തിരുവനന്തപുരം: സിബിഎസ് ഇ, പ്ലസ് ടു, പത്താം ക്ലാസ് ഫലം വന്നപ്പോൾ മിന്നും ജയവുമായി തലസ്ഥാനത്തെ സ്കൂളുകൾ. നൂറുമേനി വിജയത്തിളക്കത്തിൽ നവജീവൻ ബഥനി, വഴുതക്കാട് കാർമൽ, മുക്കോലക്കൽ സെന്റ് തോമസ്, ആക്കുളം ദി ഗുഡ് ഷെപ്പേർഡ്, ശ്രീകാര്യം ലയോള സ്കൂ ളുകൾ ഉൾപ്പെടെയുള്ളവ ഇടം നേടിയപ്പോൾ വിജയത്തിനു തിളക്കമേറെ.
ശ്രീകാര്യം ലൊയോള സ് കൂളിൽ പ്ലസ് ടു സയൻസ് വിഭാഗത്തിൽ പരീക്ഷയെഴുതിയ 68 കുട്ടികളിൽ 60 പേർ ഡിസ്റ്റിംഗ്ഷനും എട്ടുപേർ ഫസ്റ്റ് ക്ലാസും നേടി. സയൻസ് വിഭാഗത്തിൽ എൻ.ബി. ദേവനന്ദൻ സ്കൂളിൽ ഒന്നാംസ്ഥാനം നേടി. കെ. ആദിത്യ, അഥർവ് യു. മേനോൻ എന്നിവർ രണ്ടാം സ്ഥാനം പങ്കിട്ടു. കൊമേഴ്സ് വിഭാഗത്തിൻ പരീക്ഷയെഴുതിയ 17 കുട്ടികളിൽ 10 പേർ ഡിസ്റ്റിംഗ്ഷനും ഏഴു പേർ ഫസ്റ്റ് ക്ലാസും നേടി.
കൊമേഴ്സ് വിഭാഗത്തിൽ കെ.എ. ആദിത്യൻ സ്കൂളിൽ ഒന്നാം സ്ഥാനവും വിശ്വാസ് ജയ് രണ്ടാം സ്ഥാനവും കരസ്ഥമാക്കി. സിബിഎസ്ഇ പത്താം ക്ലാസ് പരീക്ഷയെഴുതിയ 39 കുട്ടികളിൽ 34 പേർ ഡിസ്റ്റിംഗ്ഷനും അഞ്ചു പേർ ഫസ്റ്റ് ക്ലാസും നേടി. വിമർശ് കണ്ണൻ സ്കൂൾ ടോപ്പറായപ്പോൾ അലൻ ജോപോൾ രണ്ടാം സ്ഥാനം കരസ്ഥമാക്കി.നാലാഞ്ചിറ നവജീവൻ ബഥനി വിദ്യാലയത്തിൽ പ്ലസ് ടു പരീക്ഷയെഴുതിയ 110ൽ 81 വിദ്യാർഥികൾ ഡിസ്റ്റിംഗ്ഷൻ നേടി.
കൊമേഴ്സ് വിഭാഗത്തിൽ മറിയ ജേക്കബ്, മാത്സ് കന്പ്യൂട്ടറിൽ ഡി. ഭദ്ര, ഹ്യുമാനിറ്റീസിൽ സിദ്ര ഫാത്തിമ, ബയോ മാത്സിൽ അമൃത റെജി, ബയോ കന്പ്യൂട്ടറിൽ അലീന ചെറിയാൻ എന്നിവർ ഒന്നാം സ്ഥാനത്തെത്തി. 10-ാം ക്ലാസിൽ 98 ശതമാനം മാർക്ക് നേടി റോജ റോയി ഒന്നാം സ്ഥാനം നേടി.
