പ്ലാ​സ്റ്റി​ക് അ​ത്ര പാ​വ​മ​ല്ല!
പ്ലാ​സ്റ്റി​ക് അ​ത്ര പാ​വ​മ​ല്ല!
രാ​വി​ലെ എ​ഴു​ന്നേ​ൽ​ക്കു​ന്പോ​ൾ ആ​ദ്യം കൈ​യി​ലെ​ടു​ക്കു​ന്ന ടൂ​ത്ത്ബ്ര​ഷ് മു​ത​ൽ തു​ട​ങ്ങു​ന്ന​താ​ണ് നി​ത്യ​ജീ​വി​ത​ത്തി​ൽ പ്ലാ​സ്റ്റി​ക്കു​മാ​യു​ള്ള ഒ​രു മ​നു​ഷ്യ​ന്‍റെ ബ​ന്ധം. മ​ഗ്, പാ​യ്ക്ക​റ്റ്, ബ​ക്ക​റ്റ്, പേ​ന, ക​സേ​ര, മൊ​ബൈ​ൽ ഫോ​ണ്‍, ക​ണ്ണ​ട, വാ​ട്ട​ർ ടാ​ങ്ക് തു​ട​ങ്ങി ദി​വ​സ​വും ഒ​രു വ്യ​ക്തി ഏ​റ്റ​വും കൂ​ടു​ത​ൽ ഇ​ട​പെ​ട​ൽ ന​ട​ത്തു​ന്ന വ​സ്തു ഏ​തെ​ന്നു ചോ​ദി​ച്ചാ​ൽ പ്ലാ​സ്റ്റി​ക് എ​ന്നു ത​ന്നെ​യാ​ണ് ഉ​ത്ത​രം.

വാ​തി​ലു​ക​ൾ മു​ത​ൽ വ​സ്ത്ര​ങ്ങ​ൾ വ​രെ പ്ലാ​സ്റ്റി​ക് യു​ഗ​ത്തി​ലേ​ക്കു ക​ട​ന്നു​ക​ഴി​ഞ്ഞു. കൈ​കാ​ര്യം ചെ​യ്യാ​നു​ള്ള എ​ളു​പ്പം, ഭാ​ര​ക്കു​റ​വ്, വി​ല​ക്കു​റ​വ്, കാ​ഴ്ച​യി​ലു​ള്ള ഭം​ഗി, ദീ​ർ​ഘ​കാ​ലം ഉ​പ​യോ​ഗി​ക്കാ​മെ​ന്ന ഗു​ണം, കൊ​ണ്ടു​ന​ട​ക്കാ​നും സൂ​ക്ഷി​ക്കാ​നു​മു​ള്ള സൗ​ക​ര്യം, മ​ഴ​യെ​യും വെ​യി​ലി​നെ​യു​മൊ​ക്കെ ചെ​റു​ക്കാ​നു​ള്ള ശേ​ഷി തു​ട​ങ്ങി പ്ലാ​സ്റ്റി​ക്കി​ന്‍റെ എ​ണ്ണി​യാ​ൽ തീ​രാ​ത്ത മേന്മക​ളാ​ണ് അ​തി​നെ നി​ത്യ​ജീ​വി​ത​ത്തി​ൽ മ​നു​ഷ്യ​ർ​ക്കു പ്രി​യ​ങ്ക​ര​മാ​ക്കി മാ​റ്റി​യി​രി​ക്കു​ന്ന​ത്.

