കൂടരഞ്ഞി: കാട്ടുപന്നി സ്കൂട്ടറിലിടിച്ച് യുവാവിന് പരിക്ക്. കൂമ്പാറ ആനയോട് സ്വദേശിയും കൂടരഞ്ഞി സർവീസ് സഹകരണ ബാങ്ക് ജീവനക്കാരനുമായ ജിൻസ് ഇടമനശേരിക്കാണ് പരിക്കേറ്റത്. കഴിഞ്ഞ ദിവസം രാത്രിയിൽ 8.45 ഓടെയായിരുന്നു അപകടം. കൂടരഞ്ഞിയിൽ നിന്ന് ജോലി കഴിഞ്ഞ് വീട്ടിലേക്ക് പോകുന്ന വഴിയിൽ മാങ്കയത്തുവച്ച് കാട്ടുപന്നി സ്കൂട്ടറിന്റെ മുന്നിൽ ചാടുകയായിരുന്നു. സ്കൂട്ടറിന്റെ മുൻഭാഗം ഇടിയുടെ ആഘാതത്തിൽ തകർന്നു.