ഗു​വാ​ഹാ​ട്ടി: അ​സ​മി​ലെ ക​ല്‍​ക്ക​രി ഖ​നി​ക്കു​ള്ളി​ല്‍ വെ​ള്ളം ക​യ​റി 18 തൊ​ഴി​ലാ​ളി​ക​ള്‍ കു​ടു​ങ്ങി​ക്കി​ട​ക്കു​ന്നു. ദി​മാ ഹ​സാ​വോ ജി​ല്ല​യി​ലെ ഉ​മ​റാം​ഗ്സോ​യി​ലു​ള്ള ഖ​നി​യി​ലാ​ണ് അ​പ​ക​ട​മു​ണ്ടാ​യ​ത്.

മൂ​ന്നു​റ​ടി​യോ​ളം ആ​ഴ​മു​ള്ള ഖ​നി​യി​ലാ​ണ് തൊ​ഴി​ലാ​ളി​ക​ള്‍ കു​ടു​ങ്ങി​കി​ട​ക്കു​ന്ന​തെ​ന്നും ഇ​തി​ല്‍ നൂ​റ​ടി താ​ഴ്ച​യി​ല്‍ വ​രെ വെ​ള്ള​മെ​ത്തി​യി​ട്ടു​ണ്ടെ​ന്നും അ​ധി​കൃ​ത​ര്‍ പ​റ​ഞ്ഞു. ര​ണ്ടു മോ​ട്ട​ർ പ​മ്പു​ക​ൾ ഉ​പ​യോ​ഗി​ച്ച് വെ​ള്ളം പു​റ​ത്തേ​ക്ക് ക​ള​യു​ന്ന ജോ​ലി​ക​ൾ തു​ട​രു​ക​യാ​ണ്.

കേ​ന്ദ്ര, സം​സ്ഥാ​ന ദു​ര​ന്ത പ്ര​തി​ക​ര​ണ സം​ഘ​ങ്ങ​ൾ സം​ഭ​വ​സ്ഥ​ല​ത്തേ​ക്ക് പു​റ​പ്പെ​ട്ടി​ട്ടു​ണ്ട്. ര​ക്ഷാ​പ്ര​വ​ർ​ത്ത​ന​ത്തി​ന് സൈ​ന്യ​ത്തി​ന്‍റെ സ​ഹാ​യം തേ​ടി​യി​ട്ടു​ണ്ടെ​ന്ന് അ​സം മു​ഖ്യ​മ​ന്ത്രി ഹി​മാ​ന്ത ബി​ശ്വ ശ​ർ​മ പ​റ​ഞ്ഞു. മേ​ഘാ​ല​യ അ​തി​ര്‍​ത്തി​യോ​ട് ചേ​ര്‍​ന്ന മേ​ഖ​ല​യി​ലാ​ണ് അ​പ​ക​ടം സം​ഭ​വി​ച്ച ക​ല്‍​ക്ക​രി ഖ​നി സ്ഥി​തി​ചെ​യ്യു​ന്ന​തെ​ന്നാ​ണ് റി​പ്പോ​ര്‍​ട്ട്.

യ​ന്ത്ര​സ​ഹാ​യ​മി​ല്ലാ​തെ മ​ണ്‍​വെ​ട്ടി​ക​ള​ട​ക്കം ഉ​പ​യോ​ഗി​ച്ച് ചെ​റി​യ ദ്വാ​ര​മു​ണ്ടാ​ക്കി അ​ക​ത്തു​ക​ട​ക്കു​ക​യും ക​ല്‍​ക്ക​രി നി​ക്ഷേ​പം കാ​ണു​ന്ന​തു​വ​രെ കു​ഴി​ച്ച് ചെ​ല്ലു​ന്ന​തു​മാ​യ ഖ​ന​ന​രീ​തി​യാ​ണ് ഇ​വി​ട​ങ്ങ​ളി​ലു​ള്ള​ത്. റാ​റ്റ് ഹോ​ള്‍ മൈ​നിം​ഗ് എ​ന്ന പേ​രി​ല​റി​യ​പ്പെ​ടു​ന്ന ഇ​ത്ത​രം ഖ​ന​ന​രീ​തി രാ​ജ്യ​ത്ത് നി​രോ​ധി​ച്ച​താ​ണ്.