പ്ലാ​സ്റ്റി​ക് ഒ​ഴി​വാ​ക്കി​യു​ള്ള ഒ​രു ജീ​വി​ത​ത്തെ​ക്കു​റി​ച്ച് ഇ​ന്നു മ​നു​ഷ്യ​ന് ആ​ലോ​ചി​ക്കാ​നേ വ​യ്യ. ജ​നി​ച്ചു വീ​ഴു​ന്പോ​ൾ പൊ​ക്കി​ൾ​കൊ​ടി മു​റി​ച്ച​തി​നു ശേ​ഷം ഇ​ടു​ന്ന ബാ​ൻ​ഡ് മു​ത​ൽ തു​ട​ങ്ങു​ന്ന​താ​ണ് ഒ​രു കു​ഞ്ഞി​ന്‍റെ പ്ലാ​സ്റ്റി​ക് ജീ​വി​തം! ഇ​ങ്ങ​നെ ശാ​സ്ത്ര​ലോ​കം പ്ലാ​സ്റ്റി​ക്കു​ക​ളു​ടെ ന​വീ​ന ഗു​ണ​ഗ​ണ​ങ്ങ​ൾ ക​ണ്ടെ​ത്തു​ന്ന​തി​ന​നു​സ​രി​ച്ച് അ​വ മ​നു​ഷ്യ​ജീ​വി​ത​ത്തി​ന്‍റെ പു​തി​യ പു​തി​യ ത​ല​ങ്ങ​ളി​ൽ ഇ​ടം​പി​ടി​ച്ചു​കൊ​ണ്ടി​രി​ക്കു​ന്നു.

കെ​ണി അ​രി​കെ

ഓ​രോ​ന്നി​നെ​യും ശ​രി​യാ​യി പ​ഠി​ച്ചി​ട്ടും വി​ല​യി​രു​ത്തി​യി​ട്ടും വേ​ണം ന​മ്മു​ടെ ജീ​വി​ത​ത്തി​ൽ എ​ത്ര​ത്തോ​ളം ഇ​ടം അ​വ​ർ​ക്കു ന​ൽ​ക​ണ​മെ​ന്നു തീ​രു​മാ​നി​ക്കാ​ൻ. എ​ന്നാ​ൽ, പ്ലാ​സ്റ്റി​ക്കി​ന്‍റെ കാ​ര്യ​ത്തി​ൽ മ​നു​ഷ്യ​ൻ ഈ ​ത​ത്വം തെ​ല്ലും പാ​ലി​ച്ചി​ല്ല.

പ്ലാ​സ്റ്റി​ക്കി​ന്‍റെ ഗു​ണ​ഗ​ണ​ങ്ങ​ളു​ടെ തി​ള​ക്ക​ത്തി​ൽ ക​ണ്ണു​മ​ഞ്ഞളിച്ചുപോ​യ മ​നു​ഷ്യ​ൻ അ​വ​യെ ആ​വോ​ളം വ​ള​ർ​ത്തി, ആ​വ​ശ്യ​മു​ള്ളി​ട​ത്തും ഇ​ല്ലാ​ത്തി​ട​ത്തു​മെ​ല്ലാം ക​യ​റ്റി​യി​രു​ത്തി. ഭാ​വി​യി​ൽ സ്വ​ന്തം നി​ല​നി​ൽ​പ്പി​നു​ത​ന്നെ ഭീ​ഷ​ണി​യാ​കു​ന്ന ഏ​ർ​പ്പാ​ടാ​ണ് ഇ​തെ​ന്നു തി​രി​ച്ച​റി​യാ​ൻ ഏ​റെ വൈ​കി. തി​രി​ച്ച​റി​ഞ്ഞു തു​ട​ങ്ങി​യ​പ്പോ​ഴാ​ക​ട്ടെ, അ​ത്ര പെ​ട്ടെ​ന്നു പ​റി​ച്ചു​മാ​റ്റാ​ൻ പ​റ്റാ​ത്ത​വി​ധം അ​വ നി​ത്യ​ജീ​വി​ത​ത്തോ​ടു ചേ​ർ​ന്നു​പോ​യി​രി​ക്കു​ന്നു. ഒ​ട്ട​ക​ത്തി​നു സ്ഥ​ലം കൊ​ടു​ത്ത​സ്ഥി​തി!

പ്ലാ​സ്റ്റി​ക്കി​നെ പൂ​ർ​ണ​മാ​യും അ​ട​ർ​ത്തി​മാ​റ്റാ​നാ​കി​ല്ലെ​ങ്കി​ലും വി​വേ​ക​ത്തോ​ടെ ഉ​പ​യോ​ഗി​ക്കാ​നും കൈ​കാ​ര്യം ചെ​യ്യാ​നും ക​ഴി​ഞ്ഞി​ല്ലെ​ങ്കി​ൽ ത​ന്‍റെ​യും ഭാ​വി ത​ല​മു​റ​യു​ടെ​യും നി​ല​നി​ൽ​പ്പു ത​ന്നെ അ​പ​ക​ട​ത്തി​ലാ​കും എ​ന്ന​താ​ണ് പു​തി​യ പ​ഠ​ന​ങ്ങ​ളും അ​നു​ഭ​വ​ങ്ങ​ളും മ​നു​ഷ്യ​രാ​ശി​ക്കു മു​ന്നി​ൽ കാ​ണി​ച്ചു​ത​രു​ന്ന പാ​ഠം.