വഴുതക്കാട് കാർമൽ സ്കൂളിൽ 79 പേർ പരീക്ഷയെഴുതിയ 10-ാം ക്ലാസിൽ 65 പേർക്ക് ഡിസ്റ്റിംഗ്ഷനും 14 ഫസ്റ്റ് ക്ലാസും ലഭിച്ചു. 98.6 ശതമാനം മാർക്ക് നേടിയ എസ്.എസ്. അഭിനവമി രാഗിനാണ് ഒന്നാം സ്ഥാനം. 12-ാം ക്ലാസിൽ റിഷിക അജയൻ (ഹ്യുമാനിറ്റീസ്), എ.പി. അനുപമ (സയൻസ്), എസ്. ഹെപ്സിബാബ് ഷക്കീന (കോമേഴ്സ്) എന്നിവർ ഒന്നാം സ്ഥാനത്തെത്തി.
സിബിഎസ്ഇ പത്താം ക്ലാസ് പരീക്ഷയിൽ ആക്കുളം ദി സ്കൂൾ ഓഫ് ഗുഡ് ഷെപ്പേർഡിന് മികച്ച വിജയം. 199ൽ 71 വിദ്യാർഥികൾക്ക് 90 ശതമാനത്തിൽ കൂടുതൽ മാർക്ക് ലഭിച്ചു. 151 വിദ്യാർഥികൾ ഡിസ്റ്റിംഗ്ഷന് അർഹരായി. സയൻസ് വിഭാഗത്തിൽ ആർ. അനന്തൻ, കൊമേഴ്സിൽ നന്ദന സാജൻ, ഹ്യൂമാനിറ്റീസിൽ എൽ. മീര എന്നിവർ ഒന്നാം സ്ഥാനം പങ്കിട്ടു.
മുക്കോലയ്ക്കൽ സെന്റ് തോമസ് സെൻട്രൽ സ്കൂളിൽ 12-ാം ക്ലാസ് പരീക്ഷ എഴുതിയ 340ൽ 282 വിദ്യാർഥികൾക്ക് ഡിസ്റ്റിംഗ് ഷൻ ലഭിച്ചു, 56 ഫസ്റ്റ് ക്ലാസ്, രണ്ട് സെക്കൻഡ് ക്ലാസ് എന്നിവയും 74 വിദ്യാർഥികൾ എ വണ് ഗ്രേഡും സ്വന്തമാക്കി. രാഹുൽ ജോസഫ് ബിജോയി, ഗൗരവ് വിമൽ, ക്രിസ്ല്യൻ ആലിസ് അജോ എന്നിവർ യഥാക്രമം സയൻസ്, കോമേഴ്സ്, ഹ്യുമാനിറ്റീസ് വിഭാഗങ്ങളിൽ ടോപ്പ് സ്കോറർമാരായി. 263 പേർ 10-ാം ക്ലാസ് പരീക്ഷയെഴുതിയതിൽ 205 ഡിസ്റ്റിംഗ്ഷനും 49 ഫസ്റ്റ് ക്ലാസും ഒൻപത് സെക്കൻഡ് ക്ലാസും ലഭിച്ചു. റേച്ചൽ ഡേവിഡ്, ജി.എസ്. വെങ്കിടേഷ് അഭിനവ് അഖിൽ എന്നിവർ ആദ്യ മൂന്ന് സ്ഥാനങ്ങൾ നേടി.
വെഞ്ഞാറമൂട് ലൂർദ് മൗണ്ട് പബ്ലിക് സ്കൂൾ സിബിഎസ്ഇ പരീക്ഷയിൽ നൂറുമേനിയുടെ വിജയം ആവർത്തിച്ചു. പരീക്ഷ എഴുതിയ മുഴുവൻ കുട്ടികളും അഭിമാനിക്കാവുന്ന വിജയം കരസ്ഥമാക്കി. 37 കുട്ടികൾ പരീക്ഷ എഴുതിയതിൽ ഏഴു കുട്ടികൾ 90ശതമാനത്തിനു മുകളിലും 15 കുട്ടികൾ ഡിസ്റ്റിംഗ്ഷനും, 14 കുട്ടികൾ ഫസ്റ്റ് ക്ലാസുംനേടി. ദേശീയ തലത്തിൽ 98 ശതമാനം മാർക്കോടുകൂടി മെഹിറ ഷിഹാബുദീൻ സ്കൂളിൽ ഒന്നാം സ്ഥാനത്തെത്തി. സ്കൂളിന് അഭിമാനകരമായ വിജയം സമ്മാനിച്ച എല്ലാ വിദ്യാർഥികളെയും സ്കൂൾ മാനേജർ ബ്രദർ പീറ്റർ വാഴപ്പറന്പിൽ, പ്രിൻസിപ്പൽ വി.എൽ. രോഹിണി എന്നിവർ അഭിനന്ദിച്ചു.
