ആ​മ​യി​ഴ​ഞ്ചാ​ൻ തോ​ട്ടി​ലെ മാ​ലി​ന്യം നീ​ക്കാ​ൻ 63 ല​ക്ഷം രൂ​പ​യു​ടെ ഭ​ര​ണാ​നു​മ​തി​യാ​യി
Sunday, August 25, 2024 7:09 AM IST
തി​രു​വ​ന​ന്ത​പു​രം: ആ​മ​യി​ഴ​ഞ്ചാ​ൻ തോ​ട്ടി​ൽ റെ​യി​ൽ​വേ പ്ലാ​റ്റ് ഫോ​മി​ന് അ​ടി ഭാ​ഗ​ത്തെ മാ​ലി​ന്യം നീ​ക്കാ​ൻ ഇ​റി​ഗേ​ഷ​ൻ വ​കു​പ്പ് ത​യ്യാ​റാ​ക്കി​യ പ​ദ്ധ​തി​ക്കു 63 ല​ക്ഷം രൂ​പ​യു​ടെ ഭ​ര​ണാ​നു​മ​തി.
140 മീ​റ്റ​ർ നീ​ള​മു​ള്ള തു​ര​ങ്ക​ത്തി​ന്‍റെ അ​ടി​ഭാ​ഗ​ത്തെ മ​ണ്ണും ചെ​ളി​യും ഉ​ൾ​പ്പെ​ടെ നീ​ക്കാ​നാ​ണു തു​ക അ​നു​വ​ദി​ച്ചി​രി​ക്കു​ന്ന​ത്.

മാ​ലി​ന്യം നീ​ക്കാ​ൻ ചി​ല​വി​ന്‍റെ പ​കു​തി​യെ​ങ്കി​ലും വ​ഹി​ക്ക​ണ​മെ​ന്ന സ​ർ​ക്കാ​രി​ന്‍റെ ആ​വ​ശ്യം റെ​യി​ൽ​വേ നി​ര​സി​ച്ച​തി​നു പി​ന്നാ​ലെ​യാ​ണ് എ​സ്റ്റി​മേ​റ്റ് ത​യാ​റാ​ക്കി​യ പ്ര​കാ​ര​മു​ള്ള മു​ഴു​വ​ൻ തു​ക​യും വെ​ള്ള​പ്പൊ​ക്ക നി​വാ​ര​ണ ഫ​ണ്ടി​ൽ​നി​ന്നു ചെ​ല​വ​ഴി​ക്കാ​ൻ ധ​ന വ​കു​പ്പ് അ​നു​മ​തി ന​ൽ​കി​യ​ത്.

ക​ഴി​ഞ്ഞ മാ​സം 18-ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ അ​ധ്യ​ക്ഷ​ത​യി​ൽ കൂ​ടി​യ ഉ​ന്ന​ത​ത​ല യോ​ഗ​ത്തി​ലാ​ണ് ട​ണ​ൽ വൃ​ത്തി​യാ​ക്കാ​നും ഫെ​ൻ​സിം​ഗ് സ്ഥാ​പി​ക്കാ​നും ഇ​റി​ഗേ​ഷ​ൻ വ​കു​പ്പി​നെ ചു​മ​ത​ല​പ്പെ​ടു​ത്തി​യ​ത്. ഒ​രാ​ഴ്ച​ക്ക​കം എ​സ്റ്റി​മേ​റ്റ് ത​യാ​റാ​ക്കി​യെ​ങ്കി​ലും പ​ണം ആ​രു ചി​ല​വ​ഴി​ക്കും എ​ന്ന​തു സം​ബ​ന്ധി​ച്ച് ആ​ശ​യ​ക്കു​ഴ​പ്പം ഉ​യ​ർ​ന്നി​രു​ന്നു.


റെ​യി​ൽ​വേ​യോ​ട് പ​ണം ആ​വ​ശ്യ​പ്പെ​ട്ടെ​ങ്കി​ലും അ​വ​ർ ന​ൽ​കി​ല്ലെ​ന്ന് അ​റി​യി​ച്ചു. പി​ന്നീ​ട് ഫ​യ​ൽ ധ​ന വ​കു​പ്പി​ന് സ​മ​ർ​പ്പി​ച്ചു. ന​ഗ​ര​ത്തി​ലെ വെ​ള്ള​പ്പൊ​ക്ക നി​വാ​ര​ണ ഫ​ണ്ടി​ൽ നി​ന്നു തു​ക ചി​ല​വ​ഴി​ക്കാ​ൻ ധ​ന വ​കു​പ്പ് ഒ​ന്ന​ര ആ​ഴ്ച മു​ന്പു അ​നു​മ​തി ന​ൽ​കി.

ടെ​ണ്ട​ർ ന​ട​പ​ടി​ക​ൾ പൂ​ർ​ത്തി​യാ​ക്കി ര​ണ്ടാ​ഴ്ച​ക്ക​കം പ്ര​വൃ​ത്തി ആ​രം​ഭി​ക്കാ​ൻ ക​ഴി​യു​മെ​ന്ന ക​ണ​ക്കു​കൂ​ട്ട​ലി​ലാ​ണ് ഇ​റി​ഗേ​ഷ​ൻ വ​കു​പ്പ്.