കൽപ്പറ്റ: പുഞ്ചിരിട്ടം ഉരുൾപൊട്ടൽ ദുരന്തബാധിതർ താമസിക്കുന്ന ക്യാന്പുകളിൽ ഓൾ കേരള ബ്യൂട്ടീഷൻസ് ഓർഗനൈസേഷൻ(എകെബിഒ) അംഗങ്ങൾ സേവനത്തിന് എത്തി. ക്യാന്പുകളിൽ താമസിക്കുന്നവരുടെ മുടി സൗജന്യമായി വെട്ടി.
കോഴിക്കോട് ,മലപ്പുറം, പാലക്കാട്, ജില്ലകളിലെ എകെബിഒ അംഗങ്ങളിൽ 50ൽ അധികം പേർ സേവനത്തിൽ പങ്കെടുത്തു, സംസ്ഥാന പ്രസിഡന്റ് ആർ. സെയ്തലവി, ട്രഷറർ യു. മുഹമ്മദലി, സംസ്ഥാന കമ്മിറ്റി അംഗം സുഹറ, മുരളി പാലക്കാട്, ജാഫർ, അഭിലാഷ്, അബ്ബാസ് തയ്യിൽ എന്നിവർ നേതൃത്വം നൽകി.