കണ്ണൂർ: ക്ഷേത്രത്തിൽ തൊഴാൻ എത്തിയ 15 കാരിയെ പീഡിപ്പിക്കാൻ ശ്രമിച്ച പൂജാരി അറസ്റ്റിൽ. പള്ളിക്കുന്ന് സ്വദേശി അനിലിനെയാണ്(55)എടക്കാട് പോലീസ് അറസ്റ്റ് ചെയ്തത്.
എടക്കാട് പോലീസ് സ്റ്റേഷൻ പരിധിയിലെ ഒരു ക്ഷേത്രത്തിലാണ് സംഭവം.
കഴിഞ്ഞ ജനുവരി മാസത്തിൽ ക്ഷേത്രത്തിലെത്തിയ 15 കാരിയുടെ ശരീരത്തിൽ ദുരുദ്ദേശത്തോടെ സ്പർശിക്കുകയും ലൈംഗിക ചുവയോടെ സംസാരിക്കുകയുമായിരുന്നു. എന്നാൽ, കുട്ടി ഈ വിവരം ആരോടും പറഞ്ഞിരുന്നില്ല. കഴിഞ്ഞ ദിവസം സ്കൂളിൽ ചൈൽഡ് ലൈൻ നടത്തിയ കൗൺസിലിംഗിനിടെയാണ് കുട്ടി വിവരം പറയുന്നത്. തുടർന്ന് ചൈൽഡ് ലൈനിന്‍റെ പരാതിയിൽ എടക്കാട് പോലീസ് കേസെടുത്ത് പൂജാരിയെ പിടികൂടുകയായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.