കൽപ്പറ്റ: ഹേമ കമ്മിറ്റി റിപ്പോർട്ട് പൂഴിത്തിവച്ചതിലും പ്രസക്ത ഭാഗങ്ങൾ ഒഴിവാക്കി പ്രസിദ്ധപ്പെടുത്തിയതിലും പ്രതിഷേധിച്ചും മുഴുവൻ കുറ്റക്കാരെയും നിയമത്തിനു മുന്നിൽ കൊണ്ടുവരണമെന്ന് ആവശ്യപ്പെട്ടും ജില്ലാ കോണ്ഗ്രസ് കമ്മിറ്റിയുടെ നേതൃത്വത്തിൽ 29ന് കളക്ടറേറ്റ് പടിക്കൽ ധർണ നടത്തും. രാവിലെ 10ന് തുടങ്ങും. വേണ്ടപ്പെട്ട പലരയും സംരക്ഷിക്കുന്നതിനാണ് കമ്മിറ്റി റിപ്പോർട്ട് സർക്കാർ നാല് വർഷത്തിലധികം പൂഴ്ത്തിവച്ചതെന്ന് ഡിസിസി പ്രസിഡന്റ് എൻ.ഡി. അപ്പച്ചൻ പറഞ്ഞു.