​റ്റി വി​ഭാ​ഗം സം​ര​ക്ഷ​ണ ഭി​ത്തി നി​ർ​മി​ച്ചു ന​ല്കു​ക​യും ചെ​യ്തി​ട്ടു​ണ്ടെ​ങ്കി​ലും റീ​സ​ർ​വേ വി​ഭാ​ഗ​ത്തി​ന്‍റെ ക​ണ​ക്കി​ൽ ഭൂ​മി പു​റ​മ്പോ​ക്കി​ലാ​ണ്. അ​മ്മ​യും ഭാ​ര്യ​യും മൂ​ന്നു കു​ട്ടി​ക​ളും അ​ട​ങ്ങി​യ കു​ടും​ബം ഇ​നി എ​ന്ത് ചെ​യ്യും എ​ന്ന ആ​ശ​ങ്ക​യി​ലാ​ണ്.

അ​ന്പ​ല​വും സാം​സ്‌​കാ​രി​ക നി​ല​യ​വും പു​റ​മ്പോ​ക്കി​ൽ

മാ​ഞ്ചോ​ടി​ലെ അ​ഖി​ല ഭാ​ര​ത അ​യ്യ​പ്പ സേ​വാ​സം​ഘ​ത്തി​ന്‍റെ വ​ർ​ഷ​ങ്ങ​ൾ പ​ഴ​ക്ക​മു​ള്ള അ​മ്പ​ലം പു​റ​മ്പോ​ക്കി​ൽ ആ​ണെ​ന്നാ​ണ് റീ​സ​ർ​വേ​യു​ടെ ക​ണ​ക്ക്. കൂ​ടാ​തെ ഏ​താ​നും മാ​സ​ങ്ങ​ൾ​ക്കു മു​ന്പ് ഉ​ദ്ഘാ​ട​നം ക​ഴി​ഞ്ഞ ആ​റ​ളം പ​ഞ്ചാ​യ​ത്ത് സം​സ്കാ​രി​ക നി​ല​യ​വും പു​റ​മ്പോ​ക്കി​ലാ​ണെ​ന്ന​താ​ണ് ഏ​റെ ര​സ​ക​രം. ജേ​ക്ക​ബ് കീ​ഴാ​മ​ല​യി​ൽ, രാ​ജ​മ്മ തേ​ക്ക​നാം​കു​ന്നേ​ൽ, നാ​ര​യ​ണ​ൻ അ​മ്പ​ല​ക്കാ​ട്ടി​ൽ, അ​ല​ക്സ് തേ​ക്ക​നാ​ടി​യി​ൽ, സി​ബി കൊ​ര​ണ്ടി​ക്ക​വേ​ലി​ൽ, മോ​ഹ​ന​ൻ ആ​ല​ക്ക​ൽ, അ​ജി ഞാ​റ​ള​ത്തേ​ൽ, കെ.​പി. രാ​ജേ​ഷ്, അ​നി​ൽ​കു​മാ​ർ ചു​രു​വി​ള തു​ട​ങ്ങി നി​ര​വ​ധി പേ​രു​ടെ സ്ഥ​ല​വും വീ​ടും കാ​ർ​പോ​ർ​ച്ചും കൃ​ഷി​യി​ട​വും പൊ​തു​മ​രാ​മ​ത്ത് റോ​ഡ് ഉ​ൾ​പ്പെ​ടെ പു​വു​മ്പോ​ക്കി​ലാ​ണ് അ​ട​യാ​ള പ്പെ​ടു​ത്തി​യി​രി​ക്കു​ന്ന​ത്.


പു​ലി​വാ​ലാ​യി 1967 ലെ ​അം​ഗീ​ക​രി​ക്കാ​ത്ത
സ​ർ​വേ രേ​ഖ​ക​ൾ

നി​ല​വി​ൽ പു​രോ​ഗ​മി​ക്കു​ന്ന റീ​സ​ർ​വേ​യി​ൽ ത​ർ​ക്ക​ങ്ങ​ൾ​ക്ക് കാ​ര​ണം 1967ൽ ​ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ പൂ​ർ​ത്തി​യാ​ക്കി​യ സ​ർ​വേ രേ​ഖ​ക​ൾ ഉ​പ​യോ​ഗി​ച്ച് നി​ല​വി​ൽ ന​ട​ത്തു​ന്ന റീ​സ​ർ​വേ ന​ട​പ​ടി​ക​ളാ​ണ്. 1967ൽ ​സ​ർ​വേ രേ​ഖ​ക​ൾ പ​ല​തും അ​പൂ​ർ​ണ​മാ​ണെ​ന്നാ​ണ് ആ​രോ​പ​ണം. നി​ല​വി​ലെ രേ​ഖ​ക​ൾ പ​രി​ശോ​ധി​ക്കാ​തെ​യു​ള്ള സ​ർ​വേ ന​ട​പ​ടി​ക​ളാ​ണ് ത​ദ്ദേ​ശ​വാ​സി​ക​ൾ​ക്ക് തി​രി​ച്ച​ടി​യാ​കു​ന്ന​ത്. 1933ൽ ​ബ്രി​ട്ടി​ഷ് കാ​ല​ഘ​ട്ട​ത്തി​ൽ ന​ട​ത്തി​യ സ​ർ​വേ കു​റ്റ​മ​റ്റ​താ​യി​രു​ന്നെ​ങ്കി​ലും അ​ന്ന​ത്തെ ആ​റ​ളം വി​ല്ലേ​ജി​ന്‍റെ ഭാ​ഗ​ങ്ങ​ളാ​യി​രു​ന്ന ഇ​വി​ടം സ​ർ​വേ ചെ​യ്യാ​ത്ത ഭാ​ഗ​ങ്ങ​ളാ​യാ​ണ് രേ​ഖ​പ്പെ​ടു​ത്തി​യി​രു​ന്ന​ത്. വെ​മ്പു​ഴ​യു​മാ​യി ബ​ന്ധ​പ്പെ​ട്ട പു​റ​മ്പോ​ക്ക് ത​ർ​ക്ക​ത്തി​ൽ നി​ര​വ​ധി വീ​ടു​ക​ളും ഏ​ക്ക​റുണ​ക്കി​ന് സ്ഥ​ല​വു​മാ​ണ് പു​റ​മ്പോ​ക്കി​ൽ അ​ട​യാ​ള​പ്പെ​ടു​ത്തി​യി​ട്ടു​ള്ള​ത്.

എ​ടൂ​രി​ലെ പു​റ​മ്പോ​ക്ക് ത​ർ​ക്ക​ത്തി​ൽ മു​ഖ്യ​മ​ന്ത്രി​ക്ക് അ​ട​ക്കം ന​ൽ​കി​യി​രു​ന്ന പ​രാ​തി​യു​ടെ തീ​രു​മാ​നം ഉ​ട​ൻ ഉ​ണ്ടാ​കു​മെ​ന്നാ​ണ് പ്ര​തീ​ക്ഷ. താ​മ​സ​ക്കാ​ർ​ക്ക് അ​നു​കൂ​ല തീ​രു​മാ​നം വ​രി​ക​യാ​ണെ​ങ്കി​ൽ പു​റ​മ്പോ​ക്ക് പ്ര​ശ്നം പ​രി​ഹ​രി​ക്കാ​ൻ ക​ഴി​യു​മെ​ന്നാ​ണ് ത​ദ്ദേ​ശ​വാ​സി​ക​ളു​ടെ വി​ശ്വാ​സം.