ഇക്കാലത്ത് സത്യസന്ധരെ കാണുക എന്ന് പറയുന്നത് അദ്ഭുതമാണെന്ന് പറയാം. പലരും പിടിക്കപ്പെടുമൊ എന്ന കാരണത്താലാണ് പലതും അപഹരിക്കാതെ ഇരിക്കുന്നതെന്നാണ് ചിലര്‍ ചൂണ്ടിക്കാട്ടുന്നത്. എന്നിരുന്നാലും നല്ലവരായ മനുഷ്യര്‍ എല്ലായിടവുമുണ്ട്.
ചില സന്ദര്‍ഭങ്ങളും സാഹചര്യങ്ങളുമാണ് അത് കാണാനായി നമ്മുടെ കണ്ണിനെ തുറപ്പിക്കുന്നത്. അടുത്തിടെ ഗിരീഷ് എന്ന ഒരാളുടെ സത്യസന്ധതയെ പുകഴ്ത്തി ഒരു യുവതി സമൂഹ മാധ്യമങ്ങളില്‍ പോസ്റ്റ് ഇടുകയുണ്ടായി.
ചിത്ര എന്നാണ് ഈ യുവതിയുടെ പേര്. ഗിരീഷ് ബംഗളൂരുവിലുള്ള ഒരു ഓട്ടോഡ്രൈവറാണ്. കഴിഞ്ഞയിടെ ഈ യുവതി ഇദ്ദേഹത്തിന്‍റെ ഓട്ടോയില്‍ സവാരി ചെയ്യുകയുണ്ടായി. ആ സമയം ഇവരുടെ സ്വര്‍ണ ചെയിന്‍ നഷ്ടപ്പെട്ടു. എന്നാല്‍ ഈ ചെയിന്‍ എവിടെ പോയെന്ന് അവര്‍ക്കൊരു പിടിത്തവും ഇല്ലായിരുന്നു.
പക്ഷേ ഇവരെ അന്വേഷിച്ച് ചെയിനുമായി ഈ ഡ്രൈവര്‍ എത്തി. അത് അവരെ സന്തോഷിപ്പിക്കുകയും അദ്ഭുതപ്പെടുത്തുകയും ചെയ്തു. കാരണം പവന് 60,000 രൂപ ആയ ഈ കാലത്ത് സ്വര്‍ണം തിരികെ നല്‍കാന്‍ ആരുമത്ര മനസ് കാട്ടില്ലല്ലൊ.
ചിത്ര ഇദ്ദേഹത്തിന്‍റെ സത്യസന്ധത ലോകത്തെ അറിയിക്കാന്‍ തീരുമാനിച്ചു. അവര്‍ അദ്ദേഹത്തിന്‍റെ ദൃശ്യങ്ങള്‍ പകര്‍ത്തി ഇക്കാര്യം നെറ്റിസണ്‍സിനെ അറിയിച്ചു. "നഷ്ടപ്പെട്ട സ്വര്‍ണചെയിന്‍ തിരികെ കിട്ടാന്‍ എന്നെ അന്വേഷിച്ച ഓട്ടോ ഡ്രൈവര്‍ ഗിരീഷിനെ കാണൂ' എന്നാണ് ചിത്ര തന്‍റെ വീഡിയോയില്‍ പറയുന്നത്.
വൈറലായി മാറിയ ദൃശ്യങ്ങള്‍ക്ക് നിരവധി അഭിപ്രായങ്ങള്‍ ലഭിച്ചു. "ദൈവം ഈ മനുഷ്യനെ അനുഗ്രഹിക്കട്ടെ' എന്നാണൊരാള്‍ കുറിച്ചത്...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.