കൊ​ച്ചി: ചേ​ന്ദ​മം​ഗ​ലം പേ​രേ​പ്പാ​ട​ത്ത് ദ​മ്പ​തി​ക​ളെ​യും മ​ക​ളെ​യും വീ​ട്ടി​ല്‍​ക്ക​യ​റി ത​ല​യ്ക്ക​ടി​ച്ച് കൊ​ല​പ്പെ​ടു​ത്തി​യ കേ​സി​ലെ പ്ര​തി പേ​രേ​പ്പാ​ടം ക​ണി​യാ​പ​റ​മ്പി​ല്‍ ഋ​തു ജ​യന്‍റെ (26)​ വീ​ട് അ​ടി​ച്ചുത​ക​ര്‍​ത്ത കേ​സി​ല്‍ ര​ണ്ടുപേ​ര്‍ പോ​ലീ​സ് ക​സ്റ്റ​ഡി​യി​ല്‍.

ഗോ​വി​ന്ദ്, ജി​ബി​ന്‍ എ​ന്നി​വ​രെ​യാ​ണ് അ​ന്വേ​ഷ​ണ സം​ഘം ക​സ്റ്റ​ഡി​യി​ലെ​ടു​ത്ത​ത്. ഇ​തി​ല്‍ ഗോ​വി​ന്ദ് പ്ര​തി ഋ​തു​വി​ന്‍റെ സു​ഹൃ​ത്താ​ണ്. പ​രി​ക്കേ​റ്റ ആ​ശു​പ​ത്രി​യി​ല്‍ ക​ഴി​യു​ന്ന ജി​തി​ന്‍റെ സു​ഹൃ​ത്താ​ണ് ജി​ബി​ന്‍.

ഞാ​യ​റാഴ്ച വൈകുന്നേരം ആ​റി​നാ​ണ് ഇ​വ​ര്‍ വീ​ട് അ​ടി​ച്ചുത​ക​ര്‍​ത്ത​ത്. വീ​ടി​ന്‍റെ ജ​ന​ല്‍ചി​ല്ലു​ക​ളും സി​റ്റൗ​ട്ടി​ന്‍റെ ഒ​രു ഭാ​ഗ​വും ത​ക​ര്‍​ത്തി​ട്ടു​ണ്ട്. ഈ ​വീ​ട്ടി​ല്‍ ഋ​തു​വി​ന്‍റെ മാ​താ​പി​താ​ക്ക​ളാ​ണ് താ​മ​സി​ച്ചി​രു​ന്ന​ത്. എ​ന്നാ​ല്‍, കൊ​ല​ക്കേ​സി​ല്‍ ഋ​തു പ്ര​തി​യാ​യ​തി​നെ​ത്തു​ട​ര്‍​ന്ന് ഇ​വ​ര്‍ ഇ​വി​ടെ​നി​ന്നു കെ​ടാ​മം​ഗ​ല​ത്തു​ള്ള ബ​ന്ധു​വീ​ട്ടി​ലേ​ക്ക് താ​മ​സം മാ​റി​യി​രു​ന്നു. ജ​ന​വി​കാ​രം ക​ണ​ക്കി​ലെ​ടു​ത്ത് പോ​ലീ​സി​ന്‍റെ നി​ര്‍​ദേ​ശ​പ്ര​കാ​ര​മാ​ണ് ഇ​വ​ര്‍ വീ​ട്ടി​ല്‍​നി​ന്നും മാ​റി​നി​ന്ന​ത്. സ്ഥ​ല​ത്ത് വ​ന്‍ പോ​ലീ​സ് സം​ഘം ക്യാ​മ്പ് ചെ​യ്യു​ന്നു​ണ്ട്.

പ്ര​തി ഋ​തു​വി​നെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്ത് തി​രി​കെ കൊ​ണ്ടു പോ​കു​ന്ന സ​മ​യ​ത്തും അ​യാ​ളെ അ​ക്ര​മി​ക്കാ​ന്‍ ശ്ര​മം ന​ട​ന്നി​രു​ന്നു. പ്രതിയെ ക​സ്റ്റ​ഡി​യി​ല്‍ ചോ​ദ്യം ചെ​യ്യാ​നാ​യി പോ​ലീ​സ് ക​സ്റ്റ​ഡി അ​പേ​ക്ഷ ന​ല്‍​കി​യി​ട്ടു​ണ്ട്. പ​റ​വൂ​ര്‍ ജു​ഡീ​ഷ​ല്‍ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കോ​ട​തി​യി​ല്‍ ഇ​ത് ഇ​ന്ന് പ​രി​ഗ​ണി​ക്കും. ക​സ്റ്റ​ഡി​യി​ല്‍ ല​ഭി​ച്ചാ​ല്‍ കൊ​ല​പാ​ത​കം ന​ട​ന്ന വീ​ട്ടി​ല​ട​ക്കം തെ​ളി​വെ​ടു​പ്പി​നെ​ത്തി​ക്കും.

അ​യ​ല്‍​വാ​സി​ക​ളാ​യി​രു​ന്ന കാ​ട്ടി​പ​റ​മ്പി​ല്‍ വേ​ണു (65)ഭാ​ര്യ ഉ​ഷ (58) മ​ക​ള്‍ വി​നീ​ഷ(32) എ​ന്നി​വ​രാ​ണ് ഋ​തു ത​ല​യ്ക്ക് ഇ​രു​മ്പ വ​ടി​കൊ​ണ്ട് ക്രൂ​ര​മാ​യി മ​ര്‍​ദ്ദി​ച്ച​തി​നെ തു​ട​ര്‍​ന്ന് മ​ര​ണ​പ്പെ​ട്ട​ത്. അ​ക്ര​മ​ണ​ത്തി​ല്‍ പ​രി​ക്കേ​റ്റ വി​നീ​ഷ​യു​ടെ ഭ​ര്‍​ത്താ​വ് ജി​തി​ന്‍ ബോ​സി​ന്‍റെ നി​ല അ​തീ​വ ഗു​രു​ത​രാ​വ​സ്ഥ​യി​ല്‍ തു​ട​രു​ക​യാ​ണ്.