മങ്കട: മങ്കട ഗവണ്മെന്റ് വൊക്കേഷണല് ഹയര് സെക്കന്ഡറി സ്കൂള് എന്എസ്എസ് യൂണിറ്റിന്റെ ദ്വിദിന സഹവാസ ക്യാമ്പ് "സമേതം’ മങ്കട പഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് അബ്ബാസ് അലി പൊറ്റേങ്ങല് പതാകയുയര്ത്തി ഉദ്ഘാടനം ചെയ്തു.
പ്രോഗ്രാം ഓഫീസര് കെ. കവിത, ക്ലസ്റ്റര് കോ ഓര്ഡിനേറ്റര് പി. ഹരിശങ്കര്, അധ്യാപകരായ കെ. രശ്മി, വി. ബിന്ദു, കെ.പി. ഷീബ, ഷിബു തോട്ടുങ്ങല് എന്നിവര് നേതൃത്വം നല്കി. ഭാരതീയ ചികിത്സാവകുപ്പുമായി സഹകരിച്ച് മങ്കട ഗവണ്മെന്റ് ആയുര്വേദ ഡിസ്പെന്സറിയിലെ ഡോ. നഷീദ കരുവാട്ടില്, ഡോ. അനീസ എന്നിവരുടെ നേതൃത്വത്തില് "സുഖദം ’ ആയുര്വേദ മെഡിക്കല് ക്യാമ്പ്, "വയനാടിനൊപ്പം’ പദ്ധതിയ്ക്കു വേണ്ടി എല്ഇഡി ബള്ബ് ചലഞ്ച്, സോപ്പ് ചലഞ്ച് , വനിതാ ശിശുക്ഷേമ വകുപ്പുമായി സഹകരിച്ച് ജന്ഡര് പാര്ലമെന്റ്, സമത്വ ജ്വാല തുടങ്ങിയ പ്രവര്ത്തനങ്ങള് ക്യാമ്പിന്റെ ഭാഗമായി സംഘടിപ്പിച്ചു.