കൽപ്പറ്റ:"ആനവണ്ടിയിൽ യാത്ര ചെയ്യൂ, വയനാടൻ ടൂറിസത്തിന് കൈത്താങ്ങ് നൽകൂ’ എന്ന സന്ദേശവുമായി കണ്ണൂർ കെഎസ്ആർടിസി ബജറ്റ് ടൂറിസം സെൽ വയനാട്ടിലേക്ക് യാത്ര നടത്തുന്നു. തളിപ്പറന്പ് താലൂക്ക് ലൈബ്രറി കൗണ്‍സിൽ അംഗങ്ങളുമായി ആനവണ്ടി ഇന്ന് ജില്ലയിൽ എത്തും.
ടൂറിസ്റ്റ് കേന്ദ്രങ്ങളായ പൂക്കോട് തടാകം, ബാണാസുരസാഗർ അണക്കെട്ട് എന്നിവിടങ്ങൾ സന്ദർശിക്കും. ഉരുൾപൊട്ടൽ ദുരന്തത്തിനുശേഷം നിശ്ചലമായ ടൂറിസം മേഖലയ്ക്ക് ഉണർവേകുകയാണ് പരിപാടിയുടെ ലക്ഷ്യമെന്ന് സെൽ സോണൽ കോഓർഡിനേറ്റർ സി.ഡി. വർഗീസ് പറഞ്ഞു. വയനാട്ടിലേക്ക് 125 ലധികം ട്രിപ്പ് ബജറ്റ് ടൂറിസം സെൽ മുഖേന നടത്തിയിട്ടുണ്ട്.