കാത്തിരിക്കുന്നത്

നി​ത്യ​വും പ​ല​രീ​തി​യി​ൽ ഉ​പ​യോ​ഗി​ച്ചു​കൊ​ണ്ടി​രി​ക്കു​ന്ന പ്ലാ​സ്റ്റി​ക് അ​ത്ര പാ​വ​മ​ല്ലെ​ന്നു ശാ​സ്ത്ര​ലോ​ക​ത്തി​നും ആ​രോ​ഗ്യ​ലോ​ക​ത്തി​നു​മൊ​ക്കെ ബോ​ധ്യ​മാ​യി​ക്ക​ഴി​ഞ്ഞു. എ​ന്നാ​ൽ, പൊ​തു​ജ​ന​ത്തി​ന് ഇ​നി​യും ആ ​ബോ​ധ്യം വേ​ണ്ട​ത്ര വ​ന്നി​ട്ടി​ല്ല. അ​തു​കൊ​ണ്ട് അ​വ​ർ പ്ലാ​സ്റ്റി​ക്കി​നെ ഇ​പ്പോ​ഴും ചേ​ർ​ത്തു​പി​ടി​ച്ചി​രി​ക്കു​ന്നു, ഒ​പ്പം ഒ​രാ​യി​രം ആ​രോ​ഗ്യ​പ്ര​ശ്ന​ങ്ങ​ളും പ​രി​സ്ഥി​തി പ്ര​ശ്ന​ങ്ങ​ളും. ത​ങ്ങ​ളു​ടെ ജീ​വി​ത​ത്തി​ൽ ആ​രോ​ഗ്യ​പ​ര​മാ​യ പ​ല പ്ര​ശ്ന​ങ്ങ​ളു​ടെ​യും കാ​ര​ണം പ്ലാ​സ്റ്റി​ക്കു​മാ​യു​ള്ള സ​ഹ​വാ​സ​മാ​ണെ​ന്ന യാ​ഥാ​ർ​ഥ്യം പൊ​തു​ജ​ന​ങ്ങ​ളി​ലേ​റെ​യും തി​രി​ച്ച​റി​ഞ്ഞു തു​ട​ങ്ങി​യി​ട്ടി​ല്ല.

പ​രി​സ്ഥി​തി മ​ലി​നീ​ക​ര​ണ​മു​ണ്ടാ​ക്കു​ന്ന പ്ലാ​സ്റ്റി​ക് ക​വ​റു​ക​ൾ ഉ​പ​യോ​ഗി​ക്ക​രു​തെ​ന്നും പ്ലാ​സ്റ്റി​ക് ക​ത്തി​ക്ക​രു​തെ​ന്നു​മൊ​ക്കെ​യു​ള്ള നി​ർ​ദേ​ശ​ങ്ങ​ളും ഉ​പ​ദേ​ശ​ങ്ങ​ളും സ​ർ​ക്കാ​ർ ന​ൽ​കി​ത്തു​ട​ങ്ങി​യി​ട്ടു​ണ്ടെ​ങ്കി​ലും അ​തി​നു​മ​പ്പു​റ​മു​ള്ള നി​ര​വ​ധി ആ​രോ​ഗ്യ​പ്ര​ശ്ന​ങ്ങ​ളി​ലേ​ക്ക് ഇ​നി​യും അ​ധി​കം പേ​രു​ടെയും ശ്ര​ദ്ധ ക​ട​ന്നു ചെ​ന്നി​ട്ടി​ല്ല.


