നെയ്യാറ്റിൻകര : നെയ്യാറ്റിന്‍കര നഗരസഭയുടെയും കൃഷിഭവന്‍റെയും സംയുക്താഭിമുഖ്യത്തിൽ അമരവിള കീഴ്ക്കൊല്ല ഏലായിൽ എ ഗ്രേഡ് വെജിറ്റബിൾ ക്ലസ്റ്റർ വിളവെടുപ്പ് ഉത്സവം കെ.ആൻസലൻ എംഎല്‍എ ഉദ്ഘാടനം ചെയ്തു.
നഗരസഭ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ.ഷിബു അധ്യക്ഷനായി. വാർഡ് കൗൺസിലർ സരള രത്നം, നഗരസഭ കൃഷി ഓഫീസർ ടി. സജി, കീഴ് ക്കൊല്ല എ ഗ്രേഡ് വെജിറ്റബിൾ ക്ലസ്റ്റര്‍ സെക്രട്ടറി പി. അജി, പ്രസിഡന്‍റ് ആർ.ബാലരാജ്, കർഷകർ എന്നിവർ പങ്കെടുത്തു. നഗരസഭ പരിധിയിലെ കീഴ്ക്കൊല്ല ഏലായില്‍ 22 കര്‍ഷകരാണ് എ ഗ്രേഡ് വെജിറ്റബിൾ ക്ലസ്റ്ററിലുള്ളത്.