കിടിലൻ ഫീച്ചറുമായി യു ട്യൂബ് ഗോ : Deepika.com Tech News

കിടിലൻ ഫീച്ചറുമായി യു ട്യൂബ് ഗോ

Thursday, April 6, 2017 1:08 AM IST

പുതുതായി ഡിസൈൻ ചെയ്ത യു ട്യൂബ് ആപ്ലിക്കേഷനായ യു ട്യൂബ് ഗോ ഗൂഗിൾ പുറത്തിറക്കി. ഇന്ത്യയിലെ അതിവേഗം വളരുന്ന ഇന്‍റർനെറ്റ് മാർക്കറ്റ് ലക്ഷ്യമിട്ടാണ് യു ട്യൂബിന്‍റെ പുതിയ ആപ്. യു ട്യൂബ് ഗോ എന്ന പേരിലാണ് പുതിയ ആപ്പിന്‍റെ ബീറ്റ വേർഷൻ ഇന്ത്യയിലെ ഗൂഗിൾ പ്ലേ സ്റ്റോറിൽ അവതരിപ്പിച്ചിരിക്കുന്നത്.

നിലവിലുള്ള യു ട്യൂബ് ആപ്പിലെ ഒാഫ് ലൈൻ വീഡിയോ ഒാപ്ഷനു പ്രധാന്യം നൽകിയാണ് ഗോ അവതരിപ്പിച്ചിരിക്കുന്നത്. വേഗത കുറഞ്ഞ ഇന്‍റർനെറ്റ് ഉപയോഗിക്കുന്നവർക്കാണ് യു ട്യൂബ് ഗോയുടെ പ്രയോജനം ലഭിക്കുക. ആപ്പിന്‍റെ ഹോം സ്ക്രീനിൽ സേവ് ചെയ്ത വീഡിയോ കാണാനുള്ള ടാബ് കൂടി ഉൾപ്പെടുത്തിയിട്ടുണ്ട്.

റിലയൻസ് ജിയോ സൗജന്യ ഇൻർനെറ്റ് പാക്കേജുമായി വന്നതുമുതൽ ഇന്ത്യയിലെ വീഡിയോ കാണുന്നവരുടെ എണ്ണം കുതിച്ചുയർന്നെന്നാണ് കണക്ക്. ഈ സാഹചര്യം പരമാവധി പ്രയോജനപ്പെടുത്തുകയാണ് ഗൂഗിളിന്‍റെ ലക്ഷ്യം.

എങ്ങനെ ഇൻസ്റ്റാൾ ചെയ്യാം

പ്ലേസ്റ്റോറിൽനിന്നു യു ട്യൂബ് ഗോ ആപ് ഡൗൺലോഡ് ചെയ്ത് ഇൻസ്റ്റാൾ ചെയ്യുക. ആപ് തുറക്കുന്പോൾ മൊബൈൽ നന്പർ നൽകണം. മൊബൈൽ നന്പർ വേരിഫൈ ചെയ്യാൻ ഒരു കോഡ് മെസേജിലൂടെ ലഭിക്കും. ഇത് നൽകിയ ശേഷം ഗൂഗിൾ അക്കൗണ്ട് കൂടി സെലക്‌ട് ചെയ്തു നൽകിയാൽ ആപ് ഒാപ്പണാകും.