വി​വി​ധ ഏ​ജ​ൻ​സി​ക​ളും ആ​രോ​ഗ്യ​വി​ദ​ഗ്ധ​രു​മൊ​ക്കെ ന​ട​ത്തി​യ പ​ഠ​ന​ങ്ങ​ൾ പ്ര​കാ​രം ന​മ്മ​ൾ ഇ​ന്ന​ത്തെ രീ​തി​യി​ൽ​ത​ന്നെ പ്ലാ​സ്റ്റി​ക് ഉ​പ​യോ​ഗം മു​ന്നോ​ട്ടു​പോ​യാ​ൽ ന​മ്മെ കാ​ത്തി​രി​ക്കു​ന്ന​തു ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ൾ ആ​യി​രി​ക്കും.

ആമാശയത്തിലേക്കും

വ്യാ​പ​ക​മാ​യി ഉ​പ​യോ​ഗി​ക്ക​പ്പെ​ടു​ന്നു​ണ്ടെ​ങ്കി​ലും പ്ലാ​സ്റ്റി​ക് എ​ന്താ​ണെ​ന്നും അ​ത് ഏ​തൊ​ക്കെ രീ​തി​യി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നും ബ​ഹു​ഭൂ​രി​പ​ക്ഷ​ത്തി​നും അ​റി​വി​ല്ല എ​ന്ന​താ​ണ് യാ​ഥാ​ർ​ഥ്യം. പ്ലാ​സ്റ്റി​ക് എ​ന്താ​ണെ​ന്ന തി​രി​ച്ച​റി​വും അ​തി​നെ എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന ബോ​ധ്യ​വും അ​തി​ന്‍റെ ഉ​പ​യോ​ഗ​ത്തി​ലു​ള്ള നി​യ​ന്ത്ര​ണ​വു​മാ​ണ് ഈ ​നി​ശ​ബ്ദ​നാ​യ കൊ​ല​യാ​ളി​യെ വ​രു​തി​യി​ലാ​ക്കാ​നു​ള്ള മാ​ർ​ഗം.

മ​ണ്ണും കു​ള​വും പു​ഴ​യു​മൊ​ക്കെ പ്ലാ​സ്റ്റി​ക് നി​റ​ഞ്ഞു​ക​ഴി​ഞ്ഞു. എ​ന്തി​നെ​യും സ്വീ​ക​രി​ക്കാ​ൻ കൈ​വി​രി​ച്ചു നി​ൽ​ക്കാ​റു​ള്ള കാ​യ​ലും ക​ട​ലും പോ​ലും പ്ലാ​സ്റ്റി​ക്കി​ന്‍റെ ത​ള്ളി​ക്ക​യ​റ്റം ക​ണ്ട് കൈ​മ​ല​ർ​ത്തു​ന്നു, ഇ​തൊ​ക്കെ ന​മ്മ​ൾ ദി​വ​സ​വും മു​ന്നി​ൽ ക​ണ്ടു​കൊ​ണ്ടി​രി​ക്കു​ന്ന കാ​ഴ്ച​ക​ളി​ൽ ചി​ല​ത്...
എ​ന്നാ​ൽ, നാം ​ക​ണ്ടി​ട്ടും തി​രി​ച്ച​റി​യാ​തെ പോ​കു​ന്ന കാ​ഴ്ച​ക​ൾ ഇ​തി​നേ​ക്കാ​ൾ ആ​ശ​ങ്കാ​ജ​ന​ക​മാ​ണ്. മ​നു​ഷ്യ​ൻ നി​ത്യ​ജീ​വി​ത​ത്തി​ൽ പ്ലാ​സ്റ്റി​ക് തി​ന്നു​കൊ​ണ്ടി​രി​ക്കു​ന്നു എ​ന്ന​താ​ണ് ആ ​ഞെ​ട്ടി​ക്കു​ന്ന യാ​ഥാ​ർ​ഥ്യം. കേ​ൾ​ക്കു​ന്പോ​ൾ ത​മാ​ശ​യെ​ന്നു തോ​ന്നി​യേ​ക്കാം, ഞാ​ൻ എ​പ്പോ​ൾ പ്ലാ​സ്റ്റി​ക് തി​ന്നു​ന്നു? എ​ന്ന ചോ​ദ്യ​വും മ​ന​സി​ൽ ഉ​യ​ർ​ന്നേ​ക്കാം.

