കോഴിക്കോട്: ലോറി ദേഹത്തു കയറിയിറങ്ങി സ്കൂട്ടർ യാത്രികന് ദാരുണാന്ത്യം. ഒളവണ്ണ കൊടിനാട്ടുമുക്ക് സ്വദേശി സി. സൈദുട്ടിയുടെ മകൻ ജുനൈദാ (26) ണ് മരിച്ചത്. ഇന്നലെ വൈകുന്നേരം നാലോടെ തിരുവണ്ണൂർ ബൈപാസിൽ മാറ്റർ ലാബിന് മുൻവശത്താണ് അപകടമുണ്ടായത്.
സ്കൂട്ടറിൽ ലോറി തട്ടി ജുനൈദ് ലോറിയുടെ പിറകുവശത്തെ ടയറിനടിയിലേക്കാണ് വീണത്. ടയർ ശരീരത്തിൽ കൂടി കയറിയിറങ്ങി തൽക്ഷണം മരണം സംഭവിച്ചു. അരീക്കാട് ജെസി അക്കാദമിയുടെ ഡയറക്ടറാണ് ജുനൈദ്. മൃതദേഹം കോഴിക്കോട് മെഡിക്കൽ കോളജിൽ. ഭാര്യ:ഫർഹാന. മാതാവ്: സൗജത്ത്. സഹോദരൻ: ജംഷീർ.