ഹൈ​ദ​രാ​ബാ​ദ്: കേ​ര​ള​ത്തെ ഏ​ക പ​ക്ഷീ​യ​മാ​യ ഒ​രു ഗോ​ളി​ന് ത​ക​ർ​ത്ത് സ​ന്തോ​ഷ് ട്രോ​ഫി കി​രീ​ടം സ്വ​ന്ത​മാ​ക്കി ബം​ഗാ​ൾ. ഇ​ഞ്ചു​റി ടൈ​മി​ല്‍ റോ​ബി ഹ​ന്‍​സ്ദ​യാ​ണ് ബം​ഗാ​ളി​നാ​യി ല​ക്ഷ്യം ക​ണ്ട​ത്. ബം​ഗാ​ളി​ന്‍റെ 33-ാം കി​രീ​ട​മാ​ണി​ത്.

ഹൈ​ദ​രാ​ബാ​ദി​ലെ ഗ​ച്ചി​ബൗ​ളി സ്റ്റേ​ഡി​യ​ത്തി​ല്‍ ന​ട​ന്ന മ​ത്സ​ര​ത്തി​ല്‍ ഇ​രു​ടീ​മു​ക​ളും നി​ര​വ​ധി മു​ന്നേ​റ്റ​ങ്ങ​ളു​ണ്ടാ​ക്കി​യെ​ങ്കി​ലും ഒ​ന്നും ല​ക്ഷ്യ​ത്തി​ലെ​ത്തി​യി​ല്ല. ആ​റാം മി​നി​റ്റി​ലാ​ണ് കേ​ര​ള​ത്തി​ന്‍റെ ആ​ദ്യ നീ​ക്ക​മെ​ത്തി​യ​ത്. പ​ന്തു​മാ​യി കു​തി​ച്ച ന​സീ​ബി​ന്‍റെ മു​ന്നേ​റ്റം ബം​ഗാ​ള്‍ പ്ര​തി​രോ​ധം ത​ട​ഞ്ഞു.

11-ാം മി​നി​റ്റി​ല്‍ കേ​ര​ള​ത്തി​ന് അ​വ​സ​ര​മെ​ത്തി. നി​ജോ ഗി​ല്‍​ബ​ർ​ട്ട് ന​ല്‍​കി​യ ക്രോ​സി​ല്‍ അ​ജ​സ​ലി​ന്‍റെ ഹെ​ഡ​ർ ബാ​റി​ന് മു​ക​ളി​ലൂ​ടെ പ​റ​ന്നു. 30-ാം മി​നി​റ്റി​ല്‍ ബം​ഗാ​ളി​ന്‍റെ കോ​ർ​ണ​ർ കി​ക്ക് കേ​ര​ള​ത്തി​ന്‍റെ ഗോ​ള്‍​കീ​പ്പ​ർ ര​ക്ഷി​ച്ചു. 40-ാം മി​നി​റ്റി​ല്‍ കേ​ര​ള​ത്തി​ന് ഫ്രീ​കി​ക്ക് ല​ഭി​ച്ചു.

മു​ഹ​മ്മ​ദ് മു​ഷ്റ​ഫ് എ​ടു​ത്ത ഫ്രീ​കി​ക്ക് റീ​ബൗ​ണ്ടാ​യി വീ​ണ്ടും കാ​ലി​ലെ​ത്ത​യെ​ങ്കി​ലും താ​ര​ത്തി​ന് ല​ക്ഷ്യം കാ​ണാ​നാ​യി​ല്ല. മ​ത്സ​രം 70-ാം മി​നി​റ്റു പി​ന്നി​ട്ട​തോ​ടെ പ​ന്ത് കൂ​ടു​ത​ൽ സ​മ​യം കൈ​വ​ശം വ​ച്ച് ബം​ഗാ​ളി​നെ സ​മ്മ​ർ​ദ​ത്തി​ലാ​ക്കാ​ൻ കേ​ര​ളം ശ്ര​മം തു​ട​ങ്ങി.

എ​ന്നാ​ൽ 75-ാം മി​നി​റ്റി​ൽ കേ​ര​ള​ത്തി​ന്‍റെ നി​ജോ ഗി​ൽ​ബ​ർ​ട്ട് പ​രു​ക്കേ​റ്റ് ഗ്രൗ​ണ്ടി​ൽ വീ​ണു. നി​ജോ​യ്ക്കു പ​ക​രം മു​ഹ​മ്മ​ദ് റോ​ഷ​ൽ പ​ക​ര​ക്കാ​ര​നാ​യി ഇ​റ​ങ്ങി. 87-ാം മി​നി​റ്റി​ൽ പ​ന്തു​മാ​യി ബം​ഗാ​ൾ ബോ​ക്സി​ലേ​ക്ക് കു​തി​ച്ച് കേ​ര​ള​ത്തി​ന്‍റെ മു​ഹ​മ്മ​ദ് റോ​ഷ​ൽ.

പ​ക്ഷേ ഷോ​ട്ടെ​ടു​ക്കും മു​ൻ​പേ പ്ര​തി​രോ​ധി​ച്ച് ബം​ഗാ​ൾ. തു​ട​ർ​ച്ച​യാ​യി പ​രി​ക്കു​ക​ൾ ക​ണ്ട ര​ണ്ടാം പ​കു​തി​ക്ക് ആ​റു മി​നി​റ്റാ​ണ് ഇ​ൻ​ജ​റി ടൈ​മാ​യി ല​ഭി​ച്ച​ത്. റോ​ബി ഹ​ൻ​സ്ദ​യു​ടെ ഗോ​ളി​ൽ ബം​ഗാ​ൾ മു​ന്നി​ലെ​ത്തി.

94-ാം മി​നി​റ്റി​ൽ പോ​യി​ന്‍റ് ബ്ലാ​ങ്ക് റേ​ഞ്ചി​ൽ അ​നാ​യാ​സ​മാ​യി​രു​ന്നു ബം​ഗാ​ൾ താ​ര​ത്തി​ന്‍റെ ഗോ​ൾ. തൊ​ട്ടു​പി​ന്നാ​ലെ കേ​ര​ള​ത്തി​നു ര​ണ്ട് ഫ്രീ​കി​ക്കു​ക​ൾ ല​ഭി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം.

കേ​ര​ള​ത്തി​ന്‍റെ 16-ാമ​തും ബം​ഗാ​ളി​ന്‍റെ 47-ാം ഫൈ​ന​ലു​മാ​ണ് ഹൈ​ദ​രാ​ബാ​ദി​ലെ ഗ​ച്ചി​ബൗ​ളി സ്റ്റേ​ഡി​യ​ത്തി​ല്‍ ന​ട​ന്ന​ത്.