കാ​ട്ടു​പ​ന്നി​ക​ളെ വെ​ടിവെ​ച്ചു കൊ​ന്നു
Sunday, August 25, 2024 7:04 AM IST
ആ​റ്റി​ങ്ങ​ൽ: ആ​റ്റി​ങ്ങ​ൽ ന​ഗ​ര​സ​ഭ ഹെ​ൽ​ത്ത് സ്ക്വാ​ഡി​ന്‍റെ നേ​തൃ​ത്വ​ത്തി​ൽ വെ​ള്ളി​യാ​ഴ്ച്ച രാ​ത്രി ന​ട​ത്തി​യ തെ​ര​ച്ചി​ലി​ൽ ര​ണ്ടു കാ​ട്ടു​പ​ന്നി​ക​ളെ വെ​ടി വെ​ച്ചു കൊ​ന്നു. കേ​ര​ള സ്‌​റ്റേ​റ്റ് ഷൂ​ട്ടിം​ഗ് ചാ​മ്പ്യ​ൻ​ഷി​പ്പി​ൽ ജേ​താ​ക്ക​ളാ​യി​ട്ടു​ള്ള വ​നം വ​കു​പ്പി​ന് കീ​ഴി​ലെ നാ​ല് എം​പാ​ന​ൽ ഷൂ​ട്ട​ർ​മാ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.

സാ​ധാ​ര​ണ​യാ​യി കൃ​ഷി​ന​ശി​പ്പി​ക്കു​ന്നെ​ന്ന് പ​രാ​തി ല​ഭി​ക്കു​ന്ന ന​ദീ​തീ​ര​ത്തോ​ട് ചേ​ർ​ന്നു കി​ട​ക്കു​ന്ന പ്ര​ദേ​ശ​ങ്ങ​ളി​ലും മ​റ്റ് ജ​ന​വാ​സ മേ​ഖ​ല​ക​ളി​ലു​മാ​ണ് പ​രി​ശോ​ധ​ന ന​ട​ത്തി​യ​ത്. 10 മ​ണി​ക്കൂ​ർ നീ​ണ്ട തെ​ര​ച്ചി​ലി​നി​ട​യി​ൽ നാ​ലു കാ​ട്ടു​പ​ന്നി​ക​ൾ​ക്കു നേ​രെ സം​ഘം വെ​ടി​യു​തി​ർ​ത്തു.
എ​ന്നാ​ൽ വെ​ടി​യേ​റ്റ് വി​ര​ണ്ടോ​ടി​യ പ​ന്നി​ക​ളെ ക​ണ്ടെ​ത്താ​ൻ ന​ട​ത്തി​യ ദീ​ർ​ഘ​നേ​ര​ത്തെ പ​രി​ശ്ര​മ​ത്തി​നൊ​ടു​വി​ൽ വാ​മ​ന​പു​രം ആ​റി​നു സ​മീ​പം ച​ത്തു​കി​ട​ക്കു​ന്ന ര​ണ്ടു പ​ന്നി​ക​ളെ ക​ണ്ടെ​ത്തി.


പൂ​ർ​ണ വ​ള​ർ​ച്ച​യെ​ത്തി​യ ആ​ൺ പ​ന്നി​ക്ക് 200 കി​ലോ​യോ​ളം ശ​രീ​ര​ഭാ​ര​വും 11 വ​യ​സും, പെ​ൺ പ​ന്നി​ക്ക് 90 കി​ലോ ഭാ​ര​വും ആ​റു വ​യ​സും ഉ​ള്ള​താ​യി അ​ധി​കൃ​ത​ർ ക​ണ​ക്കാ​ക്കു​ന്നു. ച​ത്ത പ​ന്നി​ക​ളെ ബ്ലീ​ച്ചിം​ഗ് മി​ശ്രി​ത​വും കെ​മി​ക്ക​ൽ ലാ​യ​നി​യും ത​ളി​ച്ച് സ​ർ​ക്കാ​ർ മാ​ന​ദ​ണ്ഡ​പ്ര​കാ​രം കു​ഴി​ച്ചി​ട്ടു.

കാ​ട്ടു​പ​ന്നി​യു​ടെ ശ​ല്യ​മു​ള്ള പ്ര​ദേ​ശ​ങ്ങ​ളി​ൽ രാ​ത്രി കാ​ല​ങ്ങ​ളി​ൽ തു​ട​ർ​ച്ച​യാ​യി പ​ട്ടി​യു​ടെ കു​ര കേ​ട്ടാ​ൽ മു​ൻ​ക​രു​ത​ലി​ല്ലാ​തെ ജ​ന​ങ്ങ​ൾ വീ​ടി​നു പു​റ​ത്തേ​യ്ക്ക് ഇ​റ​ങ്ങ​രു​തെ​ന്നും അ​ധി​കൃ​ത​ർ മു​ന്ന​റി​യി​പ്പ് ന​ൽ​കി. പ​ബ്ലി​ക്ക് ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ മു​ഹ​മ്മ​ദ് റാ​ഫി, ബി​ജു, ജീ​വ​ന​ക്കാ​രാ​യ ശ​ശി​കു​മാ​ർ, മ​നോ​ജ്, അ​ജീ​ഷ്, അ​ജി ഷൂ​ട്ട​ർ​മാ​രാ​യ വി​മ​ൽ​കു​മാ​ർ, ജ​വ​ഹ​ർ​ലാ​ൽ, സു​ധ​ർ​മ​ൻ, അ​നി​ൽ​കു​മാ​ർ എ​ന്നി​വ​രു​ടെ സം​ഘ​മാ​ണ് സ്ക്വാ​ഡി​ലു​ണ്ടാ​യി​രു​ന്ന​ത്.