മെഡിക്കല്‍കോളജ്: വീണു പരിക്കേറ്റതിനെത്തുടര്‍ന്ന് തിരുവനന്തപുരം മെഡിക്കല്‍കോളജില്‍ ചികിത്സയ്‌ക്കെത്തിയ യുവാവിന്‍റെ തുടര്‍ചികിത്സയ്ക്കായി കൈയില്‍ക്കിടന്ന വള മുറിച്ചുനീക്കി. വഴയില സ്വദേശി സന്തോഷിന്‍റെ (47) വലതുകൈയില്‍ കുടുങ്ങിയ സ്റ്റീല്‍വളയാണ് ചാക്ക ഫയര്‍ഫോഴ്‌സ് മുറിച്ചുനീക്കിയത്.
കഴിഞ്ഞദിവസം വീട്ടില്‍ സംഘടിപ്പിച്ച ഒരു ബര്‍ത്ത്‌ഡേ പരിപാടിക്കിടെയാണ് മുകളില്‍നിന്ന് താഴേക്കു വീണ് സന്തോഷിന്‍റെ കൈക്ക് പരിക്കേറ്റത്. മെഡിക്കല്‍കോളജ് കാഷ്വാലിറ്റിയിലെത്തിയപ്പോൾ ചികിത്സയ്ക്ക് വള തടസമായി. തുടര്‍ന്നാണ് ഇന്നലെ രാത്രി എട്ടിന് ചാക്ക സ്റ്റേഷനിലെ ഗ്രേഡ് സീനിയര്‍ ഫയര്‍ആൻഡ് റസ്‌ക്യുഓഫീസര്‍ ആര്‍. രാജേഷിന്‍റെ നേതൃത്വത്തില്‍ വള മുറിച്ചുനീക്കിയത്.