പോത്തൻകോട്: ദേശീയപാതയിൽ നിയന്ത്രണം വിട്ട കാർ ടിപ്പർ ലോറിൽ ഇടിച്ചുണ്ടായ അപകടത്തിൽ മൂന്നു പേർക്ക് പരുക്ക്. പാങ്ങപ്പാറക്ക് സമീപം ചൊവ്വാഴ്ച്ച രാവിലെ എട്ടിനായിരുന്നു അപകടം.
ശ്രീകാര്യം ഭാഗത്തുനിന്നും വന്ന കാർ നിയന്ത്രണം വിട്ട് എതിരെ വന്ന ടിപ്പർ ലോറിൽ ഇടിക്കുകയായിരുന്നു. അപകടത്തിൽ കാറിന്റെ മുൻഭാഗം തകർന്നു. ടിപ്പർ ലോറി തലകീഴായി മറിഞ്ഞു. കാറോടിച്ചിരുന്ന രാജേന്ദ്രനും ടിപ്പർ ഡ്രൈവർക്കും നിസാര പരിക്കുകളോടെ രക്ഷപ്പെട്ടു. അപകടത്തെ തുടർന്ന് അര മണിക്കൂറോളം ദേശീയ പാതയിൽ ഗതാഗതക്കുരുക്ക് ഉണ്ടായി.