നമ്മുടെ പ​റ​ന്പി​ൽ ലഭ്യമായ ഏ​റ്റ​വും ഗു​ണ​മു​ള​ള പ​ച്ച​ക്ക​റികളിലൊന്നാണു പപ്പായ. മാ​യ​മി​ല്ല. കീ​ട​നാ​ശി​നി​യി​ല്ല. വി​ല കൊ​ടു​ക്കേ​ണ്ട. ഗു​ണം മെ​ച്ചം. ത​നി​യേ കി​ളി​ർ​ത്തു വ​രു​ന്ന പ​പ്പാ​യ​തൈ ആ​രും പ​രി​ഗ​ണി​ച്ചി​ല്ലെ​ങ്കി​ൽ പോ​ലും വ​ള​ർ​ന്നു നി​റ​യെ കാ​യ്ക​ൾ ന​മു​ക്കു ത​രും. അ​പ്പോ​ൾ വേണ്ട സമയത്ത് വെ​ള​ള​വും ജൈ​വ​വ​ള​വും കൂ​ടി കൊ​ടു​ത്താ​ലോ...​ഗുണമേന്മയുള്ള കാ​യ്ക​ൾ അടുക്കള യിലെത്തും.

ഊർജദായകം

വി​റ്റാ​മി​നു​ക​ൾ, ധാ​തു​ക്ക​ൾ, ആ​ന്‍റി ഓ​ക്സി​ഡ​ന്‍റു​ക​ൾ, നാ​രു​ക​ൾ... എല്ലാം പപ്പായയിൽ ധാ​രാ​ളം. വി​റ്റാ​മി​ൻ എ​യും സി​യും സ​മൃ​ദ്ധം. പ​ഴ​ത്തി​നു ഗു​ണം കൂ​ടു​ത​ലാ​ണെ​ന്നു പ​റ​യേ​ണ്ട​തി​ല്ല​ല്ലോ.
മ​ഞ്ഞ​യും ഓ​റ​ഞ്ചും നി​റ​ങ്ങ​ളി​ലു​ള​ള ഇനങ്ങളുമു​ണ്ട്. ഉൗ​ർ​ജം ധാ​രാ​ളം. ധാ​രാ​ളം ജ​ലാം​ശം അ​ട​ങ്ങി​യ ഫ​ലം. ​രു​ചി​ക​ര​മാ​യ ഫ​ലം. വിഭവങ്ങൾ തയാറാ ക്കാനും മ​രു​ന്നാ​യും ഉ​പ​യോ​ഗി​ക്കാം. പ​പ്പാ​യ​യി​ൽ നി​ന്നു നി​ര​വ​ധി മ​രു​ന്നു​ക​ൾ നി​ർ​മി​ക്കു​ന്നു​ണ്ട്.

ഹൃദയാരോഗ്യത്തിന്

പ​പ്പാ​യ​യി​ൽ അ​ട​ങ്ങി​യി​രി​ക്കു​ന്ന കാ​ർ​പെ​യ്ൻ എ​ന്ന എ​ൻ​സൈം ഹൃ​ദ​യാ​രോ​ഗ്യ​ത്തി​നു ഗു​ണ​പ്ര​ദം. ആ​ർട്ടീരി​യോ​സ്ക​്ളീ​റോ​സി​സ്(​ര​ക്ത​ധ​മ​നി​ക​ൾ​ക്കു​ള​ളി​ൽ കൊ​ഴു​പ്പ് അ​ടി​യു​ന്ന​തി​നെ തു​ട​ർ​ന്ന് ര​ക്ത​സ​ഞ്ചാ​ര​വേഗം കു​റ​യു​ന്ന അ​വ​സ്ഥ), പ്ര​മേ​ഹം, ഹൃ​ദ​യ​രോ​ഗ​ങ്ങ​ൾ എ​ന്നി​വ​യെ ത​ട​യു​ന്ന​തി​നും പ​പ്പാ​യ​യ്ക്കു ക​ഴി​വു​ള​ള​താ​യി വി​വി​ധ പ​ഠ​ന​ങ്ങ​ൾ.

ചർമാരോഗ്യത്തിന്

ച​ർ​മ​ത്തിന്‍റെ ആ​രോ​ഗ്യം മെ​ച്ച​പ്പെ​ടു​ത്തു​ന്ന​തി​നു പ​പ്പാ​യ ഗു​ണ​പ്ര​ദം. മു​ഖ​ത്തിന്‍റെ തി​ള​ക്കം മെച്ചപ്പെടു ത്താൻ സ​ഹാ​യി​ക്കു​ന്ന ചി​ല ഫേ​സ്പാ​യ്ക്കു​ക​ളി​ൽ പ​പ്പാ​യ​യി​ലെ രാ​സ​ഘ​ട​ക​ങ്ങ​ളു​ണ്ട്. മുഖം മിനുങ്ങാൻ ഫേ​സ്പാ​ക്ക് ത​ന്നെ വേ​ണ​മെ​ന്നി​ല്ല. പ​പ്പാ​യ വി​ഭ​വ​ങ്ങ​ളോ പ​ഴ​മോ ക​ഴി​ച്ചാ​ലും ന​ല്ല​തു​ത​ന്നെ. അ​തി​ലെ ആ​ന്‍റിഓ​ക്സി​ഡ​ൻ​റു​ക​ൾ യു​വ​ത്വം നി​ല​നി​ർ​ത്താ​ൻ സ​ഹാ​യകം.

ആമാശയത്തിനു ഗുണപ്രദം

പ​പ്പാ​യ​യി​ൽ അ​ട​ങ്ങി​യി​രി​ക്കു​ന്ന പ​പ്പെ​യ്ൻ എ​ന്ന എ​ൻ​സൈം ദ​ഹ​നം വ​ർ​ധി​പ്പി​ക്കു​ന്നു. പ്രോട്ടീനെ ദ​ഹി​പ്പി​ക്കാ​ൻ പ​പ്പെ​യ്നും അ​തി​ല​ട​ങ്ങി​യ മ​റ്റൊ​രു എ​ൻ​സൈ​മാ​യ കൈ​മോ​പ​പ്പെ​യ്നും ക​ഴി​വു​ള​ള​താ​യി ഗ​വേ​ഷ​ക​ർ പ​റ​യു​ന്നു. പ്രാ​യ​മാ​യ​വ​ർ പ​പ്പാ​യ ക​ഴി​ക്കു​ന്ന​ത് ഏ​റെ ഗു​ണ​പ്ര​ദം. ദ​ഹനം മെച്ചപ്പെടുത്തുന്നു. മ​ല​ബ​ന്ധം ത​ട​യു​ന്നു. ആ​മാ​ശ​യം, കു​ട​ൽ എ​ന്നി​വ​യു​ടെ ആ​രോ​ഗ്യം മെ​ച്ച​പ്പെ​ടു​ത്തു​ന്നു. കു​ട​ലി​ൽ അ​ണു​ബാ​ധ ഉ​ണ്ടാ​കു​ന്ന​തു ത​ട​യു​ന്നു.


കാ​ൻ​സ​ർ ത​ട​യു​ന്ന​തി​നു പ​പ്പാ​യ ഗു​ണ​പ്ര​ദം. പ​പ്പാ​യ​യി​ലെ നാ​രു​ക​ൾ കു​ട​ലി​ലെ കാ​ൻ​സർ ത​ട​യു​ന്ന​താ​യി പ​ഠ​ന​ങ്ങ​ൾ പ​റ​യു​ന്നു. കൂ​ടാ​തെ അ​തി​ല​ട​ങ്ങി​യ ഫോ​ളേ​റ്റു​ക​ൾ, വി​റ്റാ​മി​ൻ സി, ​ബീ​റ്റാ ക​രോട്ടി​ൻ, വി​റ്റാ​മി​ൻ ഇ, ​പൊട്ടാ​സ്യം എ​ന്നി​വ​യും കു​ട​ലിലെ ​കാ​ൻ​സ​ർ ത​ട​യാ​ൻ സ​ഹാ​യ​കം. ആ​മാ​ശ​യ​ത്തി​ലെ വി​ര, കൃ​മി എ​ന്നി​വ​യെ ന​ശി​പ്പി​ക്കാ​ൻ പ​പ്പാ​യ ഉ​ത്ത​മം.

പ്രതിരോധശക്തിക്ക് പപ്പായ

പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്താ​ൻ പ​പ്പാ​യ ഗു​ണ​ക​രം. ഇ​ട​യ്ക്കി​ടെ പ​നി, ചു​മ എ​ന്നി​വ ഉ​ണ്ടാ​കു​ന്ന​തു ത​ട​യു​ന്നു. സ​ന്ധി​വാ​തം, ഓ​സ്റ്റി​യോ പൊ​റോ​സി​സ് (എ​ല്ലു​കളെ ബാധിക്കുന്ന രോ​ഗം)​എ​ന്നി​വ മൂ​ല​മു​ണ്ടാ​കു​ന്ന നീ​രും വേ​ദ​ന​യും ശ​മി​പ്പി​ക്കു​ന്ന​തി​നും പ​പ്പാ​യ ഫ​ല​പ്ര​ദം. കറിക്കരി യുന്പോൾ കൈ​ മു​റി​ഞ്ഞാ​ൽ പ​പ്പാ​യ​യു​ടെ ക​റ പു​രട്ടാം; വ​ള​രെ​വേ​ഗം മു​റി​വു​ണ​ങ്ങും. അതു നാട്ടുമരുന്ന്.

മുടിയഴകിന്

മു​ടി​യു​ടെ സൗ​ന്ദ​ര്യം മെച്ചപ്പെടു ത്തുന്നതിനും പ​പ്പാ​യ ഗു​ണ​പ്ര​ദം. താ​ര​ൻ കു​റ​യ്ക്കു​ന്നു. പ​പ്പാ​യ​ ഷാ​ന്പൂ മു​ടി​യ​ഴ​കി​ന് ഉ​ത്ത​മം. കൂ​ടാ​തെ സ്ത്രീ​ക​ളു​ടെ വി​വി​ധ ആ​രോ​ഗ്യ​പ്ര​ശ്ന​ങ്ങ​ൾ​ക്കും പ​പ്പാ​യ ഉ​ത്ത​മം. താമസം, ന​ഗ​ര​ത്തി​ലാ​കട്ടെ, നാട്ടി​ൻ​പു​റ​ത്താ​കട്ടെ, ഒ​രു പ​പ്പാ​യ തൈ നമുക്കു നട്ടുവ​ള​ർ​ത്താം. അടുക്കളയ്ക്കും ആരോഗ്യ ജീവിതത്തിനും അതൊരു
മികച്ച കരുതലാവും.