കരുവാരകുണ്ട്: പന്ത് വാങ്ങാന്‍ കരുതിയ പണം ദുരിതാശ്വാസ നിധിയിലേക്ക് നല്‍കി കുരുന്നുകള്‍ മാതൃകയായി. കിഴക്കേത്തലയില്‍ പ്രവര്‍ത്തിക്കുന്ന അക്ഷയ സെന്‍റര്‍ മാനേജര്‍ നിസാറിനാണ് കേരള എസ്റ്റേറ്റ് പാന്തറയിലെ ഷാന്‍വര്‍, അല്‍ഫാബിത്ത്, നാസിഹ്, റബീഹ്, ഷാന്‍ എന്നീ വിദ്യാര്‍ഥികൾ പണം കൈമാറിയത്.
പത്തിന്‍റെയും ഇരുപതിന്‍റെയും നോട്ടുകള്‍ ഉൾപ്പെടെ 1500 രൂപയാണ് കുട്ടികൾ കൈമാറിയത്. കുട്ടികളുടെ കാരുണ്യ പ്രവര്‍ത്തനത്തെ അഭിനന്ദിച്ച നിസാര്‍ പണം അയച്ച രശീതിക്കൊപ്പം പുത്തന്‍ പന്തും കൂടെ നല്‍കിയാണ് കുട്ടികളെ യാത്രയാക്കിയത്. നിസാര്‍ നല്‍കിയ പന്ത് വാര്‍ഡ് മെന്പര്‍ സുഫൈറയാണ് കുട്ടികള്‍ക്ക് കൈമാറിയത്.