കണ്ണൂർ: ആധുനിക ശാസ്ത്ര സാങ്കേതിക ഭൗതിക സമ്മർദങ്ങളിൽപ്പെട്ട് വായനാ സംസ്കാരവും ചിന്തകളും നിശ്ചലമാകരുതെന്ന് മന്ത്രി കടന്നപ്പള്ളി രാമചന്ദ്രൻ. വായനാ മാസാചരണത്തിന്റെ ജില്ലാതല സമാപനം കളക്ടറേറ്റ് ഓഡിറ്റോറിയത്തിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഇൻഫർമേഷൻ പബ്ലിക് റിലേഷൻസ് വകുപ്പിന്റെ നേതൃത്വത്തിൽ പൊതുവിദ്യാഭ്യാസ വകുപ്പ്, സമഗ്ര ശിക്ഷാ കേരളം, പിഎൻ പണിക്കർ ഫൗണ്ടേഷൻ, സാക്ഷരതാമിഷൻ, സംസ്ഥാന ലൈബ്രറി കൗൺസിൽ, വിദ്യാരംഗം കലാസാഹിത്യ വേദി എന്നിവയുടെ സഹകരണത്തോടെയായിരുന്നു വായനാ മാസാചരണം സംഘടിപ്പിച്ചത്. ജില്ലാ കളക്ടർ അരുൺ കെ. വിജയൻ അധ്യക്ഷത വഹിച്ചു.