കോടഞ്ചേരി: കോടഞ്ചേരി ക്ഷീരോൽപാദക സഹകരണ സംഘത്തിന് അനുവദിച്ച മിൽമ ആശ്രയ നീതി മെഡിക്കൽ സ്്റ്റോറിന്റെ ഉദ്ഘാടനം 29ന് വൈകുന്നേരം 4.30നു നടക്കും.
ചികിത്സാ ചെലവ് കുറയ്ക്കുന്നതിന് മിതമായ നിരക്കിൽ മരുന്നുകൾ ലഭ്യമാക്കുക എന്ന ഉദ്ദേശത്തോടെ മലബാർ മേഖല യൂണിയൻ ആവിഷ്കരിച്ച പുതിയ പദ്ധതിയാണ് മിൽമ ആശ്രയ നീതി മെഡിക്കൽ സ്റ്റോറുകൾ. കൊടുവള്ളി ബ്ലോക്ക് പഞ്ചായത്ത് പ്രസിഡന്‍റ് കെ.എം. അഷറഫിന്‍റെ അധ്യക്ഷതയിൽ മിൽമ ചെയർമാൻ കെ.എസ്. മണി ഉദ്ഘാടനം നിർവഹിക്കും.ക്ഷീര കർഷകർക്കുള്ള വിവിധ ധനസഹായ പദ്ധതികളുടെ വിതരണവും ചടങ്ങിൽ നടക്കും.