കഴക്കൂട്ടം ജ്യോതിസ് സെൻട്രൽ സ്കൂളിൽ 12-ാം ക്ലാസ് പരീക്ഷയെഴുതിയ 264ൽ 202 പേർ ഡിസ്റ്റിംഗ്ഷനും 62 പേർ ഫസ്റ്റ് ക്ലാസും നേടി. 10-ാം ക്ലാസിൽ പരീക്ഷയെഴുതിയ 167 പേരിൽ 144 പേർക്ക് ഡിസ്റ്റിംഗ്ഷനും 23 പേർക്ക് ഫസ്റ്റ് ക്ലാസും ലഭിച്ചു.
വർക്കല ജ്യോതിസ് സെൻട്രൽ സ്കൂൾ 10-ാം ക്ലാസിൽ പരീക്ഷയെഴുതിയ 36 പേരിൽ 20 പേർക്ക് ഡിസ്റ്റിംഗ്ഷനും 10 പേർക്ക് ഫസ്റ്റ് ക്ലാസുംആറു പേർക്ക് സെക്കൻഡ് ക്ലാസും ലഭിച്ചു.
ആക്കുളം പി.എം. കേന്ദ്രീയ വിദ്യാലയത്തിൽ 10-ാം ക്ലാസിൽ 99 പേർ പരീക്ഷയെഴുതി. അദ്വൈത് ദിഗേഷ് ഒന്നാം സ്ഥാനത്തെത്തി. 12-ാം ക്ലാസിൽ 74 പേർ പരീക്ഷയെഴുതിയതിൽ ജഗൻ നാഥ് (സയൻസ്- 94.8 ശതമാ നം), എസ്. ആദർശ് (കോമേഴ് സ്- 96.2 ശതമാനം) എന്നിവർ ഒന്നാം സ്ഥാനം പങ്കിട്ടു.
ചേങ്കോട്ടുകോണം ശ്രീ നാരായണ പബ്ലിക് സ്കൂളിൽ 12-ാം ക്ലാസിൽ 131 പേർ പരീക്ഷയെഴുതി. 95 ഡിസ്റ്റിംഗ്ഷനും 34 ഫസ്റ്റ് ക്ലാസും ലഭിച്ചു. 10-ാം ക്ലാസിൽ 78 പേർ പരീക്ഷയെഴുതിയവരിൽ 52 ഡിസ്റ്റിംഗ്ഷനും 20 ഫസ്റ്റ് ക്ലാസും ലഭിച്ചു. 97 ശതമാനം മാർക്കോടെ നിഖിത അജിത് ഒന്നാമതെത്തി.
കുന്നത്തുകാൽ ശ്രീചിത്തിരതിരുനാൾ റസിഡൻഷ്യൽ സ്കൂളിൽ 12-ാം ക്ലാസിൽ പരീക്ഷ എഴുതിയ 63 വിദ്യാർഥികളിൽ 39 പേർക്ക് ഡിസ്റ്റിംഗ്ഷനും 24 പേർക്ക് ഫസ്റ്റ് ക്ലാസും ലഭിച്ചു. പി.എസ്. സംഗീത (കൊമേഴ്സ്), ബി.എസ്. ആഷ്ന (സയൻസ്), ജി. സാനിയ (ഹ്യൂമാനിറ്റീസ്) എന്നിവരാണ് ടോപ്പർമാർ. 97 ശതമാനം മാർക്കോടെ വി.എസ്. മനു 10-ാം ക്ലാസിൽ ടോപ്പായി.
