പുല്‍പ്പള്ളി: നടവയല്‍ റോഡിലെ നൂറ്റിപ്പതിനേഴില്‍ ജീപ്പും ബൈക്കും കൂട്ടിയിടിച്ച് യുവാവ് മരിച്ചു. ബൈക്ക് യാത്രികന്‍ സനന്ദുവാണ്(24) മരിച്ചത്. കാര്യമ്പാതി മാവിളയില്‍ സന്തോഷ് - ബിന്ദു ദമ്പതികളുടെ മകനാണ്. ഇന്നലെ വൈകുന്നേരം അഞ്ചോടെയാണ് സംഭവം. പോക്കറ്റ് റോഡ് ഇറങ്ങിവന്ന ജീപ്പും പ്രധാന റോഡിലൂടെ പോകുകയായിരുന്ന ബൈക്കുമാണ് അപകടത്തില്‍പ്പെട്ടത്. ടൗണില്‍നിന്നു വീട്ടിലേക്ക് മടങ്ങുകയായിരുന്നു സനന്ദു. പോലീസ് തുടര്‍നടപടി സ്വീകരിച്ചു. മൃതദേഹം ബത്തേരി താലൂക്ക് ഗവ.ആശുപത്രി മോര്‍ച്ചറിയിലേക്ക് മാറ്റി.