നെയ്യാറ്റിന്‍കര : പ്രതിസന്ധികളെയും വെല്ലുവിളികളെയും അതിജീവിച്ച് ആത്മവിശ്വാസത്തോടെയും മാതൃകാപരമായും വിദ്യാര്‍ഥി സമൂഹം മുന്നോട്ടു പോകണമെന്ന് മന്ത്രി ജി .ആര്‍.അനില്‍ അഭിപ്രായപ്പെട്ടു.
നെയ്യാറ്റിന്‍കരയിലെ വിവിധ ക്രൈസ്തവ സഭാവിഭാഗങ്ങളുടെ കൂട്ടായ്മയായ ദി -ക്രിസ്ത്യന്‍ ഫെല്ലോഷിപ്പിന്‍റെ ആഭിമുഖ്യത്തില്‍ തൊഴുക്കല്‍ സിഎസ്ഐ സഭയില്‍ സംഘടിപ്പിച്ച മികവ് -2024 ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മാനുഷിക, ധാര്‍മിക മൂല്യങ്ങള്‍ ഉള്‍ക്കൊണ്ട് ജീവിക്കണമെന്നും മൂല്യങ്ങളും സത്യങ്ങളും വിസ്മരിക്കരുതെന്നും നെയ്യാറ്റിന്‍കര ലത്തീന്‍ രൂപത ബിഷപ്പ് ഡോ. വിന്‍സന്‍റ് സാമുവല്‍ അനുഗ്രഹ പ്രഭാഷണത്തില്‍ ഓര്‍മിപ്പിച്ചു.
ചടങ്ങില്‍ ഫെല്ലോഷിപ്പ് പ്രസിഡന്‍റ് റവ. ഡോ. എല്‍. മോഹനദാസ് അധ്യക്ഷനായിരുന്നു. കവി ഡോ. ബിജു ബാലകൃഷ്ണന്‍ മുഖ്യാതിഥിയായി. ഫെല്ലോഷിപ്പ് മുഖ്യരക്ഷാധികാരികളായ മേജര്‍ ആര്‍. ക്രിസ്തുരാജ, റവ. ഡോ. എല്‍. പവിത്രസിംഗ് എന്നിവര്‍ മുഖ്യപ്രഭാഷണം നടത്തി. ഫെല്ലോഷിപ്പ് ജനറല്‍ കണ്‍വീനര്‍ ജെ. ജോസ് ഫ്രാങ്ക്ളിന്‍, വൈദികരായ റവ. ബിജി മാത്യു (മാര്‍ത്തോമ്മാ ചര്‍ച്ച്), ഫാ. സാജന്‍ പുത്തന്‍പുരയില്‍ (മലങ്കര ചര്‍ച്ച്, ചെന്പരത്തിവിള) റവ. ജസ്റ്റിന്‍ ജോസ് (ക്ലര്‍ജി കമ്മിറ്റി കണ്‍വീനര്‍), റവ. സച്ചിദാനന്ദ ദാസ് (ചര്‍ച്ച് ഓഫ് ഗോഡ്), റവ. റിന്‍റോ രാജ് ((ഇസിഐ ചര്‍ച്ച്), ഫാ. സതീഷ് (ബിലീവേഴ്സ് ഈസ്റ്റേണ്‍ ചര്‍ച്ച്), റവ. എം. സിജിന്‍ (സോള്‍വിന്നിഗ്സ് ചര്‍ച്ച് ഓഫ് ഇന്‍ഡ്യ), ഫെല്ലോഷിപ്പ് സെക്രട്ടറി പി. ക്രിസ്തുദാസ്, ഫെല്ലോഷിപ്പ് കമ്മിറ്റി അംഗം സനല്‍കുമാര്‍ ക്ലീറ്റസ് എന്നിവര്‍ സംബന്ധിച്ചു. ബോധവത്കരണ ക്ലാസ് മാധ്യമപ്രവര്‍ത്തകന്‍ ഗിരീഷ് പരുത്തിമഠം നയിച്ചു. വയനാട് ദുരിതബാധിതര്‍ക്കായി പ്രാര്‍ഥനയും സംഘടിപ്പിച്ചു.