എ​ന്നാ​ൽ, പ്ലാ​സ്റ്റി​ക്കി​ന്‍റെ സ്വ​ഭാ​വവും രാ​സ​ഘ​ട​ന​യും പ്ര​വ​ർ​ത്ത​ന​രീ​തി​യു​മൊ​ക്കെ മ​ന​സി​ലാ​ക്കി​യ ശേ​ഷം അ​തി​നെ ന​മ്മു​ടെ പ്ലാ​സ്റ്റി​ക് ഉ​പ​യോ​ഗ​രീ​തി​ക​ളോ​ടു ചേ​ർ​ത്തു​വ​ച്ചു ചി​ന്തി​ക്കു​ന്പോ​ൾ നി​ങ്ങ​ളും പ​റ​ഞ്ഞു​പോ​കും ശ​രി​യാ​ണ്, ന​മ്മ​ൾ പ്ലാ​സ്റ്റി​ക് ഭ​ക്ഷി​ക്കു​ന്നു​ണ്ട്! അ​റി​ഞ്ഞും അ​റി​യാ​തെ​യും ഇ​തു ന​മ്മു​ടെ ജീ​വി​ത​ത്തി​ൽ സം​ഭ​വി​ച്ചു​കൊ​ണ്ടി​രി​ക്കു​ന്നു. പ്ലാ​സ്റ്റി​ക്കി​നെ വേ​ണ്ട​വി​ധം മ​ന​സി​ലാ​ക്കാ​തെ തോ​ന്നി​യ​തു​പോ​ലെ ഉ​പ​യോ​ഗി​ച്ചു​ തു​ട​ങ്ങി​യ​തോ​ടെ​യാ​ണ് അ​നു​വാ​ദ​മി​ല്ലാ​തെ ആ​മാ​ശ​യ​ത്തി​ലേ​ക്കും ശ്വാ​സ​കോ​ശ​ത്തി​ലേ​ക്കും ത​ല​ച്ചോ​റി​ലേ​ക്കും വ​രെ ഇ​തു നു​ഴ​ഞ്ഞു​ക​യ​റി​ത്തു​ട​ങ്ങി​യ​ത്.

ന​മ്മു​ടെ​യൊ​ക്കെ ജീ​വി​ത​ത്തെ അ​ല​ട്ടു​ന്ന പ​ല ആ​രോ​ഗ്യ​പ്ര​ശ്ന​ങ്ങ​ളു​ടെ​യും പി​ന്നി​ലെ യ​ഥാ​ർ​ഥ വി​ല്ല​ൻ ഒ​രു​പ​ക്ഷേ ഈ ​പ്ലാ​സ്റ്റി​ക് ആ​യി​രി​ക്കാ​മെ​ന്ന് പ​ഠ​ന​ങ്ങ​ളു​ടെ വെ​ളി​ച്ച​ത്തി​ൽ ആ​രോ​ഗ്യ​വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. ക​ട​ലി​ൽ പ്ലാ​സ്റ്റി​ക് സാ​ന്നി​ധ്യം പെ​രു​കി​യ​തോ​ടെ ക​ട​ൽ​വെ​ള്ളം വറ്റിച്ചെടു​ക്കു​ന്ന ഉ​പ്പി​ൽ പോ​ലും പ്ലാ​സ്റ്റി​ക് അം​ശ​ങ്ങ​ൾ ക​ല​രാ​നി​ട​യു​ണ്ടെ​ന്നു ചൂ​ണ്ടി​ക്കാ​ണി​ക്ക​പ്പെ​ടു​ന്നു. പ്ലാ​സ്റ്റി​ക്കി​ന്‍റെ സ്വ​ഭാ​വ​സ​വി​ശേ​ഷ​ത​ക​ൾ തി​രി​ച്ച​റി​ഞ്ഞ് വി​വേ​ക​ത്തോ​ടെ​യു​ള്ള ഉ​പ​യോ​ഗ​രീ​തി​ക​ളി​ലേ​ക്കു മാ​റി​യി​ല്ലെ​ങ്കി​ൽ ഫീ​ഡിം​ഗ് ബോ​ട്ടി​ൽ മു​ത​ൽ വാ​ട്ട​ർ ടാ​ങ്കു​ക​ൾ വ​രെ അ​പ​ക​ട​കാ​രി​ക​ളാ​യി മാ​റു​മെ​ന്നാ​ണ് ഈ ​രം​ഗ​ത്തു​പ​ഠ​നം ന​ട​ത്തു​ന്ന​വ​ർ പ​റ​യു​ന്ന​ത്.

