കൊ​ല്ലം: കേ​ര​ള​ത്തെ ന​ടു​ക്കി​യ ഡോ​ക്ട​ർ വ​ന്ദ​ന​ദാ​സ് കൊ​ല​ക്കേ​സി​ൽ വി​ചാ​ര​ണ ആ​രം​ഭി​ച്ചു. ഒ​ന്നാം സാ​ക്ഷി​യു​ടെ വി​സ്താ​ര​മാ​ണ് കൊ​ല്ലം ഫ​സ്റ്റ് അ​ഡീ​ഷ​ണ​ൽ ഡി​സ്ട്രി​ക്റ്റ് ആ​ൻ​ഡ് സെ​ഷ​ൻ​സ് കോ​ട​തി​യി​ൽ ഇ​ന്നു ന​ട​ന്ന​ത്. പ്ര​തി സ​ന്ദീ​പി​നെ കോ​ട​തി​യി​ൽ നേ​രി​ട്ട് ഹാ​ജ​രാ​ക്കി.

കൃ​ത്യം ന​ട​ക്കു​മ്പോ​ൾ കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി​യി​ൽ വ​ന്ദ​ന​യ്ക്ക് ഒ​പ്പം ഡ്യൂ​ട്ടി​യി​ലു​ണ്ടാ​യി​രു​ന്ന ഡോ. ​മു​ഹ​മ്മ​ദ് ഷി​ബി​നാ​ണ് ഒ​ന്നാം സാ​ക്ഷി. പ്ര​തി​യെ​യും കൃ​ത്യ​ത്തി​ന് ഉ​പ​യോ​ഗി​ച്ച ആ‍​യു​ധ​വും സാ​ക്ഷി തി​രി​ച്ച​റി​ഞ്ഞു.

ഡോ. ​വ​ന്ദ​ന​ദാ​സ് ആ​ക്ര​മി​ക്ക​പ്പെ​ട്ട സം​ഭ​വം കോ​ട​തി​മു​റി​യി​ൽ ഡോ. ​മു​ഹ​മ്മ​ദ് ഷി​ബി​ൻ വി​വ​രി​ച്ച​ത് വി​തു​മ്പി​ക്കൊ​ണ്ടാ​യി​രു​ന്നു. പു​ല​ർ​ച്ച അ​ഞ്ചി​നാ​ണ് ര​ണ്ട് പോ​ലീ​സ് ഉ​ദ്യോ​ഗ​സ്ഥ​രും കു​ട​വ​ട്ടൂ​ർ സ്വ​ദേ​ശി​യാ​യ പ്ര​തി സ​ന്ദീ​പും ര​ണ്ട് സ​മീ​പ​വാ​സി​ക​ളും കൊ​ട്ടാ​ര​ക്ക​ര താ​ലൂ​ക്കാ​ശു​പ​ത്രി​യി​ലെ​ത്തു​ന്ന​ത്. പ്ര​തി​യു​ടെ കാ​ലു​ക​ളി​ൽ മു​റി​വു​ണ്ടാ​യി​രു​ന്ന​തി​നാ​ൽ കാ​ഷ്വ​ൽ​റ്റി​യി​ലെ പ്രൊ​സീ​ജ്യ​ർ റൂ​മി​ലേ​ക്ക് മാ​റ്റു​ക​യാ​യി​രു​ന്നു.

