അത്തോളി: പാറയില്‍ വിള്ളല്‍ പ്രത്യക്ഷപ്പെട്ട പാലോറ മലയില്‍ ഒരു തരത്തിലുള്ള ഖനനവും അനുവദിക്കില്ലന്ന് സംരക്ഷണ സമിതി. പാലോറമല സംരക്ഷണ സമിതിയുടെ നേതൃത്വത്തില്‍ കൂമുള്ളി ഗിരീഷ് പുത്തഞ്ചേരി സ്മാരക വായനശാലയില്‍ നടന്ന ജനകീയ കണ്‍വന്‍ഷന്‍ നടത്തി. അത്തോളി ഗ്രാമപഞ്ചായത്ത് പ്രസിഡന്റ് ബിന്ദു രാജന്‍ ഉദ്ഘാടനം ചെയ്തു.
ജില്ലാ പഞ്ചായത്ത് മെംബര്‍ സിന്ധു സുരേഷ് മുഖ്യ പ്രഭാഷണം നടത്തി. സുനില്‍കുമാര്‍ അമ്പലപ്പറമ്പില്‍ അധ്യക്ഷത വഹിച്ചു. അത്തോളി ഗ്രാമപഞ്ചായത്ത് വൈസ് പ്രസിഡന്റ് സി.കെ. റിജേഷ്, ഉള്ളിയേരി ഗ്രാമപഞ്ചായത്ത് വൈസ് പ്രസിഡന്റ് എന്‍.എം.ബാലരാമന്‍, ഉള്ളിയേരി ഗ്രാമപഞ്ചായത്ത് പത്താം വാര്‍ഡ് മെമ്പര്‍ പാടത്തില്‍ ബാലകൃഷ്ണന്‍, അത്തോളി ഗ്രാമപഞ്ചായത്ത് ഒന്നാം വാര്‍ഡ് മെംബര്‍ ബൈജു കൂമുള്ളി, രാഷ്ട്രീയ പാര്‍ട്ടി പ്രതിനിധികളായ അഴകത്ത് സോമന്‍ നമ്പ്യാര്‍, ചന്ദ്രന്‍ പൊയിലില്‍,അഷ്‌റഫ് അത്തോളി, വി.എം സുരേഷ് ബാബു, ടി. ഗണേശന്‍, സത്യന്‍ കൊടശ്ശേരി, അജിത് കുമാര്‍ തോരായി, ബിജു നാറാത്ത്, അബു പാറക്കല്‍, ടി കെ കരുണാകരന്‍, എന്‍. വിശ്വംഭരന്‍ എന്നിവര്‍ പ്രസംഗിച്ചു. ഉണ്ണി മൊടക്കല്ലൂര്‍ സ്വാഗതവും ഷാക്കിറ കുഞ്ഞോത്ത് നന്ദിയും പറഞ്ഞു.