വി​വേ​ക​ത്തോ​ടെ പ്ലാ​സ്റ്റി​ക്കി​നെ കൈ​കാ​ര്യം ചെ​യ്യ​ണ​മെ​ങ്കി​ൽ പ്ലാ​സ്റ്റി​ക് എ​ന്താ​ണെ​ന്നും അ​വ​യു​ടെ സ്വ​ഭാ​വം എ​ന്താ​ണെ​ന്നും പ്ര​വ​ർ​ത്ത​ന​രീ​തി​ക​ൾ എ​ങ്ങ​നെ​യാ​ണെ​ന്നും അ​റി​യ​ണം. അ​തി​നെ​ക്കു​റി​ച്ചു നാ​ളെ.

പ്ലാസ്റ്റിക് തിന്നുന്ന മനുഷ്യൻ -1 / ജോൺസൺ പൂവന്തുരുത്ത്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
പ്ലാ​സ്റ്റി​ക്കി​നെ പി​ടി​ച്ചു​കെ​ട്ടാം!
മ​നു​ഷ്യ​നും പ്ര​കൃ​തി​ക്കും ഇ​ത്ര ദോ​ഷ​കാ​രി​യാ​ണെ​ങ്കി​ൽ പ്ലാ​സ്റ്റി​ക്കി​നെ പൂ​ർ​ണ​മാ​യ​ങ്ങു നി​
ക​ട​ലി​ൽ പ്ലാ​സ്റ്റി​ക് ചാ​ക​ര!
"പ​ണ്ടൊ​ക്കെ വ​ലി​യി​റ​ക്കി​യാ​ൽ മീ​നി​നൊ​പ്പം വ​ല​യി​ൽ കു​ടു​ങ്ങു​ന്ന​ത് പാ​യ​ൽ ആ​യി​രു​ന്നു. ഇ​ന
പ്ലാ​സ്റ്റി​ക് ചൂ​ടാ​യാ​ൽ!
പ്ലാ​സ്റ്റി​ക് ചൂ​ടാ​യാ​ൽ ആ​ൾ മ​ഹാ​പി​ശ​കാ​ണ്! ചൂ​ടാ​ക്കി​യും ത​ണു​പ്പി​ച്ചു​മൊ​ക്കെ ഭ​ക്ഷ്യ​വി​ഭ​വ
അ​പ​ക​ടം അ​രി​കി​ലു​ണ്ട്!
എ​സ്പി​ഐ കോ​ഡും ന​ന്പ​രു​മൊ​ക്കെ​യു​ണ്ടെ​ങ്കി​ലും ഇ​തി​നു ചേ​ർ​ന്ന രീ​തി​യി​ല​ല്ല പ്ലാ​സ്റ്റി​ക് ഉ
കോ​ഡ് അ​റി​ഞ്ഞാ​ൽ ആ​ളെ അ​റി​യാം!
ക​ട്ടി​കൂ​ടി​യ പ്ലാ​സ്റ്റി​ക്, ക​ട്ടി കു​റ​ഞ്ഞ പ്ലാ​സ്റ്റി​ക്! പ്ലാ​സ്റ്റി​ക്കി​ന്‍റെ ഇ​ന​ത്തെ​ക്കു​
ആ​ന​ക്കൊ​മ്പി​ൽ​നി​ന്നു പ്ലാ​സ്റ്റി​ക്കി​ലേ​ക്ക്!
ചെ​റി​യ ഗ​വേ​ഷ​ണ​ങ്ങ​ളു​മൊ​ക്കെ​യാ​യി ക​ഴി​യ​വേ​യാ​ണ് അ​മേ​രി​ക്ക​ൻ എ​ൻ​ജി​നി​യ​ർ ജോ​ണ്‍ വെ​സ്‌ലി