കിച്ചാ സുദീപും ഉപേന്ദ്രയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രം കബ്‌സ റിലീസിനൊരുങ്ങുന്നു. ബിഗ് ബജറ്റില്‍ ഒരുക്കുന്ന ഈ ചിത്രം സംവിധാനം ചെയ്യുന്നത് ആര്‍.ചന്ദ്രുവാണ്. ശ്രീസിദ്ധേശ്വര എന്‍റർപ്രൈസിന്‍റെ ബാനറില്‍ ആര്‍.ചന്ദ്രശേഖറാണ് ചിത്രം നിര്‍മിക്കുന്നത്.
സ്വാതന്ത്രാനന്തര കാലഘട്ടത്തില്‍ നടക്കുന്ന അധോലോക പശ്ചാത്തലമാണ് കഥയുടെ ഇതിവൃത്തം. മാസ് ആക്ഷന്‍ പിരിയോഡിക് എന്‍റര്‍ടെയിനറായാണ് ചിത്രം എത്തുക.
ശ്രേയ സരണ്‍, കോട്ട ശ്രീനിവാസ റാവു, കബിര്‍ദ്ദുഹന്‍ സിംഗ്, മുരളി ശര്‍മ്മ, പോശാനി കൃഷ്ണ മുരളി, ജോണ്‍ കൊക്കന്‍, സുധ, ദേവ്ഗില്‍, കാമരാജന്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
എഡിറ്റിംഗ്: മഹേഷ് റെഡ്ഡി. ഛായാഗ്രഹണം: എ.ജെ. ഷെട്ടി. മലയാളത്തിനും കന്നഡയ്ക്കും പുറമേ ഹിന്ദി, തെലുങ്ക്, തമിഴ്, മറാത്തി, ബംഗാളി തുടങ്ങി ഏഴ് ഭാഷകളിലും ചിത്രം പ്രദര്‍ശനത്തിനെത്തും. ഒക്ടോബർ അവസാനവാരത്തോ‌ടു കൂടെ ചിത്രം തിയറ്ററിലെത്തും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.