തി​രു​വ​ന​ന്ത​പു​രം: കാ​ര്യ​വ​ട്ടം ഗ​വ കോ​ള​ജി​ലെ റാ​ഗിം​ഗി​ൽ ഏ​ഴ് വി​ദ്യാ​ർ​ഥി​ക​ളെ സ​സ്പെ​ൻ​ഡ് ചെ​യ്തു. മൂ​ന്നാം വ​ര്‍​ഷ ബി​രു​ദ വി​ദ്യാ​ര്‍​ഥി​ക​ളാ​യ വേ​ലു, പ്രി​ന്‍​സ്, അ​ന​ന്ത​ന്‍, പാ​ര്‍​ഥ​ന്‍, അ​ല​ന്‍, ശ്രാ​വ​ണ്‍, സ​ല്‍​മാ​ന്‍ എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി.

ഒ​ന്നാം വ​ർ​ഷ ബി​രു​ദ വി​ദ്യാ​ർ​ഥി ബി​ൻ​സി​ന്‍റെ പ​രാ​തി​യി​ലാ​ണ് ഇ​വ​ർ​ക്കെ​തി​രേ ന​ട​പ​ടി​യെ​ടു​ത്ത​ത്. പ​രാ​തി​ക്ക് പി​ന്നാ​ലെ ന​ട​ത്തി​യ പ​രി​ശോ​ധ​ന​യി​ൽ റാ​ഗിം​ഗ് ന​ട​ന്ന​താ​യി ആ​ന്‍റി റാ​ഗിം​ഗ് ക​മ്മി​റ്റി സ്ഥി​രീ​ക​രി​ച്ചി​രു​ന്നു.

ഫെ​ബ്രു​വ​രി 11ന് ​കോള​ജ് കാ​ന്പ​സി​ല്‍ സീ​നി​യ​ര്‍ വി​ദ്യാ​ര്‍​ഥി​ക​ളും ജൂ​നി​യ​ര്‍ വി​ദ്യാ​ര്‍​ഥി​ക​ളും ത​മ്മി​ല്‍ അ​ടി​പി​ടി ‌ഉ​ണ്ടാ​യി​രു​ന്നു. ഇ​തി​നി​ടെ ബി​ന്‍​സി​നും സു​ഹൃ​ത്താ​യ അ​ഭി​ഷേ​കി​നും സീ​നി​യ​ര്‍ വി​ദ്യാ​ര്‍​ഥിക​ളു​ടെ മ​ര്‍​ദ​ന​മേ​റ്റു.

ഇ​തി​ന് പി​ന്നാ​ലെ ര​ണ്ട് കൂ​ട്ട​രും ക​ഴ​ക്കൂ​ട്ടം പോ​ലീ​സി​ല്‍ പ​രാ​തി ന​ല്‍​കു​ക​യും ഇ​തി​ന്‍റെ അ​ടി​സ്ഥാ​ന​ത്തി​ല്‍ പൊ​ലീ​സ് കേ​സെ​ടു​ക്കു​ക​യും ചെ​യ്തി​രു​ന്നു. ഈ ​സം​ഭ​വ​ത്തി​ന് സീ​നി​യ​ര്‍ വി​ദ്യാ​ര്‍​ഥി​ക​ള്‍ ചേ​ര്‍​ന്ന് കെ​ട്ടി​യി​ട്ട് മ​ര്‍​ദി​ച്ചു എ​ന്നാ​യി​രു​ന്നു ബി​ന്‍​സ് പ്രി​ന്‍​സി​പ്പ​ലി​ന് ന​ല്‍​കി​യ പ​രാ​തി.

ഷ​ര്‍​ട്ട് വ​ലി​ച്ചു കീ​റി മു​ട്ടു​കാ​ലി​ല്‍ നി​ര്‍​ത്തി. മു​തു​കി​ലും മു​ഖ​ത്തും അ​ടി​ച്ചു. തു​പ്പി​യ വെ​ള്ളം കു​ടി​ക്കാ​ന്‍ ന​ല്‍​കി​യെ​ന്നും പ​രാ​തി​യി​ൽ ചൂ​ണ്ടി​ക്കാ​ട്ടി​യി​രു​ന്നു. റാ​ഗിം​ഗ് ന​ട​ന്നെ​ന്ന കോ​ള​ജ് അ​ധി​കൃ​ത​രു​ടെ ക​ണ്ടെ​ത്ത​ലി​ന് പി​ന്നാ​ലെ സംഭവത്തിൽ പോ​ലീ​സ് കേ​സെ​ടു​ത്തി​ട്ടു​ണ്ട്.