അ​വി​ടെ വ​ച്ച് സ​ന്ദീ​പ് കൂ​ടെ​യെ​ത്തി​യ​യാ​ളെ​യും പോ​ലീ​സ് ഉ​ദ്യോ​ഗ​സ്ഥ​രെ​യും ആ​ക്ര​മി​ക്കു​ക​യും ഒ​രാ​ളു​ടെ ത​ല​യി​ൽ ക​ത്രി​ക​യു​പ​യോ​ഗി​ച്ച് കു​ത്തു​ക​യും ചെ​യ്തു. ത​ട​യാ​നെ​ത്തി​യ പോ​ലീ​സ് ഉ​ദ്യോ​ഗ​സ്ഥ​നെ​യും ആം​ബു​ല​ൻ​സ് ഡ്രൈ​വ​റെ​യും ആ​ക്ര​മി​ച്ചു. തു​ട​ർ​ന്നാ​ണ് കാ​ഷ്വ​ൽ​റ്റി​യി​ലെ പ്രൊ​സീ​ജ്യ​ർ റൂ​മി​ലേ​ക്കെ​ത്തി​യ ഡോ. ​വ​ന്ദ​ന​ദാ​സി​നെ പ്ര​തി ആ​ക്ര​മി​ച്ച​ത്.

പ്രൊ​സീ​ജ്യ​ർ റൂ​മി​ൽ​നി​ന്നു​ള്ള നി​ല​വി​ളി​കേ​ട്ടാ​ണ് കാ​ഷ്വാ​ൽ​റ്റി​യി​ലെ ഫാ​ർ​മ​സി​ക്കു​സ​മീ​പം നി​ന്ന ഷി​ബി​ൻ അ​വി​ടേ​ക്ക് ഓ​ടി​യെ​ത്തു​ന്ന​ത്. അ​വി​ടെ​വെ​ച്ച് പ്ര​തി സ​ന്ദീ​പ് വ​ന്ദ​ന​യു​ടെ ഇ​ട​തു​കൈ​യി​ൽ പി​ടി​ച്ചു​നി​ർ​ത്തി ഒ​ര​ടി​യോ​ളം നീ​ള​മു​ള്ള സ​ർ​ജി​ക്ക​ൽ ക​ത്രി​ക ഉ​പ​യോ​ഗി​ച്ച് ത​ല​യി​ലും പു​റ​ത്തും കു​ത്തു​ക​യാ​യി​രു​ന്നു.

പെ​ട്ടെ​ന്ന് ഷി​ബി​ൻ വ​ന്ദ​ന​യെ കാ​ലി​ൽ പി​ടി​ച്ചു​വ​ലി​ച്ച് ര​ക്ഷി​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. ആ ​സ​മ​യം ക​ഴു​ത്തി​ലും പു​റ​ത്തും ത​ല​യി​ലും ആ​ഴ​ത്തി​ലു​ള്ള മു​റി​വേ​റ്റി​രു​ന്ന വ​ന്ദ​ന ന​ട​ക്കാ​നും ശ്വാ​സ​മെ​ടു​ക്കാ​നും പ്ര​യാ​സ​മു​ള്ള​താ​യി പ​റ​ഞ്ഞു. തു​ട​ർ​ന്ന്, വ​ന്ദ​ന​യെ പു​റ​ത്തു​ണ്ടാ​യി​രു​ന്ന പോ​ലീ​സ് വാ​ഹ​ന​ത്തി​ൽ കൊ​ട്ടാ​ര​ക്ക​ര​യി​ലു​ള്ള വി​ജ​യ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. തു​ട​ർ​ന്ന്, വ​ന്ദ​ന​ദാ​സ് മ​രി​ച്ച​താ​യും ഷി​ബി​ൻ മൊ​ഴി​ന​ൽ​കി.

വ​ന്ദ​ന​യു​ടെ അ​ച്ഛ​ൻ മോ​ഹ​ൻ​ദാ​സും ഇ​ന്ന് കോ​ട​തി​യി​ൽ എ​ത്തി​യി​രു​ന്നു. മ​ക​ൾ​ക്ക് നീ​തി കി​ട്ടും വ​രെ പോ​രാ​ടു​മെ​ന്ന് മോ​ഹ​ൻ​ദാ​സ് പ്ര​തി​ക​രി​ച്ചു. 131 സാ​ക്ഷി​ക​ൾ ഉ​ള്ള കേ​സി​ൽ 50 പേ​രെ​യാ​ണ് ആ​ദ്യ​ഘ​ട്ട​ത്തി​ൽ വി​സ്ത​രി​ക്കു​ന്ന​ത്.