കൽപ്പറ്റ: റോട്ടറി ഡിസ്ട്രിക്ട് 3204 ഗവർണർ ഡോ.സന്തോഷ് ശ്രീധരന്‍റെ നേതൃത്വത്തിൽ സമാഹരിച്ച 150 ഷെൽറ്റർ ബോക്സ് പുഞ്ചിരിമട്ടം ഉരുൾപൊട്ടൽ ദുരന്തബാധിതർക്ക് വിതരണം ചെയ്തു. 50 ഇനം ഗൃഹോപകരണങ്ങളാണ് ഓരോ ബോക്സിലും. മുബൈ, മഹാനഗർ കൊൽക്കത്ത റോട്ടറി ക്ലബുകളും ഇന്ത്യ ഹുമാനിറ്റി ഫൗണ്ടേഷനുമാണ് ബോക്സുകൾ സ്പോണ്സർ ചെയ്തത്.
മേപ്പാടിയിലെ ദുരിതാശ്വാസ ക്യാന്പിൽ റോട്ടറി ഡിസ്ട്രിക്ട് 3204 നിയുക്ത ഗവർണർ ബിജോഷ് മാനുവലിന്‍റെ നേതൃത്വത്തിൽ ബോക്സുകൾ കൈമാറി. റോട്ടറിയൻമാരായ സുരാജിത്ത് രാധാകൃഷ്ണൻ, സി.എം. ചന്ദ്രൻ, ഇന്ദിര സുകുമാരൻ, ജോണ്സൻ ജോണ്, കെ.കെ. തന്പി, കെ.പി. രവീന്ദ്രനാഥ്, ബിജു ശ്രീധർ തുടങ്ങിയവർ സന്നിഹിതരായിരുന്നു. മഞ്ചേരി റോട്ടറി ക്ലബിന്‍റെ നേതൃത്വത്തിൽ 150 ഗ്യാസ് കണക്ഷൻ ദുരന്തബാധിത കുടുംബങ്ങൾക്ക് നൽകി.