തോന്നയ്ക്കൽ ബ്ലൂമൗണ്ട് പബ്ലിക് സ്കൂളിൽ 12-ാം ക്ലാസിൽ പരീക്ഷ എഴുതിയ 55 പേരിൽ 44 കുട്ടികൾക്ക് ഡിസ്റ്റിംഗ്ഷനും 11 പേർക്ക് ഫസ്റ്റ് ക്ലാസും ലഭിച്ചു. കോമേഴ്സ് വിഭാഗത്തിൽ അഭയ ബിജുവും സയൻസ് വിഭാഗത്തിൽ അഭിഷേക് എസ്. നായരും ഒന്നാം സ്ഥാനം കരസ്ഥമാക്കി.
പത്താം ക്ലാസിൽ 103 കുട്ടികൾ പരീക്ഷ എഴുതിയതിൽ 63 കുട്ടികൾക്ക് ഡിസ്റ്റിംഗ്ഷനും 40 പേർക്ക് ഫസ്റ്റ് ക്ലാസും ലഭിച്ചു. 98.2 ശതമാനം മാർക്കുനേടി സിദ്ധി വിനായക് ഒന്നാം സ്ഥാനത്തെത്തി.
പേയാട് കാർമൽ സ്കൂളിൽ 56 വിദ്യാർഥികൾ പരീക്ഷ എഴുതിയതിൽ 46 പേർ ഡിസ്റ്റിംഗ്ഷനോടെ വിജയം കരസ്ഥമാക്കി. മൂന്നു വിദ്യാർഥികൾ എല്ലാ വിഷയങ്ങൾക്കും എ വണ്ണും പത്തുപേർ 90 ശതമാനത്തിൽ കൂടുതൽ മാർക്കുനേടി. തിരുമല, മങ്കാട്ടുകടവ് വിശ്വപ്രകാശ് സെൻട്രൽ സ്കൂളിൽ പ്ലസ്ടുവിന് ഒൻപത് പേർക്ക് 90 ശതമാനത്തിനു മുകളിൽ മാർ ക്കുനേടി. 12 പേർക്ക് ഡിസ്റ്റിങംഗ് ഷനും, 30 പേർക്ക് ഫസ്റ്റ് ക്ലാസും ലഭിച്ചു. നൂറുമേനി കൈവരിച്ച പത്താം ക്ലാസ് വിഭാഗത്തിൽ 90 ശതമാനം, ഡിസ്റ്റിംഗ്ഷൻ, ഫസ്റ്റ് ക്ലാസ് എന്നിവ നേടിയ വിദ്യാർഥികൾ ഉൾപ്പെടുന്നു.
നാലാഞ്ചിറ സർവോദയ സെൻട്രൽ വിദ്യാലയത്തിൽ 12-ാം ക്ലാസിലും 10-ാം ക്ലാസിലും 100 ശതമാനം വിജയം. 12-ാം ക്ലാസിൽ ആകെ പരീക്ഷ എഴുതിയതിൽ 52 വിദ്യാർഥികൾ 90 ശതമാനത്തിൽ കൂടുതൽ മാർക്ക് നേടി. ഫർഹാൻ മുഹമ്മദ്, എസ്.വി ഗൗതം നന്ദൻ, ആർ ശ്രീറാം എന്നിവരാണ് കൂടുതൽ മാർക്ക് കരസ്ഥമാക്കിയവർ. 10ാം ക്ലാസിൽ 134 വിദ്യാർഥികൾക്ക് ഡിസ്റ്റിംഗ്ഷനും 72 വിദ്യാർഥികൾക്ക് 90 ശതമാനത്തിൽ കൂടുതൽ മാർക്കും ലഭിച്ചു. ഗണേഷ് രാജേഷ്, സനാ എസ്. ഹസൻ എന്നിവരാണ് കൂടുതൽ മാർക്ക് നേടിയത്.