Tech
പേ​ടി​ക്ക​ണം, ട്ര​ക്ക് ഹാ​ക്ക​ർ​മാ​രെ!
പേ​ടി​ക്ക​ണം, ട്ര​ക്ക് ഹാ​ക്ക​ർ​മാ​രെ!
Tuesday, August 29, 2017 4:04 AM IST
ഡ്രൈ​വ​റി​ല്ലാ​തെ ഓ​ടു​ന്ന വ​ണ്ടി​ക​ൾ ഇ​ന്ന് ലോ​ക​ത്തു​ണ്ട്. ഗൂ​ഗി​ളി​നെ​പ്പോ​ലു​ള്ള വ​ന്പന്മാ​ർ അ​ഹോ​രാ​ത്രം പ​ണി​യെ​ടു​ത്താ​ണ് ത​നി​യെ ഓ​ടു​ന്ന കാ​റു​ക​ൾ യാ​ഥാ​ർ​ഥ്യ​മാ​ക്കി​യ​ത്. കാ​മ​റ​ക​ളും സെ​ൻ​സ​റു​ക​ളും ഉ​പ​യോ​ഗി​ച്ച്, സോ​ഫ്റ്റ് വെയ​റി​ന്‍റെ സ​ഹാ​യ​ത്തോ​ടെ ഒ​രി​ട​ത്തും ഇ​ടി​ക്കാ​തെ കൃ​ത്യ​മാ​യ വ​ഴി​ക​ളി​ലൂ​ടെ കാ​റു​ക​ൾ ഓ​ടി​ത്തു​ട​ങ്ങി​യി​രി​ക്കു​ന്നു, പ​രീ​ക്ഷ​ണാ​ടി​സ്ഥാ​ന​ത്തി​ലാ​ണെ​ങ്കി​ലും.

ഇ​നി ഡ്രൈ​വ​ർ​മാ​ർ ആ​വ​ശ്യ​മി​ല്ലാ​താ​വു​ന്ന​ത് ട്ര​ക്കു​ക​ളി​ലാ​ണ്. കി​ലോ​മീ​റ്റ​റു​ക​ളോ​ളം നീ​ണ്ടു​കി​ട​ക്കു​ന്ന പാ​ത​ക​ളി​ലൂ​ടെ, ചി​ല​പ്പോ​ഴെ​ങ്കി​ലും ഒ​രു മ​നു​ഷ്യ​ജീ​വി​പോ​ലും കൂ​ട്ടി​ല്ലാ​തെ ട്ര​ക്കു​ക​ൾ ഓ​ടി​ക്കു​ന്ന​ത് അ​ത്യ​ന്തം വി​ര​സ​മാ​യ ജോ​ലി​യാ​ണ്. ത​മി​ഴ്നാ​ട്ടി​ൽ​നി​ന്നും ആ​ന്ധ്ര​യി​ൽ​നി​ന്നു​മൊ​ക്കെ ച​ര​ക്കു​ക​ളു​മാ​യി കേ​ര​ള​ത്തി​ലെ​ത്തു​ന്ന ലോ​റി​ക​ളു​ടെ എ​ണ്ണം​ത​ന്നെ നോ​ക്കൂ. അ​തു​പോ​ലെ എ​ത്ര​ല​ക്ഷം ലോ​റി​ക​ൾ ലോ​ക​ത്തി​ന്‍റെ നാ​നാ​ഭാ​ഗ​ങ്ങ​ളി​ലു​ള്ള പാ​ത​ക​ളി​ലൂ​ടെ യാ​ത്ര​ചെ​യ്യു​ന്നു​ണ്ടാ​കും!

സെ​ൽ​ഫ് -​ഡ്രൈ​വിം​ഗ് ട്ര​ക്കു​ക​ൾ

ത​നി​യേ ഓ​ടു​ന്ന കാ​റു​ക​ൾ വ​ന്ന​തു​പോ​ലെ ടെ​ക് ലോ​കം ഇ​നി പ്ര​തീ​ക്ഷി​ക്കു​ന്ന​ത് ഡ്രൈ​വ​ർ​മാ​ർ ആ​വ​ശ്യ​മി​ല്ലാ​ത്ത ട്ര​ക്കു​ക​ളാ​ണ്. വി​ര​സ​മാ​യ പാ​ത​ക​ളി​ലൂ​ടെ പ്ര​തി​കൂ​ല കാ​ലാ​വ​സ്ഥ ക​ണ​ക്കി​ൽ​പ്പോ​ലു​മെ​ടു​ക്കാ​തെ ത​നി​യെ ചീ​റി​പ്പാ​യു​ന്ന ട്ര​ക്കു​ക​ൾ. സ്വ​യം വ​ഴി​ക​ണ്ടെ​ത്തി, വാ​ഹ​ന​ങ്ങ​ളി​ൽ മു​ട്ടാ​തെ, ഗ​താ​ഗ​ത​ക്കു​രു​ക്കു​ക​ൾ പ​ര​മാ​വ​ധി ഒ​ഴി​വാ​ക്കി അ​വ ല​ക്ഷ്യ​ത്തി​ലെ​ത്തും. ഈ ​ട്ര​ക്കു​ക​ൾ യാ​ഥാ​ർ​ഥ്യ​മാ​കാ​ൻ ഇ​നി​വേ​ണ്ട​ത് ഏ​താ​നും വ​ർ​ഷ​ങ്ങ​ൾ മാ​ത്രം.
ട്ര​ക്ക് -ഭീ​ക​ര​ർ​ക്കും പ്രി​യം

വി​ദേ​ശ​ങ്ങ​ളി​ൽ അ​ടു​ത്ത​യി​ടെ ന​ട​ന്ന ഏ​താ​നും ഭീ​ക​രാ​ക്ര​മ​ണ​ങ്ങ​ളി​ൽ പു​തി​യൊ​രു രീ​തി അ​വ​ത​രി​ച്ചു- ആ​ൾ​ക്കൂ​ട്ട​ത്തി​ലേ​ക്ക് ട്ര​ക്ക് ഓ​ടി​ച്ചു​ക​യ​റ്റ​ൽ. ബോം​ബാ​ക്ര​മ​ണം​പോ​ലെ നാ​ശം വി​ത​യ്ക്കാ​ൻ ശേ​ഷി​യു​ണ്ട് ഇ​ത്ത​രം ആ​ക്ര​മ​ണ​ങ്ങ​ൾ​ക്ക്. മ​ര​ണം ചീ​റി​പ്പാ​ഞ്ഞെ​ത്തു​ന്പോ​ൾ ജ​ന​ക്കൂ​ട്ടം നി​സ​ഹാ​യ​രാ​യി ആ​ർ​ത്ത​ല​ച്ച് ഓ​ടും.


ഇ​വി​ടെ​യാ​ണ് ഡ്രൈ​വ​റി​ല്ലാ​ത്ത ട്ര​ക്കു​ക​ളെ​ക്കു​റി​ച്ച് കൂ​ടു​ത​ൽ ഗൗ​ര​വ​ത്തോ​ടെ ചി​ല​രെ​ങ്കി​ലും ചി​ന്തി​ച്ചു തു​ട​ങ്ങി​യി​രി​ക്കു​ന്ന​ത്. ത​നി​യെ ഓ​ടാ​ൻ ട്ര​ക്കി​നെ സ​ഹാ​യി​ക്കു​ന്ന സോ​ഫ്റ്റ് വെ​യ​റി​ൽ ഹാ​ക്ക​ർ​മാ​ർ നു​ഴ​ഞ്ഞു​ക​യ​റി​യാ​ലോ? വ​ലി​യ ആ​ൾ​ക്കൂ​ട്ട​ങ്ങ​ളെ ല​ക്ഷ്യ​മാ​ക്കി ട്ര​ക്കി​നെ വ​ഴി​തി​രി​ച്ചു​വി​ട്ടാ​ലോ? വാ​ഹ​ന​ങ്ങ​ൾ ചീ​റി​പ്പാ​യു​ന്ന ഹൈ​വേ​ക​ളി​ൽ ട്ര​ക്കു​ക​ളി​ലൊ​ന്നി​നെ പൊ​ടു​ന്ന​നെ നി​ർ​ത്തി​യാ​ലോ?

കാ​ര്യം നി​സാ​ര​മ​ല്ല. ഹാ​ക്ക​ർ​മാ​ർ​ക്ക് ചെ​റു​വി​ര​ലി​ന്‍റെ പ​ണി​യേ​യു​ള്ളൂ അ​തി​ന്.
ഏ​യ്, അ​ങ്ങ​നെ​യു​ണ്ടാ​കു​മോ?

പു​ഴ​യി​ലെ വെ​ള്ളം വ​റ്റു​ക, നാ​യ​യു​ടെ തു​ട​ൽ പൊ​ട്ടു​ക തു​ട​ങ്ങി​യ വി​ദൂ​ര സാ​ധ്യ​ത​ക​ൾ വ​ച്ചു​ള്ള സ​മാ​ധാ​ന​ത്തി​ന് ഇ​വി​ടെ ഇ​ട​മി​ല്ല. സ്വ​യം ഓ​ടു​ന്ന വ​ണ്ടി​ക​ളെ യ​ന്ത്ര​ഭാ​ഷ​യി​ൽ ക​ട​ന്നു​ക​യ​റി വ​ഴി​തി​രി​ച്ചു​വി​ടാ​നും അ​പ​ക​ട​മു​ണ്ടാ​ക്കാ​നും ഹാ​ക്ക​ർ​മാ​ർ​ക്ക് നി​ഷ്പ്ര​യാ​സം ക​ഴി​യും. ജോ​ലി ന​ഷ്ട​പ്പെ​ടു​ന്ന ഡ്രൈ​വ​ർ​മാ​ർ​പോ​ലും നു​ഴ​ഞ്ഞു​ക​യ​റ്റ​ക്കാ​ർ​ക്കി​ട​യി​ൽ ഉ​ണ്ടാ​കു​മെ​ന്നാ​ണ് ക​ണ​ക്കു​കൂ​ട്ട​ൽ. ട്ര​ക്കു​ക​ളു​ടെ കാ​ര്യ​ത്തി​ൽ മാ​ത്ര​മ​ല്ല, സ്വ​യം ഓ​ടു​ന്ന കാ​റു​ക​ളി​ലും ഇ​തു സം​ഭ​വി​ക്കാം. തു​ട​ക്ക​ത്തി​ൽ അ​തേ​ക്കു​റി​ച്ച് ക​ന്പ​നി​ക​ൾ ചി​ന്തി​ച്ചി​രു​ന്നി​ല്ലെ​ങ്കി​ലും ഇ​പ്പോ​ൾ ഗൗ​ര​വ​മാ​യ പ​ഠ​ന​ങ്ങ​ൾ തു​ട​ങ്ങി​യി​രി​ക്കു​ന്നു. ഗൂ​ഗി​ളി​നു പു​റ​മേ ഫോ​ർ​ഡ്, നി​സാ​ൻ ക​ന്പ​നി​ക​ളും സ്വ​യം നി​യ​ന്ത്രി​ത വാ​ഹ​ന​ങ്ങ​ളു​ടെ സു​ര​ക്ഷ​യെ​ക്കു​റി​ച്ച് കാ​ര്യ​മാ​യി ചി​ന്തി​ക്കു​ന്നു.

ത​ൽ​ക്കാ​ലം ഹാ​ക്ക​ർ​മാ​രെ പേ​ടി​ച്ചേ മ​തി​യാ​കൂ. ത​നി​യേ പാ​യു​ന്ന വ​ണ്ടി​ക​ളി​ൽ ക​യ​റി ധൈ​ര്യ​ത്തോ​ടെ​യി​രി​ക്കാ​ൻ സ​മ​യ​മാ​യി​ട്ടി​ല്ല എ​ന്നു ചു​രു​ക്കം.

വി.ആർ. ഹരിപ്രസാദ്
Copyright @ 2022 , Rashtra Deepika Ltd.