കൊ​ച്ചി: സം​സ്ഥാ​ന​ത്ത് സ്വ​ർ​ണ​വി​ല കു​തി​പ്പ് തു​ട​രു​ന്നു. പ​വ​ൻ വി​ല വീ​ണ്ടും 64,000 ക​ട​ന്നു. ഇ​ന്ന് പ​വ​ന് 520 രൂ​പ​യും ഗ്രാ​മി​ന് 65 രൂ​പ​യു​മാ​ണ് കൂ​ടി​യ​ത്. ഇ​തോ​ടെ, ഒ​രു പ​വ​ൻ സ്വ​ർ​ണ​ത്തി​ന് 64,280 രൂ​പ​യി​ലും ഗ്രാ​മി​ന് 8,035 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. അ​തേ​സ​മ​യം, ഒ​രു ഗ്രാം 18 ​കാ​ര​റ്റ് സ്വ​ർ​ണ​ത്തി​ന്‍റെ വി​ല 6,610 രൂ​പ​യാ​ണ്.

ശ​നി​യാ​ഴ്ച​ത്തെ വ​ൻ​വീ​ഴ്ച​യ്ക്കും വി​ശ്ര​മ​ത്തി​നും ശേ​ഷം തി​ങ്ക​ളാ​ഴ്ച കു​തി​ച്ചു​യ​ർ​ന്ന സ്വ​ർ​ണ​വി​ല പ​വ​ന് 400 രൂ​പ കൂ​ടി​യി​രു​ന്നു. പി​ന്നാ​ലെ ചൊ​വ്വാ​ഴ്ച 240 രൂ​പ​യും കൂ​ടി. ഇ​തോ​ടെ, ക​ഴി​ഞ്ഞ ര​ണ്ടാ​ഴ്ച​യ്ക്കി​ടെ മാ​ത്രം പ​വ​ന് 2,640 രൂ​പ​യും ഗ്രാ​മി​ന് 330 രൂ​പ​യു​മാ​ണ് ഉ​യ​ർ​ന്ന​ത്. എ​ട്ടു ദി​വ​സ​ത്തെ ഇ​ട​വേ​ള​യ്ക്കു​ശേ​ഷ​മാ​ണ് പ​വ​ൻ വീ​ണ്ടും 64,000 രൂ​പ ക​ട​ന്ന​ത്.

ഈ​മാ​സം 11ന് ​രേ​ഖ​പ്പെ​ടു​ത്തി​യ പ​വ​ന് 64,480 രൂ​പ​യും ഗ്രാ​മി​ന് 8,035 രൂ​പ​യു​മാ​ണ് കേ​ര​ള​ത്തി​ന്‍റെ ച​രി​ത്ര​ത്തി​ലെ എ​ക്കാ​ല​ത്തെ​യും ഉ​യ​ർ​ന്ന വി​ല. അ​തു മ​റി​ക​ട​ക്കാ​ൻ പ​വ​ന് മു​ന്നി​ലു​ള്ള​ത് 200 രൂ​പ​യു​ടെ​യും ഗ്രാ​മി​ന് 25 രൂ​പ​യു​ടെ​യും അ​ക​ലം മാ​ത്ര​മാ​ണ്.

ജ​നു​വ​രി 22നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. തു​ട​ർ​ന്ന് 24ന് 60,440 ​രൂ​പ​യാ​യി ഉ​യ​ർ​ന്ന് സ​ർ​വ​കാ​ല റി​ക്കാ​ർ​ഡി​ലെ​ത്തി. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി​യി​രു​ന്നു.

ഈ ​മാ​സം ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല. മൂ​ന്നി​ന് 320 രൂ​പ ഇ​ടി​ഞ്ഞെ​ങ്കി​ലും പി​ന്നീ​ട് വീ​ണ്ടും കു​തി​ച്ചു. നാ​ലി​ന് ഒ​റ്റ​യ​ടി​ക്ക് 840 രൂ​പ​യും അ​ഞ്ചി​ന് 760 രൂ​പ​യും ആ​റി​ന് 200 രൂ​പ​യും ഉ​യ​രു​ക​യാ​യി​രു​ന്നു.

തു​ട​ർ​ന്ന് ഏ​ഴി​ന് മാ​റ്റ​മി​ല്ലാ​തെ തു​ട​ർ​ന്ന ശേ​ഷം എ​ട്ടി​ന് 120 രൂ​പ​യും 10ന് 280 ​രൂ​പ​യും ഉ​യ​ർ​ന്ന സ്വ​ർ​ണം പി​ന്നീ​ട് 64,000 രൂ​പ​യും ക​ട​ന്നു കു​തി​ക്കു​ന്ന കാ​ഴ്ച​യാ​ണ് ക​ണ്ട​ത്. വീ​ണ്ടും റി​ക്കാ​ര്‍​ഡ് ഉ​യ​ര​ത്തി​ലേ​ക്ക് മു​ന്നേ​റു​മെ​ന്ന് തോ​ന്നി​പ്പി​ച്ച ഘ​ട്ട​ത്തി​ലാ​ണ് ശ​നി​യാ​ഴ്ച സ്വ​ര്‍​ണ​വി​ല​യി​ല്‍ 800 രൂ​പ ഇ​ടി​ഞ്ഞ​ത്. പി​ന്നീ​ട് വീ​ണ്ടും കു​തി​പ്പ് വീ​ണ്ടെ​ടു​ത്ത സ്വ​ർ​ണം റി​ക്കാ​ർ​ഡ് ല​ക്ഷ്യ​മാ​ക്കി മു​ന്നേ​റു​ക​യാ​ണ്.

ആ​ഗോ​ള വി​പ​ണി​യി​ലെ ച​ല​ന​ങ്ങ​ളും ഡോ​ള​ര്‍ ശ​ക്തി​യാ​ര്‍​ജി​ക്കു​ന്ന​ത് അ​ട​ക്ക​മു​ള്ള ഘ​ട​ക​ങ്ങ​ളു​മാ​ണ് സ്വ​ര്‍​ണ​വി​ല​യെ സ്വാ​ധീ​നി​ക്കു​ന്ന​ത്. യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ര​ണ്ടാ​മ​തും അ​ധി​കാ​ര​ത്തി​ലേ​റി​യ​ശേ​ഷം ആ​രം​ഭി​ച്ച ‘താ​രി​ഫ്’ യു​ദ്ധ​മാ​ണ് സ്വ​ർ​ണ​വി​ല കു​തി​ച്ചു​യ​രാ​ൻ മു​ഖ്യ​കാ​ര​ണം. രാ​ജ്യാ​ന്ത​ര​വി​ല ഔ​ൺ​സി​ന് 30 ഡോ​ള​റോ​ളം ഉ​യ​ർ​ന്ന് 2,939 ഡോ​ള​റി​ലെ​ത്തി. ഇ​പ്പോ​ൾ വ്യാ​പാ​രം പു​രോ​ഗ​മി​ക്കു​ന്ന​ത് 2,927 ഡോ​ള​റി​ലാ​ണ്.

അ​തേ​സ​മ​യം, വെ​ള്ളി നി​ര​ക്കി​ൽ മാ​റ്റ​മി​ല്ല. ഒ​രു ഗ്രാം ​സാ​ധാ​ര​ണ വെ​ള്ളി​ക്ക് ഒ​രു​രൂ​പ കൂ​ടി 107 രൂ​പ​യി​ലാ​ണ് വ്യാ​പാ​രം ന​ട​ക്കു​ന